لو عندك شقة جديدة او بتجدد او عروسة اتفضلي اسالي وانا اجاوب الجزء الرابع

[UM FARIDA]

الف مبروك أم فريده على الجزء الرابع
وفرحانه انك استكملتى الموضوع
انا محتاجه مساعدتك بس فى حاجات كتيره بس يا رب مكنش هتقل عليكى
انا شقتى 55 متر مسحتها صغيره جدا انا حولت ارسمها على اد مقدرت
اول سؤال عندى فى غرفه الجلوس هعمل انتريه وركنه ووراها نيش محتاره اعمل الانتريه لونه والركنه ولون الغرفه نفسها
ثانى سؤال عندى المطبخ خدت من الصاله علشان اعمل رخامه تحتها المطبخ علشان ملوش مكان وهعمل الرخامه حمرا ادينى رأيك فى لون الرخامه ولوهعملها حمرا او اى لون تانى ايه هو اللون المناسب يوسعلى المطبخ وينوره ولون السيراميك هيكون ايه
وسؤالى الثالث ازاى ارفعلك الصوره من على جهازى
اسفه على الاطاله

الله يبارك فيكي يا حبيبة
الله يبارك لكي في شقتك
تعملي انتريه مفهومة بس اللي انا مش فاهمه اوي ازاى ركنة وراها نيش لو تلاقي صورة حتى على النت توضحيلي بيها يبقى خير
بالنسبة للالوان انتي لازم تعتمدي على الفواتح قدر الامكان علشان تديكي وسع ولازم تستخدمي المريات هتفرق معاكي كتير
حفيدك اكتر لما تنزليلنا الصورة بتاعت رسمة البيت واقولك توزعيها ازاى
بلاش الاحمر وخليكي في الفواتح يعني لو جرانيت يبقى الروز لو رخام يبقى البيجات الفاتحة بالنسبة للون السيراميك افضل حاجة الروستيك البيج اللي هو قطع صغيرة في الحوائط ومتوسطة في الارضيات ده بيدي وسع للمكان
بصي ادخلي على صفحة الرد مش الرد السريع لا دوسي على اللي جنبها هيفتحلك ويندو كدة فيها من فوق جنب حرف الaبتاع تظبيط الحروف والوجه المبتسم صورة مشبك ورق دوسي عليه هيفتحلك ويندو التحميل اختاري الصورة من على جهازك وحمليها جربي كده وردي عليا

[UM FARIDA]

لأ بجد فنانة جااااااااااااااااااااااااااااااااااااااااااااااااا ااامدة جدا يارب تنفع

يا رب

[UM FARIDA]

عبقرينووووووووووووووووووووووووووووو

شكلها نفعت هيه هيه هيه اما ارقص معاكي بقى
اى خدمة قولي لابو جوجو بعد كدة بفلوس

[UM FARIDA]

موضوع جميل ومفيد
ازيك يا ام فريدة؟ وازى فريدة؟

بصي يا قمر انا ليا سؤالين
احنا ان شاء الله هنستلم شقه في القاهره الجديدة كمان سنة او سنة ونص
الفكرة انى بدور من دلوقتى عالمناسب ليها من حيث التشطيب
اولا : ارضيه الريسبشن هل الافضل جرانيت ولا رخام ولا بورسلن
انا عايزة اعملها حاجه شيك ومتكنش مكلفه اوى بس بلاش الباركيه
تانى حاجه : انتى اكيد عارفه ان التجمع هو والدنيا واسعه والعمارات والفلل قصيره المهم ان التصميم بتاع البيت ان الشبابيك كبيرة وانا مش عارفه هل تتعمل احسن الوميتال ولا خشب وشيش
مع العلم انى لما رحت الرحاب لقيت الشقق هناك الوميتال وفي حاجه كدده زى شيش او ستارة معدنيه؟
طبعا انا محتارة لان الشباك الكبير لو اتمعمل ازاز وشيش يبقى افضي نص الاوضه علشان اعرف افتحه وكمان موضوع الدنيا برد وهوا جامد مخلينى محتارة اوى


وربنا يكرمك على الموضوع الحلو ومساعدتك للناس

انا تمام الحمد لله انا وفريدة كمان
مبروك الشقة يا جميل

جرانيت مش مناسب للشقق الرخام طبعا احسن حاجة بس لو مش حتقدري تجيبي رخام حلو مستورد لانه بيبقى غالي يبقى هاتي بورسلين حلو برضه وتكلفته معقولة والعناية بيه سهلة
في حالتك دي الالوميتال حيكون احسن لحجب التراب وسهولة التنضيف عن الشيش الخشب وكمان للحفاظ على المساحة

[UM FARIDA]

اه معلش سؤال كمان تفتكرى ايه الوان الحمامات الحلوة اللى تستاهل ان الواحد يفكر فيها؟
وكمان عايزة اسالك تفتكرى ايه احسن شكل في اشكال السيراميك بتاع المطابخ تقريبا في الصغير اوى وفي العادى وفي كبير ؟ وايه رايك في موضوع الوزرة في المطبخ ؟ انا حساها مش عمليه علشان الدهون متتجمعش عليها؟

معلش دوشتك بالاساله

دلوقتي بقى في موديلات حلوة كتير لازم تنزلي بنفسك وتتفرجي وعلى حسب الالوان اللي انتي بتحبيها حتقدري تقرري لان ده بيت الراحة يعني لازم تبقي مرتاحة وانتي جواه ههههههههههههه
بس نصحتي ليكي ابعدي عن الالوان الغامقة لانها بتكلح من الصابون والترسب الكلسي وبتحتاج تدعك جامد كل فترة علشان ترجع تلمع تاني يعني خليكي في الفواتح وطعمي بس بالغامق لكن ميبقاش اساس
انا بحب الصغير اوي في المطابخ بيبقى لذيذ الوزرة بشوية خل تخليها فلة بس هي مهمة بتغير الشكل تماما بتخليه احلى كتير

[rola_05]

ازيك يا فري
انا غشيت طريقتك اللي قلتي عليه لتحميل صوره من الجهاز

[rola_05]

سؤالي بقي يا فري
افتح الاوضه دي علي الريسبشن عشان اوسعه
ولا اسيبها زي ما هي احسن
عشان انا حاسه ان العمود والكمرات دي هيضيعو ميزه الفتح

[حبيبه اند]

الله يبارك فيكي يا حبيبة
الله يبارك لكي في شقتك
تعملي انتريه مفهومة بس اللي انا مش فاهمه اوي ازاى ركنة وراها نيش لو تلاقي صورة حتى على النت توضحيلي بيها يبقى خير
بالنسبة للالوان انتي لازم تعتمدي على الفواتح قدر الامكان علشان تديكي وسع ولازم تستخدمي المريات هتفرق معاكي كتير
حفيدك اكتر لما تنزليلنا الصورة بتاعت رسمة البيت واقولك توزعيها ازاى
بلاش الاحمر وخليكي في الفواتح يعني لو جرانيت يبقى الروز لو رخام يبقى البيجات الفاتحة بالنسبة للون السيراميك افضل حاجة الروستيك البيج اللي هو قطع صغيرة في الحوائط ومتوسطة في الارضيات ده بيدي وسع للمكان
بصي ادخلي على صفحة الرد مش الرد السريع لا دوسي على اللي جنبها هيفتحلك ويندو كدة فيها من فوق جنب حرف الaبتاع تظبيط الحروف والوجه المبتسم صورة مشبك ورق دوسي عليه هيفتحلك ويندو التحميل اختاري الصورة من على جهازك وحمليها جربي كده وردي عليا

انا جربت ونفع الحمد لله
بصى يا قمر الصوره اللى ببرنامج الرسام هتفهمى شويه
المشكله كلها فى غرفه الجلوس انا هعمل ركنه علشان القعده تكون عليها علشان الانتريه ميتبهدلش ومفيش مكان للنيش فهحطه ورا الركنه حولى تتصورى المكان ولو فى حاجه موصلتكيش هقولهالك
وشكرا على مسعدتك يا ام فريده

[أم جورى]

السلام عليكم ام جورى أنا أقبل ما اشترى البوتوجاز البلت ان حاولت اجمع اراء وخبرات من على النت وجدت ان المعظم بيشتكى من البوتوجاز الكهرباء وفى نفس الوقت بيمدحوا فى الفرن الكهرباء عشان كدة قررت اشترى البوتوجاز غاز والفرن كهرباء وعلى فكرة البوتوجاز الغاز البلت ان شكله برضه شيك وكويس انا جبته 60 سم لكن بعد كدة طمعت وقلت ياريتى جبته أكبر شوية بس حلو وشيك ماركة اريستون معقولة وعلى فكرة فى كمان معرض جليم جاز أشكاله تحفة تحفة وسعره تقريبا نفس سعر اريستون لكن المقاس 60 الموجود هناك كان مشكلته ان المفاتيح حسيت انها قريبه جدا من الشعل عشان كدة رحت جبت اريستون لكن جليم رائع

جزاكى الله خيرا يا سوسو يا قمر طيب فين معرض جليم جاز ده انا أول مرة اسمع عنه ولو غلاسة منى ممكن اعرف سعره كام والفرن الكهربا كمان سعرها كام

[أم جورى]

شكلها نفعت هيه هيه هيه اما ارقص معاكي بقى
اى خدمة قولي لابو جوجو بعد كدة بفلوس

ليكى حق طبعا انا مش عاوزة اقولك هو قال عليكى ايه

بجد ربنا يباركلك وفرتى علينا شغلانة بفكرتك دى