أللي تعاني من حب الشباب وآثاره تتفضل....

**بشاير** · 09-09-2002, 11:15 PM

مرحبا بنات .. اشلونكم .. عساكم بخير .. شخباركم ..كيفكم ..بكل اللغات ..ترى إذا موبخير آنا بعد ماكون بخير ...>>>>>حشى بالعه راديو ...المهم :

حبيت اخبركم اليوم عن شي يروح حب الشباب والبقع ويبيض البشرة بعد وهو ((( الطين ))) أي نعم الطين ،، آنا بصراحه ماأعاني من حب الشباب ، بس ساعات تطلع لي وحدة أو ثنتين قبل لا تجي أللي بالي بالكم

، المهم ماطول عليكم أول ما شوف المقروده واشوف ويها >>>> يعني الحبة بنت الأباليس هههههههههههه ...اروح بسرعة وآخذ شوية طين وانقعهم ثواني بالماي وأطلي وجهي بالطين طبقة سميكه وانتظر لحد ما ينشف واشطفه بالماي بس بدون صابون ،، ليش بدون صابون بتقولون لي وآنا أقول لكم >>> لأن الطين أصلا ينشف البشرة عشان جّذي ينشف الحبوب وتشفى بسرعة وبعد له فوايد وايد لأنه مليان أملاح وينعم البشرة ويشدها ويبيضها وانصحكم تجربونه وما بتندمون وخاصةً أللي يعانون بكثرة من الحبوب الدهنية وراح يلاقون نتيجه سريعه جداً بالكثير بعد اسبوع ،، بس أللي مثل حالتي يعني حبة أو ثنتين من أول مرة راح يحسون ان الحبوب تنشف وثاني يوم تختفي ولا كأنها موجوده وبدون أثر ..

بس في شغله حبيت أحذركم منها ، أللي بشرتها حساسه يمكن ما يناسبها لأن الطين يقرص البشرة شوي ويخليها تصير حمرة

لكن مايطول بسرعة يروح لحمرار ،، فيمكن يمكن أن البشرة الحساسه ما تستحمله مع العلم أن آنا بشرتي حساسه بس ما صار لي شي شوية احمرار وراح ،،، المهم للحذر بس مو أكثر .... وبس وسلامتكم .

**البشائر16** · 09-09-2002, 11:29 PM

أختي أي طين تقصدين قناع الطين اللي في الصيدليات أو اي طين

**سمراء البادية** · 10-09-2002, 12:22 AM

مشكورة أختي (بشاير)
وان شاء بجربها .

وايوه صح الطين اللى تقصدينه هو اللى يباع في الصيدليات
وشكرا مرة ثانية

تحياتي

**بشاير** · 10-09-2002, 04:25 PM

أخواتي البشائر وسمراء البادية شكراً على التواصل معاي ... والطين أللي اقصده ما ينباع بالصيدليات بس عن الحواج ( العطار ) وشكله مثل الحجر ولونه أخضر مثل الحنه قبل ما تنعجن ،، وآنا آخذ قطعة من الطين وأنقعها في ماء لين أتذوب شوي وبعدين أستعملها .. جربوها ما راح تندمون...

**aroma** · 10-09-2002, 04:58 PM

تسلمين بشاير على الموضوع

**ليليان** · 25-09-2002, 04:32 PM

شكرا اخت بشايرلكن لو كانت حبة وحدة واتركت بعد ما راحت اثر شو الحل

**الاء** · 26-09-2002, 01:30 AM

بسم الله الرحمن الرحيم
اخواتي ..عندي لكم نصيحه عباره عن خليط لاثار حب الشباب وانا بنفسي مجربته والحمد لله وما ابي الاوجه الله من ذلك ثم الدعاء لي ..وهو الحلبه والعسل تحط يوميا لمدة ساعتين اوساعه ونص وباذن الله راح تدعون لي كثير والمده لملاحظة النتيجه جدا قصيره ممكن ثلاث ايام ل مدة اسبوع والله الموفق
اللهم اعطي كل مسلم سواله فان ذلك لا يعجزك لا اله الا انت سبحانك اني كنت من الظالمين