خلطات روووعة للشعر... تفضلوا

**هجير الصمت** · 19-05-2005, 07:12 PM

هلا بنات......
السلام عليكم
حبيت أخبركم عن تجربة من تجاربي.......
مرة من المرات عزمتني جارتي.....(صارت قصة, لا أطولها وهي قصيرة)
المهم ووسط السواليف كلمتني عن وحدة تعرفها تعمل خلطات للشعر ممتازة...(أنا عاد أول ما أسمع خلطات وشعر ما أمسك نفسي

)
المهم استعملت وحدة من خلطاتها, مع إنها قالت لي ترى ما أضمن إن الزيت ينفع معاك 100% لأن نتيجته تختلف من وحدة لوحدة ( يعني من راس لراس)

هو فيه نتيجة بس تختلف يعني عندي مثلا تكون ممتازة عند أختي تكون كويسة بس مش لدرجة ممتازة عند بنت عمي تكون طفيفة ممكن كلنا تصير معنا ممتازة أو العكس يعني على حسب

المهم صار لي الحين 3أسابيع أستخدمها يوميا والحمد لله شعري مظهره تحسن.. التساقط خفّ عن قبل كمان التقصف ما أقول اختفوا لكن خفـّوا أو قلـّوا (أنا كان شعري لمـا أسرحه ألاقي كومة شعر على ملابسي والأرض والمشط حتى إني كنت ما أسرحه إلا مرة باليوم وأحيانا باليومين ما أسرحه أخاف أصلـّع من كثر الشعر اللي ينزل)
بالنسبة لطول شعري ماشاء الله زاد خلال هـ3أسابيع تقريبا ما يعادل 5 أصابع ولله الحمد. (عـاد هنا تشققت من الفرح)

إذا فيه وحدة ودّها بشيء من خلطاتها أهلا وسهلا تراسلني على الخاص.. إن شاء الله تلقون حل لمشاكلكم يهمني أساعد.

**الكروان غنى** · 19-05-2005, 08:57 PM

وعليكم السلام ورحمة الله وبركاته

حياك الله اخيتى معنا فى منتدى الخير والاخاء...

ونحن بشوق لسماع مكونات هذه الخلطة...حيث ان المراسلة عن طريق الخاص غير مسموح بها بين العضوات فى المنتدى

فياليتك تكتبينها هنا حتى تعم الفائدة...

**هجير الصمت** · 19-05-2005, 11:08 PM

هلا أختي
أنا حقيقة ما أدري ايش كمونات الخلطات لأن الحرمة واللي اسمها أم فهد تبيعهم وأكيد ما راح تقول لي مكونات الخلطات

**بحووووور** · 20-05-2005, 02:19 AM

السلام عليكم ورحمة الله وبركاته
هلا فيـــــــك اختي هجير الصمت في المنتدى الرئع
كثير من اللي يقولو عن هالدعايات بس ماشفنا يالغاليه نتائج تفيدنا sid

ومافي احلىىىى من زيت برشوت اللي هو جوز الهند يطول وينعم وحلووو للشعر

واللي تسويها الحريم ابعدوا عنهااا يابنات وربـــــــي نصيحه بعدين راح تندمون
مره ثانيه مشكوره اختى على مشاركتك

اختكم بحووووور

**(ريما)** · 20-05-2005, 04:05 AM

يعني ما تقدر تقول لنا السر الي في الخلطه وتكسب اجر فينا

**هجير الصمت** · 20-05-2005, 03:45 PM

مشكورة بحوووور و ريما على المرور
وأكيد يا ريما ماراح تعلمنا عن مكونات الخلطات حقتها
بعدين بصراحة أنا عجبتني وحدة من خلطاتها مرة وهي اللي أنا أستعملها الحين
فطلبت منها تعلمني من ايش مسويتها علشان أصير أعملها بنفسي وأخبر عنها جماعتي بس رفضت وقالت لكل وحدة أسرار مهنتها
عموما تشكر هي على هالخلطات الله يعافيها