السلام عليكم ورحمة الله وبركاتة
اولا اسلم على كل صديقاتى العزيزات اللى فى المنتدى
اللى معرفهمش قبل اللى اعرفهم وبنرمى السلام على ركن النافذة الاجتماعية على طول السلام من هنا لحد دار السلام ورقصنى يا جدع (احم احم احترمى نفسك يا بت)
المهم ندخل فى الموضوع بقى
اولا انا لسة مخلصة امتحانات ثانوية عامة النهاردة 3 ثانوى ادبى
وذلك بعد معانا شديدة مع الثانوية العامية المصرية اللى فعلا عمت عنينا 3 سنين
المهم انى اقينت ان ربنا بيحبنى جامد اوى اوى اوى لانة وقف معايا بجد فى امتحاناتى
بعد ما كنت محبطة ويأس الدنيا كلة فيا (دة بسبب مشاكل بين والدى ووالدتى حنبقى نلك فيها بعدين)
وتقريبا كانت توقعاتى انى حعيد السنة او شكلى حخش معهد وخلاص وكانت بتعدى عليا ايم مش بذاكر فيها خالص بسبب الاكتئاب وساعات الامتحان بيبقى بكرة وانا مش مذاكرة ومتعرفوش ربنا بيفتحها عليا ازاى فى اخر لحظة
بجد شكرا يا رب على كل حاجة رفعتلى معنوياتى وخلتنى متاكدة وبثقة وعشم فيك انى بجد حدخل الكلية
انا عايزة اقولكم انى مدمرة من كل حاجة يعنى نفسيا وبدنيا وريجيما ( حلوة ريجيما دى)وكلة بايز
وانا حاسة انى عايوة اغير نفسى اوى الصيف دة مش من برة بس لا من برة ومن جوة
لانى داخلة على مرحلة تانية من حياتى واكيد ححب اغير من نمط حياتى عشان يتماشى معاها
لانى خايفة من مجتمع الكلية وبلاوى مجتمع الكلية
عايزة كل واحدة تقولى اعمل اية فى الصيف دة واغير نفسى ازاى لانى حاسة انى تايهة
وكمان عاوزة كل واحدة كانت فى كلية او فى كلية حاليا تقولى اية الاخطاء اللى وقعت فيها فى المجتمع دة سواء كانت من اى نوع عشان اتجنبها انتوا عارفين طبعا ان مجتمع الكلية يعنى شباب على بنات وحيبقى فى اختلاط وكدة فعايزة قواعد امشى عليها
انا الحمد لله جايبة 88% السنة اللى فاتت
وادعولى السنة دى بقى عشان النتيجة
انا نفسى ادخل كلية اداب قسم اثار
امانة عليكم تدعولى ربنا يحققلى الامنية دى
اختكم وبنتكم وحببتكم مس عسل
الروابط المفضلة