أرجوكن يا بنات ساعدوني بشعري

بسم الله الرحمن الرحيم
السلام عليكم ورحمة الله تعالى وبركاته
أرجوكن يا أخواتي ساعدوني بحل لمشكلة شعري
أنا طالبة برنامج عملي يقدر يحل المشكلة اللي هحكيلكم عليها
مشكلة شعري إنه جاف وكل لما بحاول أخليه يطول بينفش ومشكلته كمان إنه مموج في بعض الأماكن مثل الجوانب الأمامية أكثر من الخلفية ، وباقي شعري ما بين مفرود وما بين مموج ، والمشكلة كمان إنه خفيف وبيتساقط عند الجوانب المجعدة ومش قادرة اطوله عشان زي ما قلتلكم بينفش ، هو من شكله يظهر عليه خشن لكن ملمسه ما بين ناعم وخشن
فيا ريت يا أخواتي تدلوني على حل
وجزاكن الله كل خير

السلام عليكم اختى فى الله
والله حبيبتى انا سمعت من المنتدى هنا على زيت هندى اسمه هيمتاج والبنات بتشكر فيه اوى فانصحك بيه لانه مجرب ولان واضح ان حاله شعرك مش متحمله انتظار نتيجه الماسكات

شكرا جزيلا أختي جنة الله على مساعدتك
ويا ريت لو في فعلا برنامج بماسكات مش مشكلة أحاول أطبق الاثتين
وشكرا كمان مرة أختي

شكرا جزيلا أختي جنة الله على مساعدتك
ويا ريت لو في فعلا برنامج بماسكات مش مشكلة أحاول أطبق الاثتين
وشكرا كمان مرة أختي

السلام عليكم ورحمه الله وبركاته

بوصى يا حبيبتىفى ماسك للتنعيم
بس انا مش عارفه طول شعرك فمش هحط مقادير الا بالتقريب على ان طول شعرك تحت كتفك تقريبا
كوب زبادى+معلقتين زيت زيتون +2 معلقه عسل ابيض صااااااااااااااااااااافى
ويتحط على الشعر كله جذور واطراف ويوضع عليها كاب الشعر لو معندكيش يبقى كيس عادى والغرض هو رفع درجه حراره الراس فتتفتح المسا ويمتص الماسك
يترك ساعتين

الماسك الثانى
زيت خروع وزيت زيتون وزيت لوز بنسب تساويه انتى ادرى بيها لو شعرك بين طويل وقصير يبقى 3 معالق من كل زيت +2 معلقه عسل ابيض
وبردو يترك ساعتين وانتى مغطيه راسك بنفس الطريقه اللى ذكرتها


وانصحك بقص اطراف شعرك واغسيلى شعرك مره اسبوعيا ويكون الماسك ده قبل الغسل
يعنى الماسكين دول لاسبوعين
وطمنينى على النتيجه وكل مره هكتبلك ماسكين من حاجات طبيعيه
عسل وزيوت وبيض وحناء وزبادى
وربنا المستعان يا حبيبتى

جزاك الله كل خير يا أختي وربنا يكرمك وبإذن الله هطمنك على النتائج
ربنا يكرمك ويجازيك كل خير

مشكورين على المعلومات المفيده

اختى الورد اذا عايزة هيمتاج وانتى من مصر اناممكن اجيبه لك لانه مش بيتباع فيمصر

بطه مصريه

انا يا حبيبتى مصريه وعايشه فى الكويت وعارفه انه موجود هنا كتييييييييييييييير لان الهنود هنا بيجيبو كل منتجات بلدهم بس المشكله انى معرفش هل ممكن يغشونى او لا وعارفه بردو انه هايكون ارخص من مصر
فعايزه اعرف منك هل انتى ضامنه البتبعيه؟؟وتمنه كام مصرى؟؟لانى هنزل مصر ان شاء الله وممكن اجيبه منك عشان محتجاه

هلا جنه اخبارك ايه
واضح انك من النوع الشكاك والمتردد ليه كل ده
ان شاء الله تشتريه ويكون كويس
وانا تحت امرك انا مجرباه وعارفه اد ايه روعه في النعومه واللمعه
والله يا سكرة هوة مش موجود في مصر انا ببعت اجيبه من جده في السعوديه