بنات الكويت وحريمهم ردوا علي

**دندون** · 08-02-2003, 01:21 PM

السلام وعليكم ورحمه الله وبركاته
انا ابغى اعرف وين القى مثل الجلابيات اللي نشوفهم على ها الممثلات اللي في المسلسلات الكويتيه.

في ناس قالوا لي انك تلقينهم في سوق دعيج وناس قالوا في مكان ثاني

وانا مادري وينهم

اذا مافيها ازعاج تقلون لي وينهم بس ارجوكم بالتفصيل لاني ما ادل في الكويت الا شارع الخليج العربي

الله يعنكم علي

وتسلمون

**الم وامل** · 08-02-2003, 02:07 PM

هلا اختي دندون
ولو اني مالي بالدراريع حيل
اكو فيلا مودا على شارع الخليج عنده دراريع روووعة ومسوي عرض هاليومين
وسالي مودا
والله جني ضيعت بينهم(عمري ماجيتهم بس خواتي كله يشترون دراريع)

**دندون** · 08-02-2003, 02:14 PM

تسلمين وماقصرت
وانشا الله بكتب العنوان عشان اذا جيت الكويت شفتهم
ويعطيك العافيه

**بنت بلدها** · 08-02-2003, 05:05 PM

في محل بالكويت أسمه شارمل

وعندج مجمع الأوقاف.........................
وكمان عندج مجمع العثمان

بس

تسلممممممممممممممممممممممين

**صحاري** · 09-02-2003, 04:32 AM

هلا اختى دندوون حبيت افيدج اولا محل شارمل هذا صالون ومحل للميك اب ثانياا اذا بغيتي دراعاات حلة عندنا بالكوييت شكثرر محلالالات عندج محل زوغه ومحل سالي موداا ومحل رانيا بمجمع الاوقاف فيه شكثر بس هذا اللي حاظرني الحين وحياااج

**غفرانك** · 09-02-2003, 06:17 AM

حسب معرفتي ان غالب الممثلات الي بالمسلسلات الكويتية بحرينيات او امراتيات ودراريعهم كذالك

**lamya** · 09-02-2003, 01:56 PM

في الامارات في محلات هودج ويشمك و راجوو .............................ما اتذكر بعد

**دندون** · 09-02-2003, 03:18 PM

بنت بلدها مشكوره على ها الاضافه
وما قصرت وانشاالله اشوفهم

................

تسلمين اختي صحاري على ها المحلات بس لو فيها تعب شوي تعلميني وين القى مجمع الاوقاف

لان اللي عندي(زوجي)مايدل من الكويت الا شارع الخليج العربي يعني وين القى ها المجمع؟؟؟؟؟؟

وتسلمين وما قصرتي ويعطيك العافيه
......................

اختي غفرانك مش المهم من وين الممثلات اللي بالمسلسلات الكويتيه المهم وين القى جلابياتهم

ومشكوره على المرور
..................................

هلا والله بأهل الامارات....
اختيlamya تسلمين على ها الاضافه بس وين القى المحلات يعني باي مجمع

ويعطيك العافيه
.....................................

السنا* · 09-02-2003, 04:54 PM

السلام عليكم أختي الجلابيات في الكويت كثيرة جدا والمحلات منتشرة في كل مجمع ومن مدة انتشرت ظاهرة البيع في البيوت تلاقين المرأة عندها ميول في التصميم والموديلات فتفتح محل في البيت وتصمم وتبيع وهنا يكون الموديل حلو والأوقاف فعلا حلوة موديلاته