الفزعه يابنات الرياض.......

**صدى القلوب** · 23-03-2003, 08:01 PM

السلام عليكم ورحمة الله وبركاته ..
أولاً أحب أشكركم على جهودكم في المنتدى والله يكثر من أمثالكم ..
ثانياً أنا أول مره أكتب في ركن الجمال والأناقة .. فأبغى فزعتكم يالنشميات ..

صديقتي على وشك زواج في الصيفية ان شاء الله .. وهي محتاجه مساعدة لأنها ماتعرف محلات حلوة لتجهيز العروس بصفة عامة ( شنط ـ اكسسوار ـ جزم "وانتم بكرامة" ـ عطورات ـ مكياج ـ أقمشة ـ كوافيرة ......... )
وماأدري ان كنتوا سمعتوا بشارع السويلم يقولون فيه عطورات وشنط حلوة ورخيصة ..

تكفون البنت محتاجتها ضروري وبسرعه .. وان كنتوا تعرفون زفات حلوة لأنها ناويه تسويها زفة هندية .. أنا عارفة اني ابلشتكم بس اعذروني ..
واحب أقولكم أني أحبكم في الله ياأعضاء منتدى لك ...

**أسيرة الغربة** · 23-03-2003, 08:39 PM

الكثير من الأخوات سألوا عن هالموضوع اعملي بحث في الركن (الرياض )

وراح تلقين الكثير من المواضيع .

**صدى القلوب** · 24-03-2003, 02:30 PM

جزاك الله خير أختي أسيرة الغربة ... ماقصرتي........

**aroma** · 24-03-2003, 04:34 PM

والله ما اعرف
بس مثل ماقالت اسيره سوي بحث وشوفي

**انجل** · 24-03-2003, 05:41 PM

بالنسبه لمحلات الاقمشه تلقين

بالنسبه لمحلات الاقمشه تلقينها في اسواق المتنبي فيه مجموعه كبيره من الاقمشه مثل الرماح نباريس العيسئا ئي
اما العطورات تلقينها في كل مكان بس بذكرلك اسماء عطورات حلوه مرررررررره

عطر ما بوسين شكله مثلث وكرتونه بنفسجي
عطر شنزلزيه من غيرلاند
عطر بانك من دريم لاند
عطر كوكو شانيل

ها في اسواق

**حبوبة** · 24-03-2003, 09:41 PM

شارع السويلم فيه المكياج والعطورات بكل انواعها...
انتي اعملي بحث وان شاء الله تستفيدين ....
وانا عند الطلب...

**صدى القلوب** · 26-03-2003, 01:53 PM

aroma جزاك الله خير ....
انجل ... الله يعطيك العافيه .. صحيح أقمشة المتنبي حلوه .. وبالنسبة للعطورات بروح أشوفها مشكووووره ..
حبوبه ... بارك الله فيك .......

**- نواعس دامعة -** · 26-03-2003, 08:38 PM

هلا عيوني
بما انها عروسة يعني كل شي تبيه حلوو ومميز مو اي كلام

بنسبه للاقمشه مافيه احلى من الرياض مول والاندلس ^_*
بنسبه للجزم صحارى مول
بنسبه للشنط ماركه مانقو وترا اسعار شنطهم حلوو وفي نفس الوقت تكون شنطتها ماركه ^_*
بنسبه للميك اب الافضل تاخذ من ماركات كويسه مثل لانكوم وماك وديور وكلينك وخلافه
بنسبه للمشاغل كثيره حلوه برياض مثل دندشه وسواريه والمناهل

ومثل ماقالت اسيرة سوي بحث بتلاقين مواضيع كثيره عن تجيهزات العرائس

والله يوفقها ان شاء الله