لفلفي شـــعرك بدون الفيـــــر ( خطوه ... خطوه )

السلام عليكم ورحمة الله ..
مســــــاء التماسي والفل والورد لا حلى البنات ..
جيتكم وجايبه لكم معي احلى الطرق واجملها حتى تلفلفي شعرك بشكل لولبي .. اكيد انكم فاهمني طبعا ..انا كتبت الموضوع بناء على طلب بعض الاخوات مني ..

يالله معي ..

الادوات ...
رغوة الشعر ..+ قصدير

طبعا اول شي يكون شعرك مستشور او عامله له حوايه طبعا عارفين ايش هي الحوايه وهي افضل من الاستشوار بس لازم تكوني عاملته من بدري بعد فردك لشعرك زي ماقلنا ..
تجيبي القصدير وتقصيه قطع مربعه او مستطيله على حسب طول شعرك كل ماكان اطول تكون القطعه كمان اطول شويه ..
بعد كدا تلفي كل قطعه تبرميه يعني تسير زي المسطره بس بشكل رفيع ..
تقسمي الشعر بالترتيب من تحت يعني من عند الرقبه وتاخدي خصله على حسب ماتبغي اذا تبغي اللف صغير تاخدي خصل صغيره واذا تبغي اللفات كبيره تاخدي خصل اكبر يعني انتي وحرافتك ..
تاخدي الخصله وتحطي شوي من الرغوه بس مو كل الخصله يعني زي ماتحبي اذا كانت اللفلفه كل الشعر او اطرافه والافضل الاطراف تطلع احلى وخاصه الشعر الطويل .. وابدأي لفي الخصلة على القصدير بعناية وترتيب وتنظيم فائق الى الحد الذي ترغبين في لفه واللف يكون الى الداخل والافضل عندك لفك للخصله انها كون لاعلى شوي حتى تسير متساويه
بعد كدا تلفي القصدير يعني تضميه لبعض حتى مايفتح وهكذا خصله خصله الين ماتخلصي ..

طبعا بعد مايجف الشعر تماما يعني ساعتين تلاته او اكثر حسب استجابة شعرك للف
وبعدين تبدئي تفكي القصدير بحيث انك ماتسحبيها سحب حتى ماتخرب الخصله فكيها بشكل لولبي ....

شوفي النتيجه رح يطلع شعر ولااااااااا احلى وتستغني عن الفير واضراره وكمان تستغني عن الصالونات لان الفير سعره غالي مره ...رح تلاقين شعر في منتهى الحيوية والتألق والجمال
لاهو لاصق في رقبتك ولا فيه تطعيجات ولا شي شعر حيوي نهايته ملفوف واوله ناعم وجميل جدا ..


اتمنى انها عجبتكم هالطريقه وفهمتوا عليه ..
محبتكم دووووما
عنوووبه

رائعه

وبجربها ....

يعطيج العافية أختي

بس للاسف رغاوي الشعر بتمنع وصول الماء

وكمان تجفف الشعر مره وبيتكسر بسهوله

لكن الطريقه رائعه تسلمي

يا الله يا عنابة، كنت أتمنى حد يقوللي عن هذا الموضوع والله. الله يجزيك كل خير يارب.
لأني عادة بعمل شعري باللفافات الساخنة، وبيفرد بعدين بسرعة لأنه ناعم. صديقتي قالت لي ما أتعب حالي، بالقصدير بتلفه وبيطلع ممتاز، وشرحتلي كيف لكن حاسة اني بعدني ما بجرؤ... لكن الآن أعتقد عندي الفكرة الكافية
سؤالي: شو يعني الحواية؟؟؟؟؟؟ وهل رغوة الشعر قصدك الموس؟؟
الله يجزيك الخير.

بارك الله فيك ياعنابه دائما مواضيعك رائعه ....
بس اظن بامكانا استبدال الرغوه بالجل ولا شو رايك ....

يعطيك العافية وانا فعلا مجربه هالطريقة واسويها وهي فعلا ممتازة بس انا مااستعمل الرغوة بس الماء والف شعري يعني امسك الخصلة وابله وابدا الفها بالقصدير والحال ماشي معي والحمدالله ومرة يطلع جنان ومشكورة يالغالية....

الله يسعدك أخيتي
وأنا جربت طريقتك وكانت مره رررررائعه

رفان

شكرا لك على الموضوع الحلو لاكن القصدير يقصف الشعر مع تكرار إستخدامه لأنى كنت أستخدم هذه الطريقه فى لفلفت شعرى وبعد القصدير دائما يصبح شعرى مقصف
على العموم أشكرك عنابة على الموضوع

احلى مســــــــاء لاحلى بنــــات ..

بالعربي واحشنييييييي لاكن ادعولي بالتوفيق واشغالي ماتنتهي ودوامي صعب شوي وعلى فكره ترى انا اكتب لكم من دوامي

خلونا في المهم ..ونمسي على كل وحده فيكم ..

ياهلا وغلا بشذى الورود ..
نورتي بشذاك وتسلمين ........شكرررررا ..


ياهلا نواعس دامعه ..
بس للاسف رغاوي الشعر بتمنع وصول الماء

وكمان تجفف الشعر مره وبيتكسر بسهوله

كلامك صح بس دا للي بيستخدمووه باستمرار لاكن لما تستعمليه مره كل شهر مثلا مارح ياثر مادام انك تعتني بشعرك وتغذيه ...

هلاااا وغلا بميمي الحلوه ..تسلمين ياعمري والله وشكرا .....خجلتني
انتي تساليني عن الحوايه ..هي طبعا تغنيك عن السيشوار اذا اتقنتيه ..وافضل لسلامة صحة شعرك ..
وطريقة التحوية كالتالي
اقلبي جميع شعرك امام وجهك ومشطيه الى ان يتجمع كله بين يديك في اعلى رأسك يعني فوق جبينك(مكان الغرة) ثم اقسميه الى قسمين القسم الايمن يروح للجهة اليسرى من الرأس والعكس صحيح وثبتيه بالبنس الصغيرة( الطوقات )يبقى الشعر بهذا الشكل لمدة 3 ساعات ومافوق
ثم تمشطينه وستجدينه ناعم وكأنك مسشورته ..
اما الرغوه هي تجي بخاخ زي رغوة الصابون بس هي الموس والله ما اعرف انتوا ايش بتسموها ...


هلا غلا بام غانم ...
تسلميييين حبيبتي الله يخليكي ...انتي ممكن تستعملي الجل بدل عن الرغوه على حسب استجابة شعرك للف يعني لو شعرك يتلفلف بسرعه ممكن الجل وممكن حتى بالمويه زي ماقالت الاخت رغد لكن اذا شعرك صعب انه يتلفلف افضل لكي الرغوه ..


هلا والله رغد حياتي ...
تسلمين يالغاليه ومشكوووره وفعلا في كتير يستعملوا المويه ومنهم بنت اختي لان شعرها يتلفلف بسرعه وحتى ماشاء الله تلفوا باصبعها وتستغني عن القصدير والفير ...

اهلين برفان نورتي الموضوع بتواجدك معنا ..
تسلمين ومشكوووره على كلامك الحلوا والله يوفقني واياكي


ياهلا khat2000 ..

تسلمين حبيبتي بس اذا كنتي تهتمي بتغذية شعرك وتعتني فيه وتعملي له حمامات زيت
تاكدي انه مارح يضرك حتى لو استعملتي سيشوار باستمرار ومع العنايه مارح يضرك ..


محبتكم دوووما
عنوووووبه