السلام عليكم ورحمة اللة وبركاتة
ممكن يا اخواتى اطلب منكم طلب خاص بتمليس الشعر انا عايزة اعرف اجود كريم او طريقة لتمليس الشعر ويا ريت حد من اخواتى الى فى اسكندرية تفدنى بمركز تجميل او كوافير يتعمل فية التمليس بس اهم شىء ميكونش يضر الشعر لان للاسف معظم الكوافيرات بيعملو تمليس وبعد فترة تلاحظى شعرى وحش جدا وتدمر وسؤال كمان هل لو حبيت اعمل صبغة للشعر تتعمل قبل التمليس ولا بعدة وهل هتضر الشعر؟ وهل هناك فترة بين عمل الصبغة والتمليس ولا ممكن يتعملو فى نفس الوقت؟
ارجو منكم الافادة السريعة لانى بصراحة مش بثق فى الكوافيرات لان الكل بيستسهل للاسف.
ولكم خالص شكرى

وعليكم السلام.. ان شاء الله بنات الاسكندرية مايقصروا معك أختي ..

معقول يا بنات المنتدى محدش يرد عليا ارجوكم حد يفيدنى فى اقرب وقت ولو محدش فى اسكندرية يعرف ممكن اى حد يفيدنى بماركة تمليس جيدة يكون حد جربها ومتضرش الشعر وانا اتصرف واجبها.
ارجوكم عايزة الرد بسرعة وشكرا

طيب تابعي هذه الروابط بخصوص تمليس اليوكو وان شاء الله تسفيدي منها:

اضغطي هنــا

اضغطي هنــا

اضغطي هنــا

اضغطي هنــا

الف شكر يا اختى على الرد بس للاسف اليوكو دة مش موجود فى مصر انا سمعت عن تمليس لوريال ودة ممكن القية بمصر هل هو كويس ولا فى نوع تانى ممكن الاقية.وبشكرك مرة تانية على ردك

ازيكى يا اختى عامله ايه بصى انا عايزه اقولك حاجه بس ارجوكى اسمعى كلامى بلاش يا حبيبتى الجليد او البرمنت لتمليس الشعر انا كنت بسمع عنهم كتير بس التجارب اللى شفتها بعينى مضره للغايه يعنى الشعر بيقع ويخف واللى بيطلع جديد بيكون مجعد جدا والله يا اختى بلاش الاتنين دول وانا معرفش غيرهم فلو فى حاجه تانيه اسالى عنها الاول اما بالنسبه لمراكز تجميل عندك اتنين فى شارع لوران محطه ترام لوران قبل كده متطلعى على شارع ابوقير واحدفمول الوطنيه نفسه و واحد امام المول اسمه هارفن على ما اتزكر ولو عايزه حد تانى باقل من اسعار التنين دول اصلهم غالين اوى فى واحد فى محطه ترام ثروت تانى شارع عاليمين اسمه لافايت واسم اللى بيشتغلوا فيه محمد وشيماء ودعاء وهانى ازا كانوا لسه متغيروش عالعموم حتى لو اتغيروا صاحب المحل بيعمل تست للى هيشتغل وبينقى حد كويس معلش طولت عليكى بس لو معرفتيش توصلى قوليلى لو عايوه اى معلومه تانيه انا فالخدمه دايما واسلام عليكم

شكرا ليكى يا شيماء انتى كلامك فعلا صح لان الجلات بيطلع الشعر خشن بعد كدة مهو علشان كدة انا بسال على نوع يكون مش بيضر الشعر بعد ما يتعمل انا فعلا عارفة كارفن ووليد جيجي الى فى الوطنية بس انا معنديش ثقة فى حد انا عايزة حد مجرب فعلا ويقولى انا جربت دة وطلع تمام لان انتى طبعا عارفة الكوافيرات كلة عايز يخلص والسلام مش مهم بقى شعر يتدمر ولا يفضل كويس. على العموم انا هسال على الكوافير الى قولتى علية ويمكن حد يفيدنى والف شكر ليكى مرة تانية.

واللة انا فى واحدة هنا ع المنتدى قالتلى ع التمليس عند طارق الصغير اللى ف مصطفى كامل وشكرتلى فية كتير وانا الصراحة لسة ماجربتوهش بس هيا بجد شكرتلى جدا فية وان شعرها بعد التمليس كان روعة وكان بيلمع وكانة طبيعى واخد منها حوالى 100 جنية وشعرها لحد كتفها بصراحة انا بفكر اجربة لانى عملت قبل كدة تمليس بس ماكانش كويس