بياض سريع بأيام فقط ؟!؟!؟!

**نبض الإمارات** · 28-04-2005, 04:06 PM

السلام عليكم ورحمة الله وبركاته

أولا حبيت اشكر بنيه اللي دلتني على هالموقع و قالت انها استخدمت احد كريمات التبييض و نفع وياها بعشرة ايام صار جسمها بياض مثل الثلج ........

وعطتني الاخت يزاها الله خير عنوان الشركه و هي بالسعوديه ..... و هالوصله عنوانهم

http://www.nafetht-hawaa.com/

بس يا اخواتي ابي اعرف اللي جرب منتجاتهم و خاصة منتجات تبييض الابط و المناطق الداخليه

و بأمانه تقول شو النتايج وياها ....... و اللي بيجرب الحينه بعد يخبرنا بالنتايج بارك الله فيه .............. و اتمنى الجميع يستفيد من هالموضوع

و ان شاء الله منتجات هالشركه تكون خير علينا و تشل عنا هم السواد اللي مب لاقيين له حل !

و السمووووحه

بنت المرحوم زااااااااااااااايد الله يرحمه و يسكنه الجنه آمين يارب

**نبض الإمارات** · 28-04-2005, 06:27 PM

الله يسامحكم جم زاائر للموضوع

محد رمس و قال لو كلمة ما جربنا؟؟؟؟

**شيخة المماليح** · 28-04-2005, 09:46 PM

واااااااي

شكثر يعجبني كلامكم ياهل الامارات

كلامك فضييييييييع

كنه لغة غريبة مولهجة ودي اتعلمها

تصيرين التيتشر حقتي؟؟؟؟؟؟؟

**نبض الإمارات** · 28-04-2005, 11:09 PM

هههههه

حياج الله يالبقره ............... أفااا غالي و الطلب رخيص

بعلمج و انا اخسر شي

بالعكس كلنا خوات و من عيوني حبوبه

و اشكر لج تواجدج بموضوعي و الله يسامج الباجيي ...

**محبة القرآن** · 29-04-2005, 03:23 PM

أهلين أختي نبض... وحياك الله معانا..

يا غاليه.. معليش اعذري البنات ..لأنهم كانوا مشغولين بالويك أند.....

صراحه أنا أول مره أسمع بالمنتجات هذي.... وأن شاء الله البنات ما يقصرون معاك..

**نبض الإمارات** · 29-04-2005, 03:25 PM

يزاج الله الف خير اختي الغاليه على هالرد الطيب

الصراحه انا كنت زعلانه بس بردج هذا طيبتي خاطري بارك الله فيج

عيل بتريا.....

و ان شاء الله بنلاقي خيــــر

**om layth** · 29-04-2005, 04:58 PM

بصراحة وانا كمان اول مرة اسمع في هذا المنتج بس انشاء الله البنات يفيدوك ونستفيد معك

**غراشيب** · 29-04-2005, 09:50 PM

مرحبا

ولا تزعلين حبيبتي ....

بصراحة أعرف ناس يستخدمون كريم تبييض ييبونة من السعودية .....تصيرين مثل الثلج

بس تهدينه......وعععععععععععع

وللأمانة ما أعرف أسم الشركه ,,,

**نبض الإمارات** · 30-04-2005, 01:13 PM

هلا حبيبتي غراشيب

ابي افهم كيف بعد ما يهدونه يصير وععععع

يعني شو الآثار اللي بتظهر؟؟؟؟

و يمكن تختلف من شركه لشركه

لانه هالشركه اغلبية منتجاتهم من فرنسا ....

فرنسا معروفه بالاناقه و الجمال !!

**غراشيب** · 30-04-2005, 01:24 PM

بصراحه ماأعرف هوصنع شركه أوخلطات خاصة ...بس من السعوديه

تدرين البنات ما يحبون أحد يعرف أنهم يستخدمون شي للتبييض ....!!

أنا شفت النتايج ...مبهرة واللي ماتركوه بشرتهم صافيه وجنهم مسويات تقشير

واللي تركوه ويوهم أتلخبطت وحببت ورجعت أغمق من اللون العادي .