أرجو منكم مساعدتي .....

**مجنونة البخور** · 01-05-2005, 03:36 PM

بسم الله الرحمن الرحيم
السلام عليكم ورحمة الله وبركاته
اخواتي اذا ممكن تعطوني طريقة عمل
البخور مع المقادير وشلون نسويه بالتفصيل

اذا ممكن خواتي
لرجو الرد بأسرع وقت ممكن

تحياتي القلبية

اختكم : مجنونة البخور

**بندري نجد** · 01-05-2005, 05:50 PM

واللة يالغالية ماعندي فكرةبس حبيت اسلم عليك وانشاءاللة الاخوات يفيدونك

**مجنونة البخور** · 11-05-2005, 10:58 PM

وعليكم السلام اخوي بندري

مشكور على مرورك وان شاء الله ما يقصرون معاي اخواتي واخواني

بس صار لي فتره وانا ضايفه موضوعي ولا احد ساعدني

صدقوني لأمي مو الي كل يوم تقول لي دخلي واشوفي

وتقول لي ادري اني زهقتش وازعجتش كل يوم بقعد على راسش واهذر

والله انا منحرجه من أمي وما أحد جاي يساعدني ....

يالله بنات اذا ماعليكم امر شدوا حيلكم وساعدوني ..

في أمان الله نلتقي ان شاء الله مع مساعداتكم لي

**لــيــنـا** · 12-05-2005, 03:58 AM

هلا أختي مجنونة البخور

شوفي هذا الموضوع للأخت غراشيب وانشاء الله بيعجبك

الممتاز ***###***### طبعا غرشوبة

**مجنونة البخور** · 14-05-2005, 11:04 PM

مشكوره أختي لينا والله يعطيكِ ألف عافيه

وان شاء الله ربي يوفقكِ لكل خير

كل شيء ولا رضى الوالدين

مشكوره مره ثانيه

تحياتي القلبيه لكِ

**NonO** · 15-05-2005, 11:33 AM

هذه خلطه خاصه ( اسمها بخور آهات)

المقادير:

كوب سحال ( العود المطحون ناعم)- تولتين دهن الورد- عنبر حسب

الرغبه - ربع كوب مسك بودر( او اقل شوي)- تولتين عطر نيود مركز.

الطريقه:

ذوبي العنبر في دهن الورد على نار هادئه جدا ( انتباه لا تستنشقي

البخار)- اخلطي المسك الناعم مع السحال عطر نيود ثم صبي عليه

خليط العنبر- اعجني المقادير جيدا- اذا كانت جامده اضيفي اما دهن

الورد او نيود ( حسب الرائحة اللي تفضلين)- كوري الخليط واتركيه في

مكان متجدد الهواء مدة يومين ثم قومي بتعليبه

منقووووووووووووووووووووول

والله يخلي لك امك يارب00

**مجنونة البخور** · 16-05-2005, 12:43 AM

مشكورة اختيNono
على الطريقه الحلوة
مشكور على مرورك وان شاء الله
ما يقصرون معاي اخواتي واخواني
بس صار لي فتره وانا ضايفه موضوعي
ولا احد ساعدني
يالله بنات اذا ماعليكم امر شدوا حيلكم وساعدوني ..

في أمان الله نلتقي ان شاء الله مع مساعداتكم لي