كيك الكمثرى وقمر الدين .. لملف حلويات بالفاكهة الطبيعية

[anapella]

بسم الله الرحمن الرحيم

الكيك ده هدية منى لشجونة .. انا مقصرة معاها فى المشاركات ههههههههه فاقلت اعمل حاجة بدل ما اتضرب

المكونات :
كمثرى منزوعة القلب ومقطعة شرائح
بعض شرائح قمر الدين او مشمشية "المتبقى عندك من رمضان" او انصاف مشمش طبيعى

مقادير كيك اسفنجى مع رشة قرفة ورشة قرنفل


الطريقة :
نحضر قالب خبز " يفضل قالب مستطيل او مستدير وغير مفرغ"
نبطنه بورق الخبز "خطوة مهمة وان لم يتوفر الورق يدهن القالب باسبراى زيت جيدا ثم يبطن بالسكر الباودر"
نرص الكمثرى المقطعة ونغطى الجوانب

نرص طبقة قمر الدين مفردة .. مع عمل بعض الفوارق لانه بيسيح مع الحرارة

نعمل كيك اسفنجى ونضيف عليه رشة القرفة والقرنفل بيكون طعمه احلى كتير
ونصبه بالقالب

توضع على الرف العلوى فى فرن حرارته 200 درجة لمدة 40 دقيقة
وده شكلها بعد الخبز

طبعا ورق الخبز هيسهل اننا نقلبها

[anapella]

واخيرا بعد التقطيع ومقدرتش اخد صور اكتر كان عندى اصدقائى باولادهم .. وهجمو التتار اول ما الريحة فاحت



طعمها بجد تحفة ومحببة جدا للصغار..

[الشفاعة]

لطشششششش والناس نيام
ياترى امي داعية علي ولا دعتيلي عند هالليل
لاني عاملة دايت

بس شكلها رووعة وبيفتح النفس بجد

شكلك شطورة بكل شي الله يحفظك ويخليلك ابنك يااارب

للتطبيق باذن الله صحة وهنا على قلوبكم

Sent from my SGH-T889 using منتديات لكي mobile app

[anapella]

ههههههههههه حلوين احنا الاتنين والناس نيام .. الله يخليلك الوالدة ويطمنك عليها
شوفى ياقمر انا مكتبتش مقدير الكيك لانى باعملها صحية جداااا زى حالاتك
الدقيق نص دقيق غير مبيض ونص دقيق قمح كامل
والسكر .. سكر غير مكرر raw sugar
ومفيش زبدة باحط ربع كوب زيت كانولا او جوز هند .. لان الزيتون طعمه بيبان فى الكيد فا الاتنين التانيين دول افضل وصحيين برضو ..
ايه رأيك بقى ؟؟؟
حلوة طريقتى .؟؟؟

[الشفاعة]

لا لا لا

لازم تكتبيها بالتفصيل بدي ادقق واقرا ونفذ هههه

لابجد خلص رح اخد القالب واكلو بدون ماضميري يانبني

خطيرة طلعتي هههه

Sent from my SGH-T889 using منتديات لكي mobile app

[anapella]

ههههههههههه ضحكتينى شفوعة الله يسعدك
طيب اكتب لك مقادير الكيك وكمان عشان اشجان دلوقتى بتعمل دايت وبتحاول تتخلص من كل بقايا لهط الحلويات فى الايام الخوالى .. وهى ماشاء الله عليها حلوياتها فعلا تحفة ..

المقادير بتاعة الكيك الصحى :
3 او 4 بيضات حسب حجم البيض
كوب سكر غير مكرر او سكر بنى "الغير مكرر افضل"
ربع كوب زيت كانولا او زيت جوزهند
كوب دقيق ابيض غير مكرر + ثلاثة ارباع كوب دقيق قمح كامل
ملعقة صغيرة كاملة بيكنج باودر
ربع كوب "الى نصف حسب نوع الدقيق" لبن قليل الدسم
لانى محافظة على صلة الرحم ومقدرش اشرب لبن خالى !

الطريقة فى الخلاط او العجان نخلط السكر والزيت والبيض حتى ينعمو
نزود الدقيق المخلوط بالبيكنج باودر شوية بشوية ونزود معاه اللبن بالتبادل
للنكهة : رشة فانيللا او رشة قرفة
بعد ما يتجانس العجين اما نحطه فى قالب مدهون ومبطن بالدقيق او قالب به ورق خبز
ده فى حالة الكيك السادة
اما لو حابين تعملو كيك له نكهة وطعم وكده
نحذف خطوة خلط الفانيللا او القرفة و نقسم العجينة قسمين
مثلا قسم معاه معلقتين كاكاو او ربع كوب ماء مذاب فيه قهوة او نكهة فراولة
ونصف سادة او مع فانيللا ونضع السادة اولا بالقالب بعدين نعمل خط فى الوسط بالملعقة ونضع الملون
واخيرا نرسم 3-4 خطوط بالملعقة فقط حتى يصبح رخامى ولا يختلط ببعضه
ونحطه فى الفرن للخبز فى الرف العلوى .. حرارة 200
او الرف السفلى بحرارة 150 "لا افضله"
وممكن بدل دا كله تبقى كيك برتقال وبدل اللبن نضيف عصير برتقال وللنكهة ناتج بشر القشور الخارجية ل 4 برتقالات ... وبث

[الشفاعة]

شكل الطريقة تحفة وصحية جدا وخاصة حليب خالك ههههه

خلص حفظ للتطبيق باذن الله

تعبتك معي ربي يسعدك ويعطيكي ليرضيكي

Sent from my SGH-T889 using منتديات لكي mobile app

[أم فئ]

ماشاء الله تسلم دياتك

[anapella]

شكل الطريقة تحفة وصحية جدا وخاصة حليب خالك ههههه

خلص حفظ للتطبيق باذن الله

تعبتك معي ربي يسعدك ويعطيكي ليرضيكي

Sent from my SGH-T889 using منتديات لكي mobile app

شكلك سهرانة بقى ههههههههه ولا التوقيت بتاعك يبقى الصبح دلوقتى ؟؟

اشكرك حبيبتى .. وربنا يتقبل دعوتك .. ولك بمثل

[anapella]

ماشاء الله تسلم دياتك

تسلمى حبيبتى .. شكرا لمرورك العطر