لبنات البحرين وكل بنات المنتدى

**أفوفة** · 15-06-2006, 01:45 PM

السلام عليكم

قرأت من كم يوم عن خلطة الأعشاب الهندية اللي تفرد الشعر

وبصراحة كانت منزلة الموضوع الأخت salley اذا ماكنت غلطانة وأنا راسلتها وكنت حابة أشتري منها بس للأسف ما صار.
المهم ما أطول عليكم اني مريت العطار بسوق المحرق أسأل عن زيت هيمتاج الهندي ولقيته عنده بدينارين ونصف للزجاجة الكبيرة وسألته عن بعض مكونات هالخلطة اللي تفرد الشعر وقال لي انها موجودة عندة وانة يجيبها من السعودية مطحونة وجاهزة من مكان نسيت اسمه والله.
المهم مرة ثانية انه قال لي انها متوفرة عنده بالمحل وسعر الحبة 25 دينار وان الكمية تكفي لشخصين او وحدة اذا كان شعرها وااااااايد طويل وكثيف.
بس للأمانة ترا هو بعد نصحني اني ما أشتري منها اذا كان شعري مو أجعد ومكسر كثير لأن من مكوناتها المسمار وهو حار جداً على الشعر ويسبب التساقط
والله على ما أقول شهيد واني ما قلت الا اللي قاله لي بالحرف وحبيت أكون أمينة معكم ومع نفسي واللس حابة تشتريها ترا هي عند مركز المخلوق بسوق المحرق.

أختكم أفوفة الملفوفة