لحقيني يا نواعس ....؟؟!!؟؟

**emaratia** · 25-03-2003, 07:42 PM

نواعس لحقي على ...!!! وانتوا يا بنات ...!!؟؟!! خطيبي زعلان مني...!!؟؟ والسبب الكثيرا والبيض وحلف على ما احطهم مره ثانيه في شعري والا بتم في بيت اهلي ..؟؟!!؟؟ وقالي بيسويلج قمل وصيبان ...!!؟؟!! لحقوني بوصفة اسهل ..!!؟؟!! ولو انه ما يبى احط اي شي ...؟؟؟ شو الحل ... وقالي لا تحطين شي لا اخر شي يوم اخذج الاقيج صلعيتي ..؟؟!!؟؟ شو اسوي ..؟؟!!؟؟ ما ادري

اضحك

والا sid اصيح على نفسي

**بنت بلدها** · 25-03-2003, 07:49 PM

هههههههههههههههههههههههه

طيب حطيها قبلها بفتره ................وقبل منا تطلعين غسلي شعرك ............ونظفيه وعطرية

بعدين ممكن سؤال ؟؟؟؟؟؟؟؟؟؟؟؟؟
أنت ملكتي ولا بس خطوبه

إذا بس خطوبه ..........حرام الخروج معه
أما إذا متملكه ....................
عقبل الدخله
تسلمممممممممممممممممممممممممين

**غفرانك** · 25-03-2003, 07:51 PM

كلام بنت بلدها تماااام

**emaratia** · 25-03-2003, 07:56 PM

شكرا على الردود يا بنت بلدها وغفرانك، ويا بنت بلدها انا بس مخطوبه بس ما نشوف بعض لكن يتصل يسلم الله يسلمج واتصل وكل شوي يقولون له مشغوله مشغوله اخر شي رديت وسالني قلتله حاطه كثيرا وبيض وسدر ، وعصب وقالي لا تحطين ومن وين سامعه بهالوصفه قلتله هاي الوصفه من عند نواعس ...!!؟؟!! عصب اكثر وقالي منوه قلتله منتدى لك ..!!؟؟!! وقالي اذا كملتي قعدي في بيت اهلج .....

**- نواعس دامعة -** · 25-03-2003, 07:57 PM

هههههههههههه الله يرجك رجا مبرحا انتي وخطيبك

الان بالله فيه بنت شطوره وعبقريه تخلي خطيبها يدري انها تسوي خلطات لشعرها !!

صراحه انتي الغلطانه نصيحه لا تخلين زوجك او خطيبك يدري عن خلطاتك ولالالالا يشوفك فيهاا

احنا بنظرهم جميلات كذا بدون لا خلطات ولا عفسات

استمري على الكثيرا والسدر والبيض وتركيها اقل شي ثلاث ساعات وغسلي شعرك زين بشامبو وبعد كذا بخريه وحطي عود ورا اذنك وشوي بشعرك وامممم تطلعين عسولة

وزي ماقلت لك البنت الامورة ماتخلي خطيبها او زوجها يدري عن اسرارها الجماليه ^_*

وبالتوفيق ياعسل

***ريف*** · 25-03-2003, 08:32 PM

**الحبيبة** · 25-03-2003, 09:06 PM

ههههههههههه

يحليييييييييلك والله..ابدا ابدا لاتقولي له عن خلطاتك ههههههه وحتى ان كنتي مثلا حاطة

خلطة في وجهك وشافك بعد كدة وقال لك ايش الحلاوة دي لاااااااااااااتقولي له انك كنتي حاطة

خلطة وجمالك منها ابببببببببببببدا ابببببببببببدا..ابتسمي بس وخبي السر فهمتي؟؟

**القوية** · 26-03-2003, 01:53 PM

كلام نواعس والحبيبة صح 100%
ههههههههه
صج مفروض ما يدري خطيبك بهذي الأشياء

**emaratia** · 26-03-2003, 02:03 PM

مشكورين جميعا على الردود بس المصيبه انا ما اخبي عنه اي شي ...!! وهو يعرف اني ما اقدر اخبي عنه ولا اقدر اخبي عليه ولو شي بسيط عشان جذيه قلتله حاطه الخلطه، واليوم كمل على اتصل وانا في الدوام يسال عني ولقاني فاضيه وقالي شو تسوين قلتله ادور على خلطه غير البيض اللي ما تباه وكمل على وقالي لا تحطين شي .... عصب شوي بس ما زعل .... وقالي ليش تسوين كل هذا قلتله حقك ..!! قالي انا اريدج مثل ما انت ..!! بس انا القشره جننتني مقرره اروح اشوف دكتوره .. والا شو رايكم ..!!

**- نواعس دامعة -** · 26-03-2003, 08:29 PM

عيوني شوفي
انا معاك في ان الوحده تاخذ راحتها مع زوجها وتصارحه ولا يكون بين اسرار
بس بيني وبينك المراه الذكيه تعرف متى تتكلم ومتى تسكت وتحتفظ باسرارها الصغيره

شوفي الشي الخاص الي تحسين اذ قلتيه ماراح يفيدك انتي بشي وراح يحط في بال زوجك انك ناقصك شي في جمالك تبين تعوضينه بخلطات وغيره هذا شي ماراح يجملك في عينه

بيحس كلك على بعض من الخلطات والتجميل مو شي كذا بدون اي عنايه كذا ترا افكار الرجال

خلطاتك وحوسة الحريم هذي الافضل ماتقوليه له ابدا ً حتى لو احد سئلك الله شعرك روعه ولا بشرتك تجنن وش تحطين قولي يووه كسوله انا ماحط شي كذا شعري

< انانيه
الا هنا في لك ِ قووولي كلنا خوات

بخصوص القشره فيه شامبو تكلموا عنه البنات يقولون مره ممتاز للشعر اسمه ميزورال
وبرضو نصيحه ابتعدي تماما عن غسل شعرك بالمويه الساخنه لانها من اول مسببات القشره وتساقط الشعر

وبرضو حاولي قبل لا تتحممين دايما تزيتين شعرك قبلها لو بعشر دقائق وعند التزييت تدلكين فروة راسك عدل

وبالتوفيق ياعسل