جلسة سمر سودانية علي مقرن النيلين حبابكم مليار اتفضلوا لجوة (25)

[رهوفة العسل]

تقيتي نبدأ بيكي هههه
كدة يا أب ردة هههه
أنا والله علي قولك دايرة لي اورنيك جامد
بس تقولي شنو يا ندو ربنا يعينا
جري شديد والأيام دي كلنا بعيد عنكم عيانيين
اولادي لوز وحكة وحالة صعبة حسي عادوني انا زاتي ربنا ييسر الشفاء
والله مقصرة عارفة بس ما بتطلعوا من بالي
دايما معاي حتى لو ما دخلت بسلم عليكم من علي البعد

أم هند الغالية
مشتاقييييييييييييييين أكوام اكوام
وكان للبلاك لست كلنا فيها هههه
خربانا من كبارها والله طلتك بالدنيا
بس ما تغيبي علي حس الكلام دا
وما تبقي زينا خليكي احسن مننا
وداومي علي الحضور للجلسة

ام العزاز
دايرين عزومة كاربة لما تجينا
بالملاحات البلدية دي
وكيف اولادك وامورك مشتاقين كثير

بتنا الغالية
ان شاء الله تكون امورك ماشة حلوة ومتوفقة فى مشاويرك ربنا يعينك وترجعي لينا تنوري الجلسة

هنوها ومحرابنا ونيلينا وسمهرنا
وكل الموجودين والمافيشين
ارجعوا عشان نعمل زي ما اقترحت أم هند نتناقش كل مرة عن موضوع

وربنا يديم لمتنا الحلوة

[ام العزاز]

اليووووووووووي
الليلة ألفتنا ظهرت
عاد سويتيها ظاهرة ههه كفارة يازولة وألف سلامة ليكم الحال من بعضه والله نحن لينا أسبوع أجواء غريبة مطر وبرد وكتاتيح ومرض كيمان ربك يسترها
ندوو كيفك ياعسل والله الفطيس ده خليه ساي ادينا العندك خلينا النضحك شويه
بتنا ونيلنا مشتااقين ياحريم وين ان شاء الله طله صغيرونه بيها تطمنونا ربنا ييسر اموركم
هنو الحقي ياعسل نزلي الويكاب في اسبوع ماسي مشكل لكل الأطباق كيف مع الجيوب الهايجة ان شاء الله راقت شويه
وبقية العقد الفريد- الكتلونا شوق وريد -طمنونا ولو من بعيد
هاك نظم القصيد داااا هههه
لي عوده ان شاء الله البرد نفخنااااا
ودعتكن الله
والغايبين ليهم سنين

[رهوفة العسل]

بالنسبة للفيس بوك
عندو كمية من الفوائد وبرضو جوانب كثيرة من السلبيات
طبعا هو صغر الدنيا جدا يعني اي شخص بتعرفيهو بتقدري تلاقيهو فى
الفيس في جانب الاجتماعيات دا سمح وكمان عندو عشاق كثار بيدمنوه
كل ما تبحثي عنو بتلقيهو داخلوا ثياب حنن وكمية من النشاطات والأكل بكل انواعوا
والجميل فيهو التفاعل السريع وبالنسبة لينا نحن كتاجرات حلو جدا
لأنو بيخلق ليكي اسواق حقة مشتركين وكمان مبيعات كويسة جدا
يعني لو الناس اخذت الايجابيات فأكيد بتستفيد جدا منو

أما السلبيات فهي طبعا اكيد الاباحية الشديدة جدا
لنشر أي شئ يخطر علي بالكم يعني ممكن يكون
شيطان متحرك للشباب وكمان لنشر الأفكار السلبية
والتحريض لفعل المحرمات ،، ربنا يحفظنا ويحفظ أولادنا يارب

وزي ما فيهو كدة فيهو تجمعات حلوة جدا دينية وخيرية
ومنظمات يعني لامي كل شئ

المهم انو نحن مفروض نستفيد من الجوانب الحلوة
ونتجنب ونحذر من الجوانب السلبية

[رهوفة العسل]

اليووووووووووي
الليلة ألفتنا ظهرت
عاد سويتيها ظاهرة ههه كفارة يازولة وألف سلامة ليكم الحال من بعضه والله نحن لينا أسبوع أجواء غريبة مطر وبرد وكتاتيح ومرض كيمان ربك يسترها
ندوو كيفك ياعسل والله الفطيس ده خليه ساي ادينا العندك خلينا النضحك شويه
بتنا ونيلنا مشتااقين ياحريم وين ان شاء الله طله صغيرونه بيها تطمنونا ربنا ييسر اموركم
هنو الحقي ياعسل نزلي الويكاب في اسبوع ماسي مشكل لكل الأطباق كيف مع الجيوب الهايجة ان شاء الله راقت شويه
وبقية العقد الفريد- الكتلونا شوق وريد -طمنونا ولو من بعيد
هاك نظم القصيد داااا هههه
لي عوده ان شاء الله البرد نفخنااااا
ودعتكن الله
والغايبين ليهم سنين

سرور يا عسل اخبارك مشتاقين كثير
والله منال اختي فى الرياض قالت جاتكم مطرة بثلج عديل كدة
ربنا يكون فى عونكم ويحفظ اولادكم يارب
والله بالجد سويتها ظاهرة اعمل شنو ربنا يعينا ويخفف علينا
والف كفارة ليكم ويسلمكم من كل شر
مالك مطولة من الماسنجر

[tegeety]

رسلو لى النكات
احتمال تكون معادة ليكم
لكن انا ضحكتنى

واحد اهل العوض جا الخرطوم , وقام ولدو ساقو محل ملابس وفى المحل لقى تمثال لابس ملابس للعرض سلم عليه
ولده قال ليه يابوى دا تمثال
ولما جاوا مارقين لقى خواجا قاعد فى كرسى وعنده صلعة قام العربى ضربه فى الصلعة وقال :يا ولدى دا ما فضل ليه الا الكلام



رباطابي راكب حافلة 00جا ينزل طقطق للكمساري00الكمساري قال ليه داير تنزل الرباطابي قال ليه :لا بدور أجاوب


واحد ادروب سافر الى كسلا بحافلة جديدة لنج والسواق من قام لحدى ما وصل مشغل اذاعة القران
وصاحبنا الشغلة دى ما ركبت ليو فى راسوا ولما وصل سالة احد اقربائه جيت بشنوا فرد عليه , جيت بالجامع ده


واحد مسطول شاف واحد عندو شامة كبيرة فوق عينو الشمال, قاليهو بالله عليك دي عين ولا غين . ها ها ها

واحد موظف حالته تعبانه زوجته ولدت ،الدكتور قال ليه:شوف ليك مرضعة لولدك لأن زوجتك عندها مشكلة فى ادرار اللبن،بعد بحث مضنى زوجته وجدت مرضعةواتفقت معاها،زوجها سألهااتفقتى معاها بكم؟قالت ليه:غايتو بعد تعب اتفقنا على أربعين ألف،قال ليها بانفعال:ليه؟انا مرتبى كله خمسين ألف،خلاص نديها العشرة ألف الباقية ونرضع كلنا

[yakin]

[QUOTE=tegeety;11641086]رسلو لى النكات
احتمال تكون معادة ليكم
لكن انا ضحكتنى

واحد اهل العوض جا الخرطوم , وقام ولدو ساقو محل ملابس وفى المحل لقى تمثال لابس ملابس للعرض سلم عليه
ولده قال ليه يابوى دا تمثال
ولما جاوا مارقين لقى خواجا قاعد فى كرسى وعنده صلعة قام العربى ضربه فى الصلعة وقال :يا ولدى دا ما فضل ليه الا الكلام



رباطابي راكب حافلة 00جا ينزل طقطق للكمساري00الكمساري قال ليه داير تنزل الرباطابي قال ليه :لا بدور أجاوب


واحد ادروب سافر الى كسلا بحافلة جديدة لنج والسواق من قام لحدى ما وصل مشغل اذاعة القران
وصاحبنا الشغلة دى ما ركبت ليو فى راسوا ولما وصل سالة احد اقربائه جيت بشنوا فرد عليه , جيت بالجامع ده


واحد مسطول شاف واحد عندو شامة كبيرة فوق عينو الشمال, قاليهو بالله عليك دي عين ولا غين . ها ها ها

واحد موظف حالته تعبانه زوجته ولدت ،الدكتور قال ليه:شوف ليك مرضعة لولدك لأن زوجتك عندها مشكلة فى ادرار اللبن،بعد بحث مضنى زوجته وجدت مرضعةواتفقت معاها،زوجها سألهااتفقتى معاها بكم؟قالت ليه:غايتو بعد تعب اتفقنا على أربعين ألف،قال ليها بانفعال:ليه؟انا مرتبى كله خمسين ألف،خلاص نديها العشرة ألف الباقية ونرضع كلنا[/QUOT

هههههههههههههههههههههه
اضحك الله سنك والله لى زمن ما ضحكت
اتحفينا برواءعك يا غاليه

[yakin]

سلام يا بنات نفرايه نفرايه
اقرا واجيكم راجعه

[tegeety]

هلا والله يقين الغالية

مطولة الغيبة

منورة

[رهوفة العسل]

سلام مربع لكل الموجودين والغايبين كمان

تقيتي
النكات حلوة جدا
اضحك الله سنك
تسلمي لينا يارب

يقينا الغالية
مشتاقيين جدااااااااااااااااااااااا
وينك يا زولة طولتي الغيبة
كيفك واخبارك وامورك
نتمنى انو اللمة تكمل والناس
تظهر وتواصل التواصل ما يكون فى انقطاع

مع ودي واحترامي للكل

[بت كردفان]

سلام بنوت سلام
مشتاأأأأأأأأأأقين كتير يا اهلنا المنكم طولنا
جايبه معاي اورنيك عذر الدكتوره عندها امتحانات
ومحتلة اللابتوب يس مشت تتغدى قلت اطل اسلم
ما شاء الله الدار عمار وان شاء الله دايما
كلكم تدوم عليكم العافية
وللحديث بقية