مكعبات الكنافة **سهلة **لذيذة ** و شيك....الكنافة فخر الحلويات الرمضانية
بسم الله الرحمن الرحيم
ازيكم اخواتى فى الله يا رب تكونوا كلكم بخير
وربنا يبلغنا شهر رمضان الكريم و كل سنة و انتم بالف خير
و طبعا ما ينفع الحلو بعد الفطار الا بالكنافة مممممممممممم
حبيت اشاركمم بموضوعى البسيط و تلبية للدعوة الكريمة من الغالية ام ماهر ربنا يرضى عنها و يبارك فى عمرها
موضوعى مكعبات الكنافة و هى سهلة جدااااااااااا جداااااااااا و مختلفة و تنفع للحفلات و الرحلات
و اللى هيشفها اكيد هيقولك هااااااااااات هههههههههههههه
و الوصفة للامانه اخدتها من اخت فى الله ربنا يكرمها
يالا بينا نبتدى بسم الله
المقادير
*كمية من الكنافة المفتته (و الافضل انك تكونى شيلاها من قبلها بيوم فى الفريزر عشان لما تيجى تكسريها بايدك جواالكيس
بتاعاها او باديكى تتكسر و تتفتت معاكى بسهولة )
*كمية من السمن للتحمير
*شربات او شيرة
*مكسرات (جوز هند * زبيب *سودانى متكسر* قرفة )
*حشو ( ممكن تمر او قطع فاكهة زى الموز مثلا) اختيارى
الطريقة
**هنحمر الكنافة فى السمنة لحد ما تبقى باللون دة او لو تفضليها اغمق او افتح
* بعد كدة تكونى طبعا محضرة الشربات من الاول و بعد ما تتحمر الكنافة صبى الشربات عليها
و لو بتحبى الكنافة طرية زودى لها الشربات و لو بتحبيها نص نص خلى الشربات مش كتير زى ما انا عملت
و ممكن تضيفى عليها جوز الهند و السودانى و الزبيب و انا حطيت من عندى معلقة قرفة بصراحة بتخلى الطعم خطير
* نجيب البلاستيك بتاع مكعبات التلج او ممكن كوبات زبادى (انا كان عندى المعيار بتاع ازايز المضاد الحيوى هههههههه كنت شيلاهم عشان كان شكلهم حلو و اهم نفعوا)
* نجيب المكعبات و نملاها لو مش عايزة حشو فى النص لكن لو انتى عايزة حشو حطى شوية كنافة و اضغطى عليهم باديكى و بعدين حطى الحشو ( شرايح موز او عجوة او مكسرات عادية انا كان عندى عجوة)ا
* و لما تيجى تملى المعايير بتاعة المضاد الحيوى مثلا او كوبيات الزبادى متمليهاش لاخرها خلى بالك
عشان لما تيجى تقلبيهم تنزل معاكى بسهولة
عشان انا جيت مليت المعايير على الاخر و كبست على نفسها ههههههههههه فغلبتنى و انا بفضيها
و تسبيها فى التلاجة او ممكن برة التلاجة بس فترة كافية عشان تتماسك مع بعضها
و دا كان شكلها
يا رب تعجبكم و كل سنة و انتم طيبينفى رعاية الله
رد مع الاستدلال
الروابط المفضلة