©ˆ~¤®§©]§].... كلام نواعــم ....لدردشه سيدات المطابخ(2-3) §]§[©§®¤~ˆ©

**وعود الخير** · 19-12-2006, 10:50 AM

بسم الله الرحمن الرحيم
نبدأ دردشتنا اليومية

**إنجــــــــي** · 19-12-2006, 11:10 AM

انا بدي ابدا الدردشة معكم بأني اطلب منكم جميعا
تدعولي من قلوبكم
نفسيتي تعبانة هاليومين
ومحتاجةدعواتكم الصادقة طبعا
تحياتي الكم كلكم يا حلوين
وهاي انا ياوعود افتتحت الدردشة كمان مرة

**(( ام ماهر ))** · 19-12-2006, 12:07 PM

صباح الخير وعود وكيف الحال ان شاء الله منيحة

اختى انجل الله يعينك ويسر امرك ويخفف عليك ودوم الحال من المحال مع الايمان بالله وقرات القران

خواتى الغاليات كيف حالكم جميعا ومشتاقة الكم كثير

**رندوش** · 19-12-2006, 12:53 PM

مساء الخير صبايا
الله يفك همك يا رب يا انجل ويزل عنك كل كآبه
وعود شو الاخبار انا قلقانه كتير الشوارع مش طبيعيه

**وعود الخير** · 19-12-2006, 01:14 PM

مش عارفة يا رندوش
ربنا يستر الخبط هلأ صار عند مبنى المخابرات
وانا زي ما قلت لك بعدت مكتبي عن الشباك
يعني الرصاص ممكن يصيب كتفي لا سمح الله

**رندوش** · 19-12-2006, 02:27 PM

الف سلامه ليك يا عسل
بس الشوارع كلها خطر كيف بتروحي الله يحميك

**shahed60** · 20-12-2006, 08:36 AM

السلام عليكم ورحمة الله وبركاته
كيف اصبحتو يا صبايا
بصراحة انا كتير قلقانة وقلبي عم يغلي طمنوني عنكم وعود رندوش طمنوني اشو اوضاعكم
وعود الخير مبارح كتبتي هالكلمتين واخفيتي طمنيني عنك الله يحفظك ويحميكي

**بنت ارض الحضارات** · 20-12-2006, 10:25 AM

السلام عليكم ورحمة الله وبركاته

اسعد الله اوقاتكن بنوتات النواعم بكل الخير والسرور والامن والامان..
ادعو الله ان يفرج كرباتنا ويغسل حوباتنا ويقضي حوائجنا ويفك اسرانا ويرحم امواتنا ويردنا جميعا الى الحق ردا جميلا حسنا ويهدي ضالنا ويكف باس الظالمين عنا ويحفظنا من بين ايدينا ومن خلفنا وعن ايماننا وعن شمائلنا ويعفو عنا ويسترنا فوق الارض وتحت الارض ويوم العرض ويقضي ديوننا ويؤمن خائفنا ويختم لنا جميعا بالصالحات اعمالنا ويحقن دمائنا ودماء المسلمين في كل مكان من هذه الارض فانه القادر على كل ذلك قدير وبالاجابة جدير..

وعود حياتي دفع الله ما كان اعظم جعلها الله فداء لك ولاولادك وعوضك عنها في دينك ودنياك واخرتك..
رندوش وكل بنوتات فلسطين حماكن الله من كل سوء لكم الله يا اهل الرباط اعانكم الله واعاننا على ما ابتلانا واجارنا من شرور انفسنا وسيئات اعمالنا وهدانا جميعا الى سواء السبيل..

كل البنوتات النواعم صباح الخير..
انجل حبيبتي فرج الله همك وووسع ضيقك.. الزمي الاستغفار فقد قال رسول الله صلى الله عليه وسلم: ((من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب)) او كما قال صلى الله عليه وسلم..

**رندوش** · 20-12-2006, 10:59 AM

صباح الخير صبايا
الحمد لله الدنيا اليوم رايقه ولله الحمد
وعود كيفك يا عسل ان شاء الله رجعتي مكتبك تحت الشباك لان الشميسه حلوه
صبايا نواعم كيفكم ان شاء الله فرج همكم وازال الغمه عنكم يا رب العالمين
اليوم عامله صينية كفته بالطحينه اتفضلوا صبايا

**وعود الخير** · 20-12-2006, 11:15 AM

وعود كيفك يا عسل ان شاء الله رجعتي مكتبك تحت الشباك

هههههه .... شو عرفك بس الامن رجعه لبعيد قالوا بس تهدأ الامور بيرجع

**وعود الخير** · 20-12-2006, 11:17 AM

شهودة تسلمي يا عمري .. ما عدنا نهتم زي ما تقولي القلب مات
واللي ربنا كاتبه راح نشوفه

**وعود الخير** · 20-12-2006, 11:18 AM

بنوتة... ربي يسعد قلبك ويملاه بالخير والراحة دوم
الحمد لله دائما .. وكله ابتلاء من رب العالمين
ودائما نقول الحمد لله

**shahed60** · 20-12-2006, 11:27 AM

الله بيبلي وبيعين اكيد انتو متعودين لكن نحن لما منسمع هالاخبار ما منعرف نقدر الوضع تمام انتو ادرى
على كل حال صباح الخير مع انك مو متل عوايدك متاخرة اليوم وهذا ما زاد قلقي
اليوم الله باليني بواجب زوجي الكسلان عندو تقرير رح يقدمو للاستاذ تبعو ولذلك اليوم ما عندي طبخة صرلي من الصبح على الجهاز عيوني غارت

**وعود الخير** · 20-12-2006, 02:07 PM

سلامة عيونك يا شهودة
معلش تأخرت عليكم الظروف اقوى مني
بس ما باقدر استغني عنكم ابدا

انجل... يارب تكوني تحسنت وصارت النفسية افضل

ام ايموني...... والله اشتقت لك يا قمر ان شاء الله تكوني بخير

©ˆ~¤®§©]§].... كلام نواعــم ....لدردشه سيدات المطابخ(2-3) §]§[©§®¤~ˆ©