لو عندك شقة جديدة او بتجدد او عروسة اتفضلي اسالي وانا اجاوب الجزء الرابع

[UM FARIDA]

لا يا فرى درجتين اطلع بيهم وبعدين ارمى نفسى

زهايمر مبكر

مفيش حاجة غير اللى عاوزة مبلغ وقدره دى

هما بيدو شكل حلو وخلاص اتعملو بس ياخوفي تتزحلق من عليهم ياحسين وتبقى فضيحتك بجلاجل
للاسف مافيش بس لان مطبخك مش ضخم اوي مش حيكلف اوي يعني اسئلي عمو بتاع الالوميتال وطنط بتاعت المطبخ ممكن يكون عندها افتكاسة تقولهالك
بقولك لازم تحددي نوع البوتجاز ومقاسه قبل ماتفصلي المطبخ علشان يتركب في مكانه بالظبط

[UM FARIDA]

حبيبتي ام فريده متشكره جدا حقيقي بجد انا استفدت وعجبتني فكره ان الانتريه والصالون يكونوا واحد

ربنا مايحرمناش من عطائك

اى خدمة يا جميلة

[أم جورى]

فرفر فرفور فرافيرو

امبارح رحت وشفت بعنيا الدرجتين هيبؤا جنب التويلت بالظبط يعنى زنقة جوة

فى الكابينة وزنقة برة يختى هما مش كانوا بيقولولا عليه بيت الراحة حمبوذى بأة

غير المفهوم ده خالص بأة تذنيب واصلاح فللاسف قررنا نشيلهم

موضوع الكابينة فشل بكل السبل مفيش غير حلين

نكسر الأرضية كلها لأن الصرف ماشى على أد البانيو ده يعنى لو أكبر مكان الصرف

لازم يتغير

فالارضية تتكسر ونجيب بانيو اكبر شوية يا اما نركب بانيو طويل فى نفس المكان

من غير كابين بس هيبأة جنب باب الحمام بالظبط

الحل التانى يبقى الوضع على ماهو عليه وبدل الكابينة اركب ستارة وامرى لله

شفتى الخيبة اعمل ايه بأة ؟ ولو ركبت بانيو 140 او 150 مكانه كدة مش غريب شوية

لأن الحمام لما اتعمل ارضية وحوائط باة واسع وطويل لأنه مستطيل

مفيش فى الحمام حاجة غير التواليت والحوض والبانيو اليتيم ده 60 فى 60 جبن باب الحمام

[UM FARIDA]

فرفر فرفور فرافيرو

امبارح رحت وشفت بعنيا الدرجتين هيبؤا جنب التويلت بالظبط يعنى زنقة جوة

فى الكابينة وزنقة برة يختى هما مش كانوا بيقولولا عليه بيت الراحة حمبوذى بأة

غير المفهوم ده خالص بأة تذنيب واصلاح فللاسف قررنا نشيلهم

موضوع الكابينة فشل بكل السبل مفيش غير حلين

نكسر الأرضية كلها لأن الصرف ماشى على أد البانيو ده يعنى لو أكبر مكان الصرف

لازم يتغير

فالارضية تتكسر ونجيب بانيو اكبر شوية يا اما نركب بانيو طويل فى نفس المكان

من غير كابين بس هيبأة جنب باب الحمام بالظبط

الحل التانى يبقى الوضع على ماهو عليه وبدل الكابينة اركب ستارة وامرى لله

شفتى الخيبة اعمل ايه بأة ؟ ولو ركبت بانيو 140 او 150 مكانه كدة مش غريب شوية

لأن الحمام لما اتعمل ارضية وحوائط باة واسع وطويل لأنه مستطيل

مفيش فى الحمام حاجة غير التواليت والحوض والبانيو اليتيم ده 60 فى 60 جبن باب الحمام

لا في حل تالت كسري حوالين البنيو واعملي درجة برتفاع البانيو حوالين البانيو وركبي الكابينة على طرف الدرجة دي بس اسألي بتاع الكابينة ينفع تركب على السيراميك على طرف الدرجة ولا لا كده حيفضل البانيو نفس المقاس والكبينة هتوسع
للاسف الستارة هتغرقلك الحمام مية كل ماحد يستحمى

[حبيبه اند]

الف مبروك أم فريده على الجزء الرابع
وفرحانه انك استكملتى الموضوع
انا محتاجه مساعدتك بس فى حاجات كتيره بس يا رب مكنش هتقل عليكى
انا شقتى 55 متر مسحتها صغيره جدا انا حولت ارسمها على اد مقدرت
اول سؤال عندى فى غرفه الجلوس هعمل انتريه وركنه ووراها نيش محتاره اعمل الانتريه لونه والركنه ولون الغرفه نفسها
ثانى سؤال عندى المطبخ خدت من الصاله علشان اعمل رخامه تحتها المطبخ علشان ملوش مكان وهعمل الرخامه حمرا ادينى رأيك فى لون الرخامه ولوهعملها حمرا او اى لون تانى ايه هو اللون المناسب يوسعلى المطبخ وينوره ولون السيراميك هيكون ايه
وسؤالى الثالث ازاى ارفعلك الصوره من على جهازى
اسفه على الاطاله

[أم جورى]

لا في حل تالت كسري حوالين البنيو واعملي درجة برتفاع البانيو حوالين البانيو وركبي الكابينة على طرف الدرجة دي بس اسألي بتاع الكابينة ينفع تركب على السيراميك على طرف الدرجة ولا لا كده حيفضل البانيو نفس المقاس والكبينة هتوسع
للاسف الستارة هتغرقلك الحمام مية كل ماحد يستحمى

لأ بجد فنانة جااااااااااااااااااااااااااااااااااااااااااااااااا ااامدة جدا يارب تنفع

[أم جورى]

عبقرينووووووووووووووووووووووووووووو

[شهيدة...79]

موضوع جميل ومفيد
ازيك يا ام فريدة؟ وازى فريدة؟

بصي يا قمر انا ليا سؤالين
احنا ان شاء الله هنستلم شقه في القاهره الجديدة كمان سنة او سنة ونص
الفكرة انى بدور من دلوقتى عالمناسب ليها من حيث التشطيب
اولا : ارضيه الريسبشن هل الافضل جرانيت ولا رخام ولا بورسلن
انا عايزة اعملها حاجه شيك ومتكنش مكلفه اوى بس بلاش الباركيه
تانى حاجه : انتى اكيد عارفه ان التجمع هو والدنيا واسعه والعمارات والفلل قصيره المهم ان التصميم بتاع البيت ان الشبابيك كبيرة وانا مش عارفه هل تتعمل احسن الوميتال ولا خشب وشيش
مع العلم انى لما رحت الرحاب لقيت الشقق هناك الوميتال وفي حاجه كدده زى شيش او ستارة معدنيه؟
طبعا انا محتارة لان الشباك الكبير لو اتمعمل ازاز وشيش يبقى افضي نص الاوضه علشان اعرف افتحه وكمان موضوع الدنيا برد وهوا جامد مخلينى محتارة اوى


وربنا يكرمك على الموضوع الحلو ومساعدتك للناس

[شهيدة...79]

اه معلش سؤال كمان تفتكرى ايه الوان الحمامات الحلوة اللى تستاهل ان الواحد يفكر فيها؟
وكمان عايزة اسالك تفتكرى ايه احسن شكل في اشكال السيراميك بتاع المطابخ تقريبا في الصغير اوى وفي العادى وفي كبير ؟ وايه رايك في موضوع الوزرة في المطبخ ؟ انا حساها مش عمليه علشان الدهون متتجمعش عليها؟

معلش دوشتك بالاساله

[sohila215]

السلام عليكم ام جورى أنا أقبل ما اشترى البوتوجاز البلت ان حاولت اجمع اراء وخبرات من على النت وجدت ان المعظم بيشتكى من البوتوجاز الكهرباء وفى نفس الوقت بيمدحوا فى الفرن الكهرباء عشان كدة قررت اشترى البوتوجاز غاز والفرن كهرباء وعلى فكرة البوتوجاز الغاز البلت ان شكله برضه شيك وكويس انا جبته 60 سم لكن بعد كدة طمعت وقلت ياريتى جبته أكبر شوية بس حلو وشيك ماركة اريستون معقولة وعلى فكرة فى كمان معرض جليم جاز أشكاله تحفة تحفة وسعره تقريبا نفس سعر اريستون لكن المقاس 60 الموجود هناك كان مشكلته ان المفاتيح حسيت انها قريبه جدا من الشعل عشان كدة رحت جبت اريستون لكن جليم رائع