ابغى مساعدة لبشرتي

**جولانار** · 29-06-2005, 02:28 AM

السلام عليكم

بنات ياليت تساعدوني بشرتي جافة جدا وبعض المناطق فيها سواد فأبغى وصفة مجربة تخفف الجفاف وتوحد لون البشرة

الله يسلمكم ويحفظكم

**غلا روحي** · 29-06-2005, 02:52 AM

اختي .... انا يمكن اقدر افيدك بخصوص السواد وتوحيد لون البشرة بس اما بشرتك والجفاف
يمكن الاخوات يقدروا يفيدوك وانشاء الله تستفيدي مني :
السواد ياعزيزتي انا استخدم له الان الليمون وكريم الجليسوليد وطبعا قرأت كثير في كذا موضوع
انه نخلط الليمون والجليسوليد ومجموعة اشياء مدري وش تساعد على ازالة السواد لكن بما اني عجازة
ومالي خلق اخلط اشياء واشياء لقيت اقرب شي ومتوفر عندي على طول عند عيني يعني الا الليمون والجليسوليد
وحالياً استخدمه ونتائجة بإذن الله طيبة وكمان كذا وحدة اعرفها شخصيا استخدمته وكان مفعولة تمام
بس لازم ايش :
لازم الاستمرار والا ماراح تكون هناك نتيجة والمدة تاخذ من شهر الا شهرين حسب شدة السواد
وبالتوفيق للجميع

**ربى الشمال** · 29-06-2005, 03:02 AM

في كريم رتن a حلو بعد ماتعالجين بشرتك فيه
اهتمي فيها وهذا الي عندي
وان شاء الله الاخوات يفيدونك

**سبأ** · 29-06-2005, 10:27 AM

عزيزتي

صح الجليسرين مع الليمون يصفي البشره وعندج زيت اللوز المر بعد يوحد لون البشره ويشيل السواد كله بس اهم شئ بالموضوع انج ادوامين على الشئ مو تسوينه يومين وتتركينه لانه لازم اداومين على الشئ كل يوم عشان تبان النتيجه معاج

تحياتي

**قمر مصر** · 29-06-2005, 03:16 PM

اختى جولانار
عندى وصفات لك
اتمنى انها تفيدك
ملعقة عسل نحل صغيرة وملعقة جلسرين صغيرة وزلال بيضة امزجى الخليط وضعيه على وجهك 15 دقيقة فهو يعمل على تغذية البشرة الجافة واعادة التوازن لها ونضارتها
وللبقع السوداء
ملعقة دقيق 4 ملاعق حليب ملعقة ليمون 10دقائق
او ملعقتين ردة "نخالة" نصف ليمونة نصف فنجان حليب علبة زبادى لمدة نصف ساعة وبعدين اغسلى وجهك ونشفية وضعى عليه المرطب المناسب لك

**عروس الشمال** · 29-06-2005, 03:49 PM

السلام عليكم ورحمة الله وبركاته

بالإضافة لما كتبوه الأخوات عندي لك وصفة مجربة ..

فنجان أرز أنقعيه لمدة ربع ساعة ثم اغسليه جيداً ودعيه ينشف جيداً ثم قومي بطحنه في الخلاط ليصبح مثل البودرة .. وأضيفي إليه صفار بيضة .. ونقاط من الليمون .. وافرديه على وجهك ودعيه ساعة كاملة ..

بعد ذلك قومي بتقشيرة أولاً لأنه سيصبح مثل طبقة بلاستيكية .. ثم اغسلي وجهك بالماء البارد وماء الورد

وداومي عليه نتائجه فعلاً مذهلة .. يبيض ويرطب وكل شيء

وسلامتك

**نمله** · 29-06-2005, 04:21 PM

انا انصحج بان تروحين الدكتور (مال الجلديه ) وااااااايد احسن
وحدة ارعتي تعاني نفس المشكله نصحتها تروح عند الدكتور و الحين حلو بشرتها و لزم تحافظين عليها و اااايد اختي كل يوم تسوي بصبون علشان يحافظ على البشرة الناعنة و الحلوة