سؤال عن الكثيرا؟؟؟؟

**عطرالبحر** · 20-04-2003, 03:17 AM

إذا وضعت الكثيرا على شعري هل أغطيها بقبعة بلاستيك أم أتركها تجف لأني لاحظت سرعة جفافها

**بنت بلدها** · 20-04-2003, 08:22 AM

شوفي عمري
معروف أي شيء تحطينه على شعرك حطي فوطه فيها ماء ساخن وإضغطي عليها لين يروح الماء وتبقي بس حاره وحطيها على شعرك

تفتح المسام الفروه................
وتخلي جميع الفوائد تدخل
مثلا هذا يطبق على
(( الدهن بجميع أنواعه - حمام الزيت للشعر- الكثيرا ))

لكن الحناء
لالالا

ودمتي بخير

تسلمممممممممممممممممين

**- نواعس دامعة -** · 20-04-2003, 10:42 AM

هلا عيوني

مثل ماقالت بنوتة الافضل تغطيته بس حاولي مايكون مره مره مكتوم علشان مايضعف الشعر

وبالتوفيق

**ReNo** · 20-04-2003, 02:53 PM

أختي اسمعي نصيحة مني تحطين التغليف البلاستيك حق الأكل لفيه على راسك بعد ما تلفين شعرك بحيث ماييبين شي من شعرك وكل هذا حتى ماتجف الكثيرا لانها بتكسر شعرك اذا جفت ومثلها مثل الحنا وتحطينها 4 ساعات او في الليل واذا قمتي من النوم تغسلين شعرك انشا الله اكون افدتك

**ReNo** · 20-04-2003, 02:59 PM

نسيت اقولك استمري عليها والله طلع لي شعر صغير واجد وشهر ونص وانت شايفة النتايج بإذن الله.....

**عطرالبحر** · 21-04-2003, 02:50 AM

مشكورين خواتي على تجاوبكم معي وهذي أحلى ميزه فيكم يا بنات المنتدى [التجاوب]

**emaratia** · 21-04-2003, 11:14 AM

انا استخدمتها والله فتره طويله وما سوت اي شي وياي ... رينو تعالي هنيه وقوليلي شو حطيتي وكيف والطريقه والمقادير وكل شي كل شي ... وبالتفصيل الممل ...

**ReNo** · 21-04-2003, 10:42 PM

اسمعي يا اماراتية،قولي هاه،قلتي ؟؟؟زين
انا آخذ كثيرا بس انتبهي تكون اصلية وانقعها بمويه مغلية طول الليل ومن بكرىآخذ منها شوي واحط عليه ملعقة سدر(عند العطار)واخلطه زييييين بعدين احطه على فروة الراس بس مو على الشعر لان الاثنين يكسرون الشعر وافرك باصابعي لمدة وبعدين امسك شوشتي اللي ورا بشباص والف راسي بكيس نايلون حق التغليف(4 ساعات او انام فيه)والقاه لسا رطب ما جف واغسله بمويه زين بس وازيت شعري بزيت اللوز الحلو والفه بالتغليف واغسله بالشامبو وبعده بلسم...
ولا تنسين وانت تفركين تفركين الكثيرا تقولين(بسم الله الذي لا يضر مع اسمه ش~ في الارض ولا في السماء وهو السميع العليم)7 مرات.ادعيلي عاد اذا طلع لك شعر جديد.