السلام عليكم خواتي
من كمن يوم .. طلبت منكم تساعدون في وضع لسته لمشتريات البيبي .. و ما قصرتوا .. اليوم احب اقولكم اني خلصت مشترياتي لهذا السبب حبيت اشارك بهذا الموضوع الجديد الي بعرض فيه لستة كاملة باغراض البيبي الي لازم اتكون متوفره قبل لا يجي .. و ان شا الله ايكون مرجع حق كل ام جديده و تذكره حق امهات قدام -مثلي-
اثاث الطفل :
********
سرير او سله
كرسي سياره
كرسي هزاز
طبعا في اشياء ثانيه مثل المشايه و المرجيحه هاي اشياء تقدرين تشترينها بعدين او ممكن تجيك هدايا
مستلزمات اخرى :
************
ملابس -سايز نيو بورن او 0-3
جوارب قطنيه و قبعة قطن
صدريات
اقمطة او مهادات
لحاف
فوط
اسفنجة تحميم
بانيو اطفال - انا ما اشتريته لاني افضل احمي البيبي في مغسلة الحمام بعد وضع فوطة عليها-
شامبو و صابون - افضل استخدم اثنين في واحد ، شامبو و غسول الجسم ، عشان ما اضيع الوقت افتح هاي العبوة و اسكرها و افتح الثانيه-
قطن - لوشن - بودر
حفاظات
ترمومتر لقياس حرارة الطفل
رضاعات صغيره ليس للحليب الصناعي و انما لعمل شاي اعشاب للطفل
مصاصه - انا من مشجعي اللهايه اذا الطفل تقبلها-
شنطة اغراض البيبي للطلعات
و اعتقد في اشياء ثانيه لازم بتشتريها بعد الولاده .. وقت الحاجة الها تتذكريها
ان شا الله تكونو استفدتو
رد مع الاستدلال
الروابط المفضلة