وين القى افضل محلات الاقمشه في الرياض

السلام عليكم
تــــــــــــكفون بنات ابغى كل وحده تكتب لي افضل محل يبيع اقمشة السهرات لان الوقت قصير ولارايح يكفيني الوقت الف اسواق الرياض وخلو الجميع يستفيد بمناسبه قرب موعد الزواجات والعطل

هلا حبيبتي انا اشتري من منصر العيسائي في العليا مول
بس مرررررررررررره نار اسعاره
فيه محلات حلوه مره في العثيم مول
وعندك الاندلس بس للامانه مادخلت الاقمشه بس دايما اشوف الاقمشه مليانه حريم
ان شاء الله استفدتي
وشكرا

تسلمين ياقلبي ويعطيك الف عافيه
يالله وين الباقي هذا العشم فيكم يابنات لك

عندك بازار كمان في العليا مول وبن قبوس مقابل العقاريه وطبعا لايفوتك الحبيب اسعاره معقوله وتحصلينه في كل مكان خصوصا الاندلس لان عنده تنافس بالاسعار

حبيبتي ولا يهمك ابد
انا بعطيك ملخص عن محلات الاقمشه اللي في الرياض
لاني من اكثر البنات اللي يخيطون فساتين

المهم

شارع المتنبي في الملز هذاااااااااااااا مليان خياطين ومحلات اقمشه واسعاره ارخص شي
وتلاقين فيه حاجات كشخه ورخيصه خصوصا قطع الشك

اسواق الاندلس في العليا بصراحححححححححه مره مره مره مره اقمشتهم رايقه حلوه واسعارهم حلوه بعد وفيه مجموعة محلات اقمشه وكلف

العليا مول هذا فيه مجموعة محلات كشخه ورايقه طبعا هو اغلى من اقمشة الاندلس بس تقريبا نفس المحلات
بس اوعدك اذا دخلتي العليا مول ما تطلعين الا شاريه اكيد لان المكان يساعد على انك تشترين بس ترا نفس محلات الاندلس بس السوق اكشخ

العقاريه الثانيه الدور الاول فيه مجموعة محلات اقمشه كويسه من زمان ما رحت لهم بس اذكر انهم كويسين

سوق طيبه سوق شعبي بس فيه محلات قماااااش حلوه واسعارها حلوه بعد

الاقمشه الغريبه خذيها من بن صديق او الرماح او السقاف العيسائي
هذولي يبيعون اقمشه غريبه بسسسسسسسسسس اسعارها ناااااااااااااااااااار

وهذي محلات على الشارع مو في اسواق بس العيسائي في العليا مول والرماح في طريق الملك فهد السقاف في اخر شارع العليا بن صديق ناسيه مكانه بس اظن هو اللي جنب الفيصليه

فيه أسواق النخبة أسعارهم مناسبة و أقمشتهم حلوة و ما أعتقد إنك بتلاقي نفس أسعارهم في محلات الشمال .......

اللي بتشتري شيفونات و بطاين و ساداتو تل و ما شابه من هالأقمشة الدارجة خذيها من الخزان عندك خيارات الألوان متعددة جدا و السعر يا بلاش ..........

حبيبتي .... غير بازار ومنصر العيسائي لا تشوفين من جد اقمشه ... تروع عندهم شي خيالي اذا شفتيهم كل السوق ما راح يعجبك... من حلاوتهم طبعا