موضوع مهم للي شعرها خفيف جدا وتبغي تزيدمن كثافته وجماله مجرب

**روضه** · 28-10-2002, 02:34 PM

موضوعي شوي مزعج للي معاكم في البيت
بس والشاهدالله باني جربته رغم كل الانتقادات اللي شفتها من الوالده الله يحفظها
وهيه وصفه عطتني اياها صديقه اصلها بلوشي(قبيلة البلوش) لاني كنت مقبله على الزواج وكنت اسالها عن كثافة شعرها اللي زادت بعدالزواج .....[SIZE=4][COLOR=firebrick]المهم الله يحفظها قالت لي باني استحاله استحمل الريحه والاهل بعد...
بس اصريت وقالت بان العروس عندهم قبل العرس بشهرين تستخدم عصير البصل الطازج علشان تزيدكثافة شعرها ويطول ...
ولان شعري كان خفيف والصلع باين فيه ومثل ما يقولون الغريق يتعلق بقشه
وعرسي باجي عليه ثلاث شهور بالضبط
توكلت على الله وعصرت البصل وخليته في شعري وقبل مااكمل الشهرين لاحظت ولله الحمدبان شعري زاد طوله وكثف بطريقه كبيره
حتى الوالده لاحظت هالشي وعجبها بس انتقدت الريحه وخافت بانها ماتروح من شعري وقالت لي اخرمره

هذي من الوصفات الطبيعيه للشعر بس مثل ما قلت الله يعين اهل بيتكم على الريحه

اتمنى اها تنال استحسان الاخوات
وتحياتي لكم

ملاحظه ارجو من المتزوجات مايخربون بيوتهم بايدهم ويبتعدون عن هالوصفه
هذي الوصفه بس للمقبلات على الزواج واللي مب متزوجات

**فراشه** · 28-10-2002, 02:54 PM

مشكوره الاخت روضه على الملعومه المفيده والله يعطيج العافيه .

**روضه** · 28-10-2002, 03:15 PM

تسلمين اخت فراشه وتنمى انها تفيدج بس لاتدعين علي..........

**- نواعس دامعة -** · 28-10-2002, 03:18 PM

عرفنا الثوم وفوائده للشعر

اما عصير البصل صراحه جديده علي عاد انا شعري يتساقط كثير

استعدي عاد للاسئله

1. اول سؤال عليه ثلاث درجات
كم ساعه اخلي عصير البصل على فروة الراس ؟

عليه درجتين

2. ممكن اخلطه مع زيت علشان اخفف حرارته على فروة الراس لان عصير البصل مثل الثوم كلهم مره قويين وممكن اذ طولوا يسببون حساسيه او التهاب او حرق في فروة الراس

آخر سؤال عليه دعاء لك اذ فعلا ً توقف تساقط شعري او كثر
3. اذ لا ماينفع مع اي زيوت طيب مع الحنا او السدر ؟

وش رايك مو كني طمعتك

يالله انتظرك ياقمر

تحياتي

**روضه** · 28-10-2002, 03:40 PM

اختي نواعس دامعه...
بجاوب بس راعيني شوي بالدرجات..........
الاجابه عن السؤال الاول:
انا كنت اخليه لمدة خمس الى اربع ساعات وكله على حسب قدرتج على الاستحمال الريحه
الاجابه عن السؤال الثاني:
عن نفسي ما كنت اخلطه مع اي زيت لان العصير مستحيل انه يختلط مع الزيت والافضل استعماله بدون اضافات وانا كنت استخدم زيت الحبه السودا بعدما اغسل عصير البصل عن شعري وكان روعه بس انتبهي زيت الحبه السودا وااااايدمفيدللشعر بس يسودالشعر
وماكان يحرقني كان عادي
الاجابه عن السؤال الثالث:
بصراحه اناما كنت استخدمه مع السدر بس سمعت ان السدر مفيدللشعر بس انصحج باستعماله بروحه بدون اي اضافات وادعيلي
هاه ممكن اعرف درجاتي الحين ؟
وانا حاضره للاجابه عن اي سؤال...

**شمعة نجد** · 28-10-2002, 04:20 PM

يعطيك العافية روضه على المعلومه

**ranooooon22** · 28-10-2002, 04:33 PM

شكرا عزيزتي الله يجازيك بالخير....

**المرحة** · 28-10-2002, 06:52 PM

روضه كلامك صحيح ميه بالميه .

**شوقه** · 28-10-2002, 07:54 PM

روضه حبيبتي مشكووووووره على الوصفه الي باين انها روعه
بس سؤال صغييييييييييييييير
و بالنسبه لي كبييييييييييييييييييييييييير
تروح الريحه و الله بابا بيقعد يزفني وايد على ما تروح

**روضه** · 28-10-2002, 11:08 PM

عزيزتي شوقه:
الريحه مابتروح الا بعد مدة الاستعمال ما تخلص يعني لما تلاحظين تغيركبير في شعرك
المهم اذا كنت فاضيه في الوقت اللي يكون فيه ابوج خارج البيت يستحسن تستعملينه
احسن عن الزف