انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 5 من 5

الموضوع: متيجى نتفاهم :"؟

  1. #1
    تاريخ التسجيل
    Aug 2009
    الردود
    3
    الجنس
    رجل

    Arrow متيجى نتفاهم :"؟


    ان الحمد لله نحمده ونستعين به ونستغفره ونستهديه

    وصلى واسلم على النبى المصطفى صلى الله عليه وسلم

    واشهد ان لا اله الا الله

    واشهد ان محمد رسول الله صلى الله عليه وسلم

    احباب رسول الله صلى الله عليه وسلم

    اسال الله تعالى ان يبلغنا رمضان ويعنا عليه فى الصيام والقيام

    وان يتقبله منا ان شاء الله تعالى وان يجعلنا من الرابحين ان شاء الله تعالى

    حبيت ابدء اول موضوع لى فى المنتدى بهذا الموضوع المهم من وجهة نظرى خاصة ورمضان الكريم على الابواب

    اسال الله تعالى ان يبلغنا رمضان ويعنا فيه على الصيام والقيام وان يتقبله من ان شاء الله تعالى

    موضوعى اليوم غير موجه لنا كاشخاص

    لكن موجه لكل نفس فينا

    كل واحد مع نفسه حوار نلتقى فيه مع النفس


    باقى اقل من اسبوع على بدء رمضان الكريم


    والمواضيع تنهال علينا عن الصيام والقيام والصلاة والنفحات الخ

    لا اقلل منها فهى عصب الدعوة فى رمضان

    ولكن اليوم اختلف فى الدعوة اسال الله ان يجعلها خالصة لوجه الله تعالى


    حوار مع النفس من الروح والقلب للنفس لنفسى وروحك وقلبك مع نفسك الخ


    متيجى نتفاهم


    ايوة لازم اننا نتعامل مع انفسنا بالتفاهم عارفين ليه

    لان للاسف لم يعد فينا من يحاسبنا من البشر

    المتزوج والشاب والفتاة لا يعمل حساب فمن يحاسبه


    طبعا الذى يحاسب هو الله ويجب ان يكون لنا قوة ايمان فى ذلك لا نفعل ذلك كى لا يحاسبنا الله تعالى

    وصدق من قال انه من يظن انه يعمل معصية وذنب ولا يحاسب

    اما جاهل واما مجنون

    لم يعد فينا ولى الامر الناهى الذى نعمل له حساب

    اعلم من سيرد ويقول يعمل حساب ربنا

    والله اعلم

    لكن بحب اتكلم دئما من الناحية النفسية .

    انظر لنفسك او انفسيك اختى فى الله نفعل كل ما نريده

    فاين العصا التى كانت لمن عصى لا يوجد

    ليس فينا او منا من نعمل له حساب لا تفعل ذلك علشان هيحصل فك كذا وكذا

    نظام التربية بتاع زمان الذى نفتقده اليوم طبعا

    واذا قلت لكل فرد يا اخى اعمل حساب ربنا انه يراك يقول نعم نعم والله اعمل حسابه لكن شقاء نفسى

    هو ده اللى عايز اقوله النهاردة

    ايتها النفس الشقية


    متيجى نتفاهم




    هنتفاهم فى ايه يا سيدى عارفة اللى انت هتقوله رمضان جاى ويجب كذا وكذا

    لا لا استنى

    استنى ايه انا عارفة اللى هتقوله متخفش معاك للنهاية ومش هقول اعمل واعمل منا عارفة ده شهر كريم

    يا سيتى استنى

    طيب قول .


    اقوليك فى الاول صلى على نبى الله محمد صلى الله عليه وسلم .

    اللهم صلى على نبيا محمد صلى الله عليه وسلم .


    طيب الاول يا نفس انتى وراكى شىء عايزة تعمليه تاكلى تشربى .

    اه فعلا تصدق من الصيح وانا جعانة عايزة اكل يا سلام كمان شوية شاى وكمان ؟


    بس كفاية لا اكل ولا شرب ولا اى شىء

    ازاى

    زى الناس انا بكلميك من البداية واقوليك متيجى نتفاهم يبقى تنسى

    لا مش هنسى


    لا هتنسى مهو مش كل شىء هتخديه

    لازم يعنى

    ايوة لازم

    عايز ايه

    لا اتكلمى بزوق اسمها اتفضل منا سيبيك طول السنة كل الى انتى عايزاه بعمله صح

    اه والله صح انت ابن حلال مش مخلينى عايزة شىء حتى السهر على النت وبتبقى خلاص النوم ضرب من العين وبردو مش مخلينى عايزة شىء .


    طيب يعنى واخدة حقك تالت ومتلت

    ايوة

    طيب وحقى انا

    حق ايه منا انت وانت انا

    لا لا

    انت قبل النهاردة كنت نفس امارة بالسوء

    اليوم الى ما هو جاى ان شاء الله هتبقى مختلفة

    ليه بس الكلام ده هو انا قلت لك اشرب خمر قلت لك ازنى قلت لك امشى مع بنات قلت لك .

    استنى استنى انتى قلت وطلبتى وعملتى بطريقة مختلفة

    بقوليك ايه لاخر مرة بقولها تعالى نتفاهم

    شكلك ناويها احم احم

    اتفضل انا معاك شكل الموضوع جد


    ايوة طبعا

    تفتكرى رمضان اللى فات

    اه والله كان جميل طاعات وصيام وصلاة الحمد لله عملت اشياء كتيرة

    طيب تفتكرى ربنا قبل

    يا سيدى خليك حسن الظن بالله

    انا عارف بس هقوليك شىء بينى وبينيك

    فاكرة يوم ؟؟؟ لما كنت بصلى وفرحان ان الناس شيفانى وقلت كويس علشان يعرفوا انى بصلى القيام .

    متفكرنيش حسيت فعلا ان اليوم ده متقبلش

    طيب هل تعتقدى ان الرياء ده مكنش فى كل رمضان

    لا لا

    ايه اللى دراكى الله اعلم

    فعلا الله اعلم والحل ايه

    ايوة مش قلت لكى متيجى نتفاهم

    عارفة يا نفس يعنى ايه رمضان يعدى وتبقى قضيتى فرض بس واما يقبله الله واما لا يقبله

    اه والله ربنا يستر حاسة انى فعلا فى اوقات كتيرة رمضان ضاع منى بس استنى استنى

    محنا اهو كلها اسبوع ورمضان يجى


    لااااااااااااااااااااااااااااااااااااااااا

    ايه اللى دراكى ضامنة تعيشى لحد ما يجى
    لا

    ضمنة يجى وتخلصى فيه
    لا

    ضمنة يجى وربنا يعينك فيه
    لا

    طيب يبقى اول شىء ايه نعمله

    قول قبضت قلبى انا خايفة فعلا كفاية اللى حصل طول السنة

    اول شىء تندمى على كل معصية من اليوم مش من اول يوم رمضان

    ايوة ..

    مش عايز رد انتى اتكلمتى كتيررررررررررررررررررررررررررررررررررررررررررررررر رررررررررررررررررررررر

    اسمعى بقى عسى الله ان يعنيك

    حاضر

    التوبة على ما فات

    الندم على كل رياء فى اى عمل لله تعالى

    العمل على توخى الحذر فى كل الاعمال

    اخلاص النية لله محدش هينفعيك من البشر

    النهاردة بيعدى مش هيرجع تانى

    اثبات النية لله اتفقنا

    ندمت على ما فات ونويت واسال الله تعالى ان يكون عملى خالص لوجه الله تعالى

    جميل ربنا يهديك يارب

    والله انا عايزة ابقى كويسة وملتزمة لكن انت عارف ..

    لا لا انتى هتتحسبى هتتحسبى صح

    صح ربنا ييسر لنا الحساب

    ناوية على ايه الايام اللى جاية

    ان شاء الله تعالى من تلك الساعة ناوية على الاخلاص فى العمل وان يكون عملى بعيد عن عيون الناس

    ربنا يهديكى وايه تانى

    ايوة ايوة منا هقول اهو

    انتى منتش عارفة تقولى ايه علشان منتش متعودة على الافكار الخالصة لله

    انتى تفكرى حلو اوى فى المعاصى وترتبى ليها صح

    صح

    خليك معايا ربنا يهدينى انا هركز معاك

    اخبار الفضائيات ايه

    مش ناوية

    فى رمضان بس ولا فى كل الايام

    لا لا من النهاردة شفت انا معاك ازاى

    لا انا عايز عملى مش كلاااااااااااااااام انا زهقت منك كلام

    طيب يبقى من النهاردة بعد منخلص شغلنا نبعد عن الفضائيات والكلام ده علشان نتعود صح

    مينفعش ابقى متابع المعصية لحد يوم الرؤية

    مينفعش انى اقول هو بس يقولوا رمضان بكره وانا هقفل كل شىء نت وفضائيات وكلام مع بنات ونميمة وو ووو وووو

    صح

    صح والله المشكلة انى اتعودت على كده

    ايوة منا اللى دلعتيك

    يبقى الاخلاص فى النية

    ويبقى البعد عن المعصية من دلوقتى

    اه والله حاسة بالنية الصالحة ديه انى قلبى بدء يخف شوية مش عارفة القلب كان ماله

    اقوليك كان كله معصية ونواية سيئة

    اه ربنا يهدينى كمل معاك انا مشتاقة الى اللى جاي

    النقطة التالتة ان فى رمضان اى عمل بيبقى مضاعف صح

    ايوة صح انا فاكرة

    هو انتى نسيتى اساسا

    يبقى ترتيب الاوقات علشان نستفيد بكل ثانية من رمضان

    تعملى جدول للقران والاذكار والصلاة والقيام وخصوصا الصدقة

    صدقة منتا عارف ال.

    استنى عارف ايه

    جنيه فى اليوم هتحسى بيه

    ابدا ده جنيه

    لا احسنى النية الجنية لله سبحانه وتعالى وفى رمضان يبقى العمل مضاعف

    صح صح الجنية مش هيقلل وما نقص مال من صدقة


    والله كويس انك فاكرة حديث عن رسول الله صلى الله عليه وسلم

    معايا يا نفس ولا سرحتى

    لا والله معاك

    يبقى النقطة التالتة ايه

    الترتيب فى استغلال كل ثانية من رمضان صباحا ومساء

    ربنا يهديك يارب

    هات الرابعة

    انتى مستعجلة ايوة والله ياما كنت مستعجلة على المعاصى والافلام متفكرنيش

    وبعدين هقولك ومتزعلش

    لا قولى

    انت اللى عودتنى على كده فاكر لما .

    خلاص ومنا بصلح ما افسدته وعلى الله التوكل

    ها ايه الرابعة

    الرابعة فى رمضان البعد عن ابواب المعاصى وطرقها

    لا لا مش فاهمة منا قلت انى مش هعمل معاصى

    لا لا مش ده المقصود المقصود التفكير فى المعصية

    لان المعصية تاتى من التفكير فيها قبل وقوعها يعنى متفكريش انك تدخلى على النت وتقولى دنا بتابع المنتدى وفاتحة الياهو والمسنجر وتقعدى على النت بالسعات وتقولى ده المنتدى وبعدين فى الاسلاميات

    عندك موضوع هتنزليه اهلا هتقرى موضوع اهلا وبعدين بره

    لان انتى عارفة النت بياخد الوقت

    وطول منتى على بوابة المعصية زى النت واصحاب السوء الخوف انك تقعى فيها

    طبعا فاهمة

    ايوة ايوة فاهمة فعلا اكبر المشاكل عندى النت لانه بيبقى مستهلك للوقت كمان كنت زمان مبصدق ان الفطار يجى علشان لو حبيت اقول لصديقى كل سنة وهو طيب واعرف .......

    ايه استنى مهو ده اللى بقول عليه

    شوفى يا نفس

    اقسم بالله ان الايام لن تعود بنا لسابق عهدنا مع الله الا اذا استقمنا

    وما نتمسك به قول رسول الله صلى الله عليه وسلم ان الايمان يزيد وينقص فى القلب

    استغلى وقت رمضان لا شيطان الا انتى طبعا

    لا لا انا مش كده

    استنى بس مهو حجتيك متغلغلة

    يبقى الرك عليكى ان نويت سوء يبقى منك ها فهمانى طبعا

    ايوة ايوة

    الايمان يزيد وينقص وفى رمضان مفروض انه منحة من الله لكى ولغيريك

    وفيه يزداد الايمان

    عليكى بالعمل ليل نهار كى تعوضى ما فاتك من السنة

    يا نفس تذكرى ساعة الموت ان جاءت اليكى على طاعة وان جاءت اليكى على معصية


    وانتى محمولة على الاعناق وتقولى

    حملونى على الأعناق وينصرفوا
    ويتركوني في همي وعصياني
    يا نفس كم من مرات اسعدنى أن تتوبي وسرعان ما تحوى الاثامى
    آه من رفعة الأعناق ماذا أقول لكم عن أيام الهانى هوا العتمانى
    اعطونى ماء اسقوني فقد ظمئت من قلة الحسنات
    لا لا لا لا تتركوني وحدي انغمس من ذنبى في لحدي
    لا تغلقوا الأبواب عليا والجليس يكون عيوبي
    آه يا ربى ارجعنى اعمل صالحا فيما تركت
    كلا كلا كلا
    آه من الهوا والعصيان يا نفس تذكري وتوبي

    اه يا نفس اليوم عمل دون حساب

    وغذا حساب ولا عمل

    من يرى خيرا فاليحمد الله

    ومن يرى غير ذلك فلا يلومنا الا نفسه


    احباب رسول الله صلى الله عليه وسلم

    هذا جزء من كثير اذا جلس كلا منا مع نفسه وحدد لها ما يجب ان تعمله فى الشهر الكريم

    وحاسبها على كل صغير وكبير

    اللهم انى اسال ان تهدينى وتهدى الملسمين

    وان تبلغنا رمضان فى خير صحة نعبدك بها

    وتعنا عليه وتتقبله منا وان تجعلنا فيه من الرابحين لا الخاسرين


    جزاكم الله خيرا

    وصلى الله علي نبيا محمد صلى الله عليه وسلم

  2. #2
    تاريخ التسجيل
    Aug 2005
    الموقع
    فلسـ داريـ ودرب انتصاريـ ـطين
    الردود
    13,195
    الجنس
    أنثى

    حياكم الله أخي الكريم وبارك فيكم على هذه الوقفة المهمة واسمح لي بهذه الإضافة,,

    يقول جل وعلا : { يَا أَيُّهَا الَّذِينَ آمَنُوا اتَّقُوا اللَّهَ وَلْتَنظُرْ نَفْسٌ مَّا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ }.

    يقولُ ابنُ كثيرٍ – رحمه الله – في تفسيرِ قولِه تعالى : { وَلْتَنظُرْ نَفْسٌ مَّا قَدَّمَتْ لِغَدٍ } : (( أي حاسبوا أنفسَكم قبل أن تحاسبوا وانظروا ماذا ادخرتُم لأنفسِـكم من الأعمالِ الصالحةِ ليومِ معادِكم وعرضِـكم على ربِكم ، واعلموا أنه عالمٌ بجميعِ أعمالِكم وأحوالِكم ، لا تخفى عليهِ منكم خافيه )) انتهى كلامه رحمه الله .

    * ويترتبُ – كذلكَ – على ترك محاسبة النفس أمرٌ هامٌ جداً ، ألا وهو هلاكُ القلب ، هـلاكُ القلب ! يقولُ ابنُ القيّم – رحمه الله - : " وهلاكُ القلب من إهمالِ النفسِ ومن موافقتها وإتباع هواها " .

    وفي الحديث عن رسول الله صلى الله عليه وسلم قال(الكيس من دان نفسه، وعمل لما بعد الموت، والعاجز من أتبع نفسه هواها، وتمنى على الله ) رواه البيهقي والترمذي وابن ماجه.

    "عيوننا ستبقى دومًا صوب القدس والأقصى ولن تنحصر داخل حدود غزة، وإن مشروعنا المقاوم سيمتد كما كان دومًا إلى كل أرضنا المغتصبة إن عاجلاً أو آجلاً"
    الشهيد أحمد الجعبري-رحمه الله






  3. #3
    تاريخ التسجيل
    Jul 2008
    الموقع
    أترى تعود الدار تجمعنا كما كنا ..!!
    الردود
    1,928
    الجنس
    امرأة
    جزاااك الله خيرا

  4. #4
    تاريخ التسجيل
    Aug 2009
    الردود
    3
    الجنس
    رجل

    Arrow

    تعقيب كتبت بواسطة ..الغدير.. عرض الرد

    حياكم الله أخي الكريم وبارك فيكم على هذه الوقفة المهمة واسمح لي بهذه الإضافة,,


    جزاكى الله خيرا واضافة ممتازة اسال الله تعالى ان يجعلها فى ميزان حسناتك

    جزاكى الله خيرا

  5. #5
    تاريخ التسجيل
    Aug 2009
    الردود
    3
    الجنس
    رجل

    Arrow

    تعقيب كتبت بواسطة بقايـ ألم ــا عرض الرد
    جزاااك الله خيرا
    وجزاك الله خيرا كثيرا ان شاء الله

مواضيع مشابهه

  1. الردود: 64
    اخر موضوع: 18-08-2007, 06:37 PM
  2. " مايفعله الشيعــــة .. " متجدد " دمج مواضيع
    بواسطة omer_omer في الملتقى الحواري
    الردود: 159
    اخر موضوع: 29-03-2007, 03:31 AM
  3. شعار"موضوع متميز" كيكات جديدة مترجمة .. لكل من تحب التجديد "متجدد"
    بواسطة دوم مشغولة في الحلويات والكب كيك والكيك وحلويات العيد
    الردود: 75
    اخر موضوع: 22-03-2007, 06:51 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ