عطورات للشعر

**المتغربه** · 08-09-2002, 12:00 AM

مساء الخير والنوير
الي كل من يهمه الامر وبعد تهمها الريحه الحلوه الفواحه
بنات وصبايا وحريم
يعني كل فئات الجنس الناعم لوسمحتم
انا طالبة الفزعة اي وحدة عندها معلومة عن عطورات خاصة
بالشعر تفيدني باسمها وين احصلها عندنا بالكويت
سمعت عن عطر من بدي شوب وعن عطر من كنزو جميعها خاصة
بالشعر وخاليه من الكحول والكماويات المضره بالشعر ولاكني تعبت
من البحث بالاسواق ولم اجدها
الرجاء مساعدتي مع خالص الامتنان مقدما
المتغربه

**العنود2002** · 08-09-2002, 12:21 AM

انا اقولك اختي مافيه احسن من العود للشعر تحطينه والشعر مبلول يطول وله ريحه روووووووووووووووعه وهاذي تجربتي واسالي وهو احسن من كل العطورات حبيت اقول رايي ؟

**ranean** · 08-09-2002, 12:33 AM

ومن تجربتىاختى احنا بالامارات نستخدم المخمريه
لتعطير الشعر بجانب تبخيره بالعود اوالبخور ايضا دهن العود
وسلامتج

**nannsh** · 08-09-2002, 04:27 AM

واووووو العووووووود وما ادراك ما العوووووووود
عجيب من امه خصوصا للشعر جربيه وشووووفي
دهن العووووود وبخوووووور العوووود

**القمرا** · 08-09-2002, 05:21 AM

اختي زي ماقالولك البنات..

وكمان تلاقين عند عبدالصمد القرشي دهن خاص للشعر

وعلى القوه....

**أم غانم** · 08-09-2002, 07:20 AM

وايضا من عطر " الور" فيه عطر خاص للشعر وعند الشركه العربية للعود فيه عطر للجسم وللشعر ...

**حربية** · 08-09-2002, 12:11 PM

أما عني ..
أنا استخدم مخلط جاهز أشتريه من وحده تسويه صحيح غالي..
لاكنه والحق يقال جداااااااا رهيب وتبقى رائحته لمدة اسبوع على الاقل
وكل ما تحممت ولامس الماء شعري زادة الرائحه ..لدرجة أن الرائحه
تبقى عالقة فى بيت المخده وملابسي ...

**المتغربه** · 08-09-2002, 12:49 PM

الاخوات العزيزات شكرا لكم ومع احترامي لكن
لاكنني لست من النوع الذي يفضل دهن العود
انا افضل روائح الزهور والورود
بالنسبه للاخت حربيه استخدمت مخلط شعر
شريته من سيده تبيعه بالكويت لاكن امي
ضحكت علي وقالت لي ريحة شعرك ريحة
عجوز فتبت ومعاد ابي لامخلط ولادهن عود
صج احب ريحة بخور العود لاكنه غالي
ولايصلح للاستعمال اليومي
ارائكم يالغاليات علي العين والراس والف شكر
المتغربــــــــــــــــــه