السلام عليكم ورحمةالله وبركاتة
ياسلام يا بنات ما فبه احلى من ان تشتغلين في بيتك بنفسك اولا انا ربة بيت وهذا الكلام ما ينطبق على اللى عندها وظيفه طبعا ولكن الان اكثر البيوت مليانه شغالات والام غير عامله عاد كل بيت وله ظروفه لكن انا اتكلم على اللي تقدر تستغني عنها
المهم يوم كانت الشغاله موجوده كان البيت نظبف بس سبحان الله ما ترتاحين عن نفسي لازم اغسل الاكواب والترامز احس فيه ريحه والمطبخ كمان مع اني احط لها الصابون والكلوركس بنفسي بس على قولة الوالده اكيد ترميه مع اني اجيب لها قفازات لان الكلوركس حار على ايديها الواحد يشوف نفسه حتى الحمامات اكرمكم الله مع اني اشوفها كل يوم تغسلهن لكن مهنا زود لانظافه ولاريحه بس خساير المويه والصابون والديتول وغيرها مع اني وراها وراها بكل شي ومع هذا كله انا اللي اطبخ واغسل الملابس يوم كانت فيه بس الظاهر العيب فيني يمكني موسوسه بس والله كل شغالاتي اللي اشتغلوا عندي كل وحده اروع من الثانيه وطيبات بس سبحان الله عجزت ارتاح والحين سفرتها من حوالي ثلاثة شهور وعلى حسابنا ولاهي باقي لها ست شهور .
الان الكل يلوموني ويقول رايح تتعبين ماتقدرين لان الفله كبيره ودوريبن وكلها رخام وسراميك ومليانه اثاث غير حق الزوج من زينه وكشخه ولبس وهذا كوم واولادك كوم ثاني
لكن يقلون هونها تهون توكلت على الله سبحانه في الاول مااخفي عليكم خبه ما يعلم فيها الا الله ما اقدر الحق على شئ يخلص شغل ويجي الثاني من الصباح الى الليل وانا على رجل والمضحك في السالفه ان الرجل معي من مكان الى مكان والله رحمته واخجلت على نفسي طبعا اول زوجته معاه دايما مقابلته ولبس وعطورات وبخور اما الان غبار وقمصان عاديه وحالتها حالهوبعدييييييييييييييييييين
تنبهةوقلت في نفسي ليش انا كذا وجلست افكر وخطرت في بالي فكره اني اوزع شغل البيت علي طوال الاسبوع وحطيت لي جدوال والله اني ارتحت مثلا الصاله والدرج السبت والثلاثاء يعني كل ثلاثة ايام اولا اكنسها وبعدين امسحها وترى يا بنات الكنس بالكهرباء بالنسبه الرخام والسراميك اروع وانظف لانها تشيل وتشفط الشعر والوبر والزغب والتراب بسهوله وبسرعه ومثلا الاحد مجلس النساء وتوابعه والاثنين مجلس الرجال وتوابعه وهكذا
الا اللي يستعمل يوميا مثل غرفة جلوس العائله الحمامات المطبخ وهذولي صار ما ياخذ من وقتي شي
والطبخ اسويه بدري ولا خلصت الحمد لله اخذت لي شور وناويه ان شاء الله كل ما فضيت اعمل اكله وافرزلها وان شاء الله ابرتاح اكثر لاجت المدرسه ما يردون من المدرسه الا وكل شئ جاهز ونظيف ومرتب حتى العشاء ابسويه واضعه في الثلاجهاذا صياني او فطائر او اي شئ خفيف ونصيحتي لكم اذا عندك وقت اقلي بطاطس باشكال مختلفه اقصد كبيره صغيره اعواد مستديره كل واحد في علبه وكذالك الباذنجان واقلي البصل شرائح وفرزليها للرز والكشري وبعض السلطات واعملي كشنةزبيب وصنوبر وفرزليها وكذالك الكشنه سويها اللي مكوناتها بصل وطماطم وبهارات وضعيها في اكياس صغيره وفرزليها كذالك الفاصوليا اقطعها اشكال مختلفه وافرزلها وماتخرب عن تجربه وايضا الفلفل الرومي الملون اقطعها مع بعض وافرزلها رهيبه مع الحشوات
غير الفطائر والمعجنات والصياني
والحين انا مرتاحه بالنسبه للطبخ نصف الهم انزاح ولله الحمد
والبيت نظيف والمطبخ والاواني مافيه ريحه زي اول والحمامات روعه نظافه وريحه مع اني والله بعض الاحيان ما اغسلها الا كل ثلاثة ايام وياخواتي غير الصرف اللي كنا نصرفه ايام الشغاله تجي وتقول مدام مافيه صابون مافيه كذا وكذا وكله كوم وخزان المياه كوم ثاني يشتغل مرتين باليوم بالصباح وبالليل وتكسير الاواني اه بس على اللي تكسر لا يعد ولا يحصى غير احتراق الاجهزه الكهربائيه وحكايته اخذ ذنبهن هذي لحالها.
والا لالبستي وتشيكتي وتعطرتي تجلس تطالع فيك من رجولك الى شعرك بس والله هي بشر ولها نفس ما لومها ههههههههههههه ان خلصنا من الشغاله ما خلصنا من البزارين ههههههههههههههههه العيال كبرت
بس ياختي انتبهي للشغاله واذا اخطأت تحمليها وراقبيها وخليك دائما
معها في كل شي وساعديها لاتقولين ماعندها شي والله تتعب ارحموا من في الارض يرحمكم من في السماء لا تعاملينها بعنف فصصصصصصصصصصصصغارك عندها الصباح وانتي في وظيفتك.؟؟
اعذروني للاطله بس حبيت انقل لكم حتى تستفيدون وارجوا انه ما يمر هالموضوع عليكم مرور الكرام خلوا له جانب من الاهميه
والله تعبت وانا اكتب مره ايدي واصابعي خلاص راحت فيها وادعوا لي تكفون ان الله ييسر اموري .وادعوا الله ان يكفي المسلمين شر بعض الشغالات . وان الله يوفق كل ربة بيت ويساعدها. ولا تنسي التوكل على الله ولاننسى وصيتة صلى الله عليه وسلم لفاطمه رضي الله عنها
والسلام عليكم ورحمة الله وبركاته.
الروابط المفضلة