تكفوون الله يخليكم ابي شي ينعم الشعر بتعقد

**! الجازي !** · 28-10-2002, 01:10 AM

السلام عليكم

انا جديده هينا اعجبني المنتدى واعجبني اكثرر العضوات الي فيه مره حبوبات ومساعدات

مشكلتي هي :: شعري خششششششششششششششن وتعقدت منه خاصه ان ملامح وجهي اقل من عاديه << وانا راضيه بخلقه ربي ولله الحمد >> لكن المشكله زوجي الله يهديه يبي شعري

يكون ناعم عقدني ؟؟؟

تكفون حطوا نفسكم بمكاني لما يقولك زجك شعرك موعاجبني سوي شي عشان ينعم

بليززززززززززز شوفولي حل بسرعه الله يخليكم ويجزاكم عني الف خيررررررر

**وردة الربيع** · 28-10-2002, 01:32 AM

هلالالا فيك اخت الجازي
اول شيء احب ارحب فيك وحياك الله معانا
عيوني شوفي هذا الرابط وانشاء الله ينفعك

الي تبغى شعرها يطول ويصير زي الحرير تدخل

تحياتي لك

**ام نونو** · 28-10-2002, 01:55 AM

هلا بيج يالجازي

انتي وايد جريبه من البحرين , ليش ما تيين البحرين في يوم تخصصينه للصالون

وهناك تقصرين شعرج وتقصينه قصة حلوة وتسوينه في نفس الوقت ريلاكس

واذا تبقيني ادلج على صالون في اي منطقة تبينهه تره انا حاضرة...

**ام فوفو** · 28-10-2002, 02:12 AM

1:قومي بوضع الجرجير الطازج مع قليل من الزيت او الماء بالخلاط

بعد ذلك ضعيه على شعرك بمدة لاتقل عن 3 ساعات

2: استمري على عمل حمامات الزيت والكريم

والنتيجة ان شاء الله راح ترضيك وتدعين لي

تحياتي

**غفرانك** · 28-10-2002, 03:56 AM

السلام عليكم اختي الجازي اولا بغيت اهنيج على صبونتج الي تبيض الويه قصدي صلاة قيام الليل وانا واحدة من الي مجربينها وفعلا كلامج صحيح ان لها بياض غير عادي وجزاج الله خير ومثل ما قلت الاخت ام نونو ليش ما تسوين تمليس حق شعرج وترتاحين لان بصراحة ما في شي ينعم الشعر بسرعة يعني لازم المداومة والصبر والتعب يالله الواحدة تلقي نتيجة والصالونات متروسة عروض حق التمليس وادا ماتقدرين تروحين حق الصالون اشتري كريم حق التمليس وملسي في بيتج وبعدين لازم يكون عندج سشوار بالبيت عشان تسشورين شعرج بروحج وادا ما تعرفين تعلمي عشان زوجك كل شئ يهون هههه ولا تهملين شعرج وتقولين لا هدا زوجي ولازم يتقبلني مثل ماانا لا حبيبتي لازم ما تخلينه يشوفج الا وانتي على سنجة عشرة والله يوفقكم انشا الله قولي امين

**رغدحياتي** · 28-10-2002, 04:22 AM

هلا بااختي الجازي.....نورت والله وحياك الله في المنتدي....

فعلا كلام البنات صحيح سوي مثلهم واهم شي ان يكون عندك في البيت سيشوار واذا ماكنتي تعرفين تستعملينه اتعلميه كل عشان زوجك..وحاولي وهو بر البيت انكي تستشورين شعرك كاالتالي..اتحممي بعدين نشفي شوي شعرك وافتحي الهواء البارد في الاستشوار شوي بس عشان ماينشف ويصيار معقد وبعدين خذي كريم ((هير فود))وقسمي شعرك ولمي الجزء العلوي وارفعيها وابدي بوضع الكريم من اسفل ومن ثم استشوار الشعر وكذا كذا الي ماتستشوراينه كله وفي رغوة تنبع في الصيدليات لشعر بعد الحمام عشان مايتعقد بزيدة واحدة من قريبتي تستعمله وحمدالله تمدح فيها انشالله اخذلك اسمها واحطه انشالله.........والله يوفقك ويوفق الجميع....امين..

**بريتي** · 28-10-2002, 09:32 AM

اتمنى ان يفيدك هذا الرابط

اضغطي هنا

بس الله يعينه على الريحه لكن هو اللي يبي النعومه

وادعيلي

**! الجازي !** · 28-10-2002, 01:16 PM

الف الف شكر لكم خواتي علر ردودكم ,,, انا استعمل استشوار واعرف استشور زين ويكلع شعري حلو بس اتعب وشعري يتعب بعد احس انه بيحترق

تخيلوا يابنات التحطيم اذا استشورت شعري يقولي زوجي انتي محلوه اليوم وبدون استشوار مايعبرني
ام نونو انا ودي اسوي ريلاكس اشرايك اسويه في الريجنسي ؟؟ بس يقولون انه مايغير الشعر يعني التدريجات تبقى ؟؟ وانا رحت اليجنسي وسالت عن اليوكو بس قالت لي وحده تشتغل عندهم انه يحرق الشعر !!! انا شعري بروحه مايحتاج بعد احرقه زياده !!! انصحيني ام نون الله يخليك واكسبس فيني اجررررررر

بريتي مشكورره عزيزتي بس ابي اسال المحلب هو نفسه الحلبه ولا يختلف ؟؟؟

**بريتي** · 29-10-2002, 05:43 AM

لالالالالالالالالالالالالالالالالالالا المحلب غير الحلبه تقدري تاخذيها من العطار

**! الجازي !** · 29-10-2002, 11:51 AM

تسسسسسسسسسسسسسسسسلمين يبريتي الله يجزاكي خير على ردك انا سالت امي عنه وقالت ايه زين مره لشعررررررررر بس انا مابي استعمل حنا يابريتي لاني ودي اصبغ شعري هاي لايت << حسب طلب سي سيد قوزي >> تقدرين تعطيني طريقهمضمونه غير الحنا؟؟

والف شكر على ردك واهتمامك والله يجزاكي خير واسفه على كثره الاسئله