أحكام الميم الساكنة -الإخفاء والإظهار

[جنى 23]

المرة السابقة اخدنا الادغام وقلنا ان هو بيبقى مع حرف واحد وهو الميم
المرة دى ان شاء الله هناخد الاخفاء

الإخفاء

سبق وان عرفنا ان حرف الميم له مخرجان
1-ميم مع انطباق الشفتين
2- غنة اصليه (من الخيشوم الانف)

حروفه

يكون الاخفاء مع حرف واحد وهو الباء
اى إذا جاءت الميم الساكنة بعدها باء يكون الحكم اخفاء

النطق

1-لا ينطق الجزء الأول اى لا تلامس الشفتين
2-وينطق الجزء التانى بمقدار حركتين
اى تنطق نصف ميم بس متقفليش شفتيك مع خروج الغنة من الانف بمقدار حرفين

مثال

وهم بالآخرة

م ساكنة بعدها ب لاتلامس الشفتين وانطقى غنة بمقدار حركتين مكان الميم المخفاة

الإظهار

هو نطق الحرف وإخراجه من مخرجه سواء أكان الحرف له مخرج واحد مثل الباء او مخرجين مثل الميم

على فكره عشان النطق الصح فى موضوع المخارج عايزة تعرفى مخرج الحرف حطى قبله ا وسكنى الحرف
يعنى مثلا الباء
أب
الخاء اخ
هتلاقى الحرف ينطق كما يجب

حروفه

تظهر مع بقية الحروف

أمثلة

لم يلد
تنطق م مع انطباق الشفتين مع الغنة

يمترون

إن كنتم تعلمون

يمحق
وامره إلى الله
واملى لهم

أى ان الميم الساكنة
1- تدغم فى حرف واحد وهو الميم
2- تخفى عند حرف واحد وهو الباء
3-تظهر مع بقية الحروف 26حرف

لاحظى ان حرف الالف دائما ساكن ولا يقع بعد الميم الساكنة حتى لا يلتقى ساكنان

الأسئلة
السؤال الاول
ماهى حروف الاخفاء والاظهار فى الميم الساكنة؟
السؤال الثانى
اقرئى من سورة المعارج واستخرجى منها أحكام الميم الساكنة

يارب يكون الدرس سهل عليكم
لا تنسونى من صالح دعائكم
ادعولى ربنا يرزقنى بطفل سليم معافى من كل شر وسوء وربنا يكملى على خير ويخليلى ابنى ويهديه

[جنى 23]

فينكم يا بنات
فى انتظار اجاباتكم

[om basel]

ماهى حروف الاخفاء والاظهار فى الميم الساكنة؟
حرف الاخفاء هو الباء فقط
اما الاظهار فهي بقية الحروف اي جميع الحروف ما عدا الميم والباء
السؤال الثانى
اقرئى من سورة المعارج واستخرجى منها أحكام الميم الساكنة
إنهم يرونه: اظهار
هم على: اظهار
أموالهم: اظهار
هم من: ادغام
ربهم مشفقون: ادغام
ربهم غير: اظهار
هم لفروجهم: اظهار
أزواجهم أو: اظهار
أيمانهم فإنهم: اظهار
هم لأمانتهم: اظهار
عهدهم راعون: اظهار
هم بشهادتهم: اخفاء
بشهادتهم قائمون: اظهار
هم على: اظهار
صلاتهم يحافظون: اظهار
خلقناهم مما: ادغام
منهم وما: اظهار
ترهقم ذلة: اظهار

[om basel]

جزاك الله كل خير وربنا يرزقك بطفل سليم معافي من كل شر و سوء وربنا يكملك على خير ويخليلك ابنك ويهديه ويكونوا من الصالحين يارب

عندي ليكي سؤال
أمثلة


لم يلد
تنطق م مع انطباق الشفتين مع الغنةالمفروض ميكونش فيه غنة او هناك غنة مصاحبة لحرف الميم بس طبيعية ليس لها مقدار الحركتينحبيت اوضحها بس علشان يمكن حد يفتكر ان فيها غنة زي الاخفاء او الادغام

[عُلو الهمّة]

اى إذا جاءت الميم الساكنة بعدها باء يكون الحكم اخفاء
ليش مايكون الحكم إقلاب مش الباء من حروف الإقلاب

[عُلو الهمّة]

وهم بالآخرة


م ساكنة بعدها ب لاتلامس الشفتين وانطقى غنة بمقدار حركتين مكان الميم المخفاة

جنى
لازم يلامس الشفتين إذا نطقنا

[عُلو الهمّة]

لاحظى ان حرف الالف دائما ساكن ولا يقع بعد الميم الساكنة حتى لا يلتقى ساكنان

قصدك في أي أمثلة

آسفة أزعجتك حبيبتي جنو

بس تعرفي الفهم لابد منه ....

[جنى 23]

جزاك الله كل خير وربنا يرزقك بطفل سليم معافي من كل شر و سوء وربنا يكملك على خير ويخليلك ابنك ويهديه ويكونوا من الصالحين يارب

عندي ليكي سؤال
أمثلة


لم يلد
تنطق م مع انطباق الشفتين مع الغنةالمفروض ميكونش فيه غنة او هناك غنة مصاحبة لحرف الميم بس طبيعية ليس لها مقدار الحركتينحبيت اوضحها بس علشان يمكن حد يفتكر ان فيها غنة زي الاخفاء او الادغام

مظبوط اللى انتى بتقوليه بس انا قصدى ان الحرف يخرج من المخرجين من الشفتين والانف لازم يكون مش مسدود بس طبيعية انا مقولتش هنا حركتين ولا حاجة
ربنا يوفقك يا عسل
الحمد لله انك فاهمة معايا

[جنى 23]

اى إذا جاءت الميم الساكنة بعدها باء يكون الحكم اخفاء
ليش مايكون الحكم إقلاب مش الباء من حروف الإقلاب

شوفى يا عسل
انا بعد ما خلصت احكام النون الساكنة عطيت المدود عشان ابعد عنها ومتتلخبطوش بين احكام النون والميم الساكنة
ومع ذلك اتلخبطى برضه
شوفى يا حبيبتى
ب من حروف الاقلاب اذا جاءت بعد النون الساكنة
لان كنا بنقلب النون ميم بس كانت نصف ميم مبنقفلش شفتينا فيها لو تفتكرى عشان الميم بعدها ب بيبقى اخفاء
عشان كده مبننطقش الميم كاملة
اما اذا جاءت الميم الساكنة بعدها ب بيكون الحكم اخفاء

[جنى 23]

وهم بالآخرة


م ساكنة بعدها ب لاتلامس الشفتين وانطقى غنة بمقدار حركتين مكان الميم المخفاة

جنى
لازم يلامس الشفتين إذا نطقنا

شوفى يا عسل
لو انتى قفلتى الشفتين او لامستيهم بيبقى نطق الميم اظهار ببقى خرج من المخرجين الشفتين والانف
انما لو مقفلتيش شفتيكى او لا تلامسهما بيبقى هو ده الاخفاء بتكون كده خرجت من مخرج واحد اللى هو الانف
بتبقى نصف ميم مبتقفليش شفتيكى فيها

كان فى النون الساكنة اما كانت مخفية كنا بنقول ان لاتلامس اللسان وكانت بتخرج برضه من مخرج واحد وهو الانف
يارب تكون وضحت
وممكن تسمعيها من شريط للحصرى
الحصرى ما شاء الله عليه فى احكام التجويد اللى عايز يتعلم فعلا يسمعله
ولو انتى مش معاكى المصحف بتاعه قوليلى وانا اجيبهولك