السلام عليكم ورحمة الله وبركاته
كنت باتفرج على قناة فتافيت
على برنامج ولا بالأحلام للشيف نرمين هنو
وعرضت فى سر المطبخ طرق تبطين صوانى الكيك وفى الآخر خلطة سريعة
قلت اكتبها هنا عشان المبتدئات اللى زيى
----
اولا
تبطين صينية الكيك الإسفنجى
بعد ما ندهن الصينية بالزبدة
نرشها نشا مش دقيق
عشان الجوانب ماتنشفش
ثانياً
تبطين صينية الكيك العادى الأبيض
زى ما كلنا عارفين
ندهن الصينية زبدة ونرشها بالدقيق
***
ثالتاً
كيك الشوكولا
نرشها كاكاو بدل الدقيق
***
اما الخلطة السريعة هى
سمن نباتى
وزيت
ودقيق
بنفس النسب
نخلطهم كويس مع بعض
وندهن الصينية بالخليط من غير مانحتاج نرش حاجة
والخليط ده نقدر نحفظه فى الثلاجة 3 أشهر
---
اتمنى انى اكون قدمت شئ مفيد
الروابط المفضلة