طلبتكم لا تردوني....

**لهفة الشوق** · 10-09-2005, 05:53 PM

السلام عليكم ورحمة الله وبركاته...

لو سمحتو خواتي بغيتكم بخدمه..
أنا عرسي انشالله بعد شهرين ونص..
وعندي مشكله متعبتني..
وهي إن عندي بروز في بطني بسبب مرض القولون
هو البروز متوسط مب كبير
بس أنا نفسيتي تعبت منه
تعبت وأنا أسوي تمارين البطن بس ماشي فايدة
يخف شوي بس بعدين يرد يظهر..
وأنا زوجي من النوع اللي مايحب الكرش
وهالشي اللي زاد تعبي...

فدخيلكم خواتي اللي عندها طريقة مجربه ومضمونه
تخفف فيها البروز لا تبخل علي فيها

وبكون شاكرة لكم...

**بروق الرياض** · 10-09-2005, 08:23 PM

هلا حبيبتي
بقولك سالفتي انا كنت اذا جيت اكل ما شرب مويه ابد وقت الاكل لانها تسبب بروز للبطن اوكي بس جتني فتره اعالج بشرتي وعطتني الدكتوره حبوب وخوفتني قالتلي لاااااازم تشربين مويه فوق المعتاداشان لا تاثر على الكلى وخفت والله صرت اشرب اكثر مما اكل مع الاكل وبدونه وطلع عندي شوي بطين(تصغير بطن)وضاق صدري وسويت تمارين ولا مشت معي فرحت العطار اسئله عن حيالله شي قام عطاني كريم بس والله العظيم على حلفه اختفى بطني عليه استخدمته شهر ونص مع التمارين طبعا وهو كريم
اسمه(SLIM BODY CREAM)وريحته زي الديتول معقمه فرنسي مو للبطن بس للارداف والارجل والذراعين وطريقته سهله تدليكين المنطقه واستخدميه مرتين بعد الاستحمام في الليل والصباح اذا كنتي تبين نتيجه اسرع قبل زواجك ونسيت اقوللك مبررررروك الله يوفقك
وعلى فكره العطار قالي يباع ف الصيدليات مثل السقاف والنهدي وسعره معقول60 ريال
اتمنى انه يناسبك واذا نا سبك ادعيلي ولوالدي
انا شريته من عطار الكريدس اللي في اسواق القريه الشعبيه بــ40لون الكرتون اصفر بس اهو العلبه تبعه خضراء
انشالله تتوفقين وانشالله اكون افدتك

**لهفة الشوق** · 11-09-2005, 03:41 PM

يعطيج العافية اختي بروق الرياض ع الرد والمساعده
بس هالكريم ماله تأثيرات سلبية؟!!
لأني من النوع اللي يتخوف من الكريمات
وهل هي مضمونه 100%

وأنا من الإمارات مب من السعوديه
وأتمنى إني أحصله في الصيدليات اللي عندنا..

بس ردي علي وطمنيني..

والله يوفقج ويخلي لج الوالد ويطول بعمره
آميييييين

والله يبارك فحياتج الغالية

**بروق الرياض** · 11-09-2005, 05:20 PM

اول شي الوالد متوفي الدعوه اللي ابيها دعوه لكل ميت واللي اهي الرحمه
هلا حبيبتي الكريم كله اعشااااااب ولا فيه ان شالله مضره بتحسين انه يحرق شوي لانه يحرق الدهووووون بس ان شالله مو مضر والله يوفقك

**لهفة الشوق** · 12-09-2005, 10:57 PM

أولاً
أرجو منج السموحه ماكنت أعرف إن الوالد متوفي
ألف رحمه عليه يارب

ثانياً
ألف شكر لج ع المساعده
وماقصرتي..

الله يحقق لج مرادج ويرحم أبوج
ويغفرله..

آمييييييييييين

والسموحه الغالية