تنعيم الشعر !!!

**يائسة** · 09-11-2002, 09:49 PM

يا بنات اللي عندها وصفة لتنعيم الشعر .. تلحقني فيها الله يخليكن .. ضروري قبل العيد ..
و بارك الله فيكن ..في انتظلر ردكن

**المرحة** · 09-11-2002, 10:07 PM

اهلين يائسة ...

جربي تحطين في شعرك زبادي مع بيض مع سدر حلو مره للشعر

والمقادير على حسب طول شعرك وكثافته والافضل تحطينه كل اسبوع ..

**مرهفـة الإحساس** · 09-11-2002, 10:11 PM

سوي بحث وأدخلي على موضوع ملف للخلطات الطبيعية ..

فيه أشيــــاء وخلطات كثيره ..
أتمنى أفدتك وأنا الي كتبت الموضوع ...............

تحياتي :-
همس *

**غفرانك** · 09-11-2002, 11:23 PM

مثل ما قالت لج اختي المرحة السدر والبيض روعة حق الشعر وادا حبيت تخلطين معاهم عصير الجرجير وزيت بارشوت وراح تكون النتيجة مرضية انشاء الله

**نبرة شجن** · 10-11-2002, 04:14 AM

أختي الغالية.......يائسة...
عندي خلطة ررررررروعة تنعم الشعر من أول مرررررررة وتكثرة اذا استمرست فيها وتراها مضمونة100%وعلى مسئوليتي........وهي عبارة عن:
طبعاً بالنظر يعني تحطي على قد ماتبغي

(جيبي الخلاط وحطي فية:
عسل/بيضة/ليمون عشان ريحة البيض/مجموعة زيوت مخلوطة سابقاً ولكن الأفضل تكون بنفس الكمية يعني خذي مقدار فنجان قهوة من كل زيت وانا اشوف انك تخلطي الزيت مسبقاً وبعدين تأخذي منها شوية تقريباً على مجموعة الزيوت المخلوطة (وهي أفضل انواع الزيوت هي زيت الزيتون زيت السمسم زيت الجرجير زيت الخروع زيت جوز الهند )فنجان قهوة لانها راح تسير كثيرة مع باقي الخليط /زبادي/صبار))وبعدين تخلطية زززززززين بالخلاط وتصفيه بمصفاية صغيرة وتحطيه على شعرك وبعدين منشفه دافية أو كيس يعني حمام زيت وبعد نصف ساعة أوساعة تغسلس شعرك والنتيجة .........ووووووووواوووووووو.شعر حرير ورائع........ولاتنسي تدعيلي عند الأفطار كل يوووووووووم لحد ماينتهي رمضان..وعلى فكرة مع كثرة الاستعمال تكون النتيجة مبهرة يعني مرتين في الأسبوع واستمري على هالحال....
واتمنى ياغالية في المرية الجاية تكوني بدل مسمى(يائسه)((((متفائلة))sid

**ماء القمر** · 10-11-2002, 04:28 AM

شوفي حبيبتي انا قريت الوصفه هذي باحد المنتديات

وكان هذا كلامه

الي شعرها غير ناعم
عن تجربه انا شعري مموج ومتقصف وطاير وهذا يعطي الوحده مظهر غير مرتب يعني انا كنت لاززززززززم استعمل البلسم بعد الاستحمام واذا كان عندي مشوار لازم استشور شعري اما الان ما استعمل الاستشوار الاعند الضروره.
تعلمت خلطه استعملها مره في الاسبوع وهي

ثلاث كاسات زيت جوز الهند
قشر سبع موزات
يوضع في الخلاط حتى يختلط جيداااااااا
يرفع على نار متوسطه حتى يغلى غليه واحده
يترك حتى يبرد ثم يصفىجيداااااااااويوضع في قاروره
يوضع على الشعر لمده ثلاث ساعات وكل ماطالت المده يكون احسن
المداومه النتيجه تضهر من أول مره

اتمنى اكون افدتك

باي