بنات الرياض بنات الرياض طلب من أختكم الله لا يهينكم

السلام عليكم ورحمة الله وبركاته ،،،

مساكم الله بالخير أشلونكم ،، هذا نداء عاجل مني لبنات الرياض وهم طلبين مو طلب

الأول : وين أحصل ماركة كريولاين للمكياج في الرياض أسمع عنها كثير وما حصلتها في البحرين بغيت أعرف وين أحصلها في الرياض؟

الثاني : وين أحصل جاكيتات جينز بمختلف التصاميم يعني طويل قصير مشغول بتطريز وخرز أو ساده

فزعتكم يا بنات الله لا يهينكم أنا مسافرة الرياض الأسبوع الجاي يوم السبت وسأكون بأنتظار ردودكم

مع خالص التحيات ،،،

انا اعرف محل بالشررررقيه استغربت امس يوم لقيتها ..
اوميجا وش احسن شي من هذي الماركه ...؟؟

تسلمين يالغلا يا أكابر على ردك الكريم بس أنا بغيت في الرياض، لكن مو مشكلة وش أسم المحل اللي بالشرقيه؟ وين يصير بالخبر ولا الدمام؟

والله يا أكابر أحسن من هاذي الماركة أنا أحب حق بودرة الأساس وكريم الأساس ماكس فاكتور وخاصة الكريم الجديد اللي أسمه كلور أدبت، وحق الروج والجلوس والله أنا أنوع بين ماكس فاكتور و شيسيدو و شانيل وريفلون، وحق الآي شدو هم بعد أنوع يعني شانيل، كريستيان ديور، وساعات يروح خاطري للشغلات العادية اللي تنباع بالبوتيكات الصغيرة والله ما يحضرني أسماء الماركات، وحق الماسكارا أستخدم مايبلين وخاصة الجديدة xxl وتجي جهتين جهة الأبيض تحطينه أول علشان يحدد الرموش ويطولها وبعدين الأسود وفيه بعد نوع ثاني ماسكارا من نفس الماركة العلبة لونها وردي والغطاء أخضر استعملتها وكانت حلوة،، وعلى فكرة يا أكابر تراني أموت بالمكياج لكني مو خبيرة فيه ذاك الزود يعني على قدي وأنشاء الله أكون أفدتج وعن ماركة كريولاين وايد بنات في المنتدى يتكلمون عنها وخاصة بنات الكويت يقولون عنها حلوة فحبيت أجربها ونسيت أقولج بعد عن ماركة مكياجي ترى عندهم شغلات حلوة مثل الكحل والآي شدو والجلوسات زوريه يمكن يعجبج شي

أنا بأنتظار ردج عن أسم المحل اللي بالشرقية

اوميجاا انا بعد ماكس فاكتوور مره تعجبني

والماسكار ا اللي قلتي عنها بعد انا استعملها ..



اما الشااادو طحت لكم على شدووو خطير وثابت والووانه خيال اسمه سافنتين العلبه فيها ثلا ث الوان واحد للجفن وااحد لفوقه وااحد لتحت الحاجب تلقونه بسوق الدمام عند محل اعتقد اسمه البراهي مدري تلقونه قدام نبويه شبشب ....




نجي اللحين لماركة كريولان لقيتها قبل امس فوق في الخبر بلازا كنت رايحه الطابق الثالث للمصلى ... ولقيت على طول جنب المصلى محل صغير بس كان مسكر للصلاه مكتوب عليه توجد لدينا ا مستحضرات كريولان ..

هلاااااا بالغلااااااا أكــابر أشلونج أنشاء الله تمام،، والله انك ما قصرتي على هالخبرية الزينة مسكينة ميساء الحلوة سألت لي ما حصلت بالرياض ترى هي قريبة مني كلش بالشرقية عموماً ما قصرتي بس عاد ألحين متى وأشلون أروح هاذي يبغى لها ترتيب سنع لأن بو الشباب متعود على خط الرياض أما أنه يلف مني ولا مني صعبة عليه لكن باحاول ... بس ما قلتي لي يا أكابر أسم المحل اللي يبيع الجينز؟؟ يمكن أنج نسيتي مو مشكلة أنا ناطرة

إلا باقولج ليش ما تدخلين ديوانية كوتيات للأخت شهدQ في هذا الركن ترى سوالفنا عجيبة ةكلها تدور حول محور واحد الشوبنج وأش شريتي وعن المكياج والعطورات والثياب يعني بأختصار سوالف حريم تشرح القلب والخاطر وأعتبري هاذي دعوة مني أرو أنك تقبلينها أنا في الأنتظار

السلام عليكم ورحمة الله وبركاته ،،،

أشدعوة يا بنات الرياض محداً عبرني ولا رد علي جنكم تقولون لي لا تجين الرياض خلج في ديرتج أحسن بنات الشرقية ردوا قبلكم ،، مو مشكلة هاذني ناطرة وباشوف الفزعة

هلا اوميجا ... ابشررررري بجي ان شاء الله الديوانية


اوميجا انا جاكيتات وبلايز الجينز مااشتريها الا من بلو جينز بالراشد ومن guess المحلات الثانيه احس جنزها رديء ..

السلام عليكم ورحمة الله وبركاته ،،،

هلا وغلا أختي أكابر أشلونج شخبارج ،، بلو جينز على ما أعتقد ما عندنا بالبحرين لكن الراشد أمره هين أنشاء الله

يالله تعالي أش ناطره أنا بأنتظارج

أأأأكابر وينج بأسألج محلات حامل المسك وين تصير بالشرقية يعني فيه بالراشد ولا الخبر بلازا؟؟؟

شوفي حبايبي الي برياض سمعت ان بعد اسبوع راح توصل ماركة كريولان وراح تنباع في محلات زهرة مي ...........بصراحه ماني متاكده انا راح اشوف اذا صحيح راح ارد عليكم انشاء الله..................وانشاء الله الخبر يكون صدق لاني محتاجه لها ومافي امل اروح للبنان