وش اسوي مع زوجي متضايقة مرررة

[كويمسي]

صباح الورد
عندي مشكلة او بالاحرى مشكلتين بس بالاول بعطيكم معلومات عني وعن حياتي
انا متزوجة ولي 9 شهور وحامل بأربعة شهور وعمري 27 وزوجي عمرة 35 سنة وتزوجنا وخلال ايامة الخطوبة ولازلنا ولله الحمد نحب بعضنا كثير
المشكلة زوجي مايحب اروح لاهلي كثير مع العلم انو يعرف اني متعلقة فيهم وقالي اذا يجيكم احد من اهلك (عماتي ولاخالاتي ) بخليكي يومين تروحين من غير نوم طبعا (حسب رغبتة )
اهلي طيبين مررررررره ويحبونة بس مااعرف ليش يبعدني عنهم
وطبعا يتضايقون من سالفة الجيات القليلة وغير كذا مرات يقول خلي احد يرجعك تضايقني هذي السالفة
المشكلة الثانية : كنا بالبحرين انا وهو وراح لصديق لة برا المجمع وكلمني وطبعا انا خبرتة انو لقيت اختي وعماتي وبتمشى معاهم وسألني اجي قلت لاخلك براحتك لاتجي بتمشى معاهم
المهم قال طيب كلم بعدها وقال انتي وين قلت بالمكان الفلاني قلت بتجي ؟ قال لا او بشوف المهم ماشفت الاهو جاي قال يوه مادريت انكم تتعشون ؟ (يقصد انا وعماتي ) يعني بمطعم وش بنسوي ؟ المهم اخذني وهو فرحان جدا ودلعني بعدها
احبة بس ليش الشك ؟ وربي انو ماعمري شاف مني شي ؟ ويثق فيني بس حركتة قهرتني حسستني انو فية شي يفكر فية ؟
وش اسوي معاه محتارة جدااااااااااااااااااااااااا

[عنتره]

حسسيه بالثقه وانه مافي داعي للشكوك0وكان الله بعونك

صدقيني اختي اعذريه من كثر المشاكل الموجوده صار الواحد يخاف من ظله

[حـ عين ـور]

عادي بيتغير بعد شوي .. إنت اصبري , واعطيه الثقة .. وأبدا لا تظهري له إنك متضايقة من تصرفاته , والطرق الغير مباشرة حلوة في التعامل مع الأزواج , مثلا تذكريله إن أمك تمدحه وتحبه كثييير وكذلك عماتك , يحبونه ويفرحولك انك تزوجتيه , الرجال يحبون المديح .. ورب يحنن قلبه عليك وعلى أهلك , لا تتضايقي حبيبتي , هو يحبك وخايف عليك ..

[ام الحس وحص]

ابشرررراك واللة انى صادقة ان كل الكلام الى قلتية يدل على شى واحد بس توقعى وشووو ان زوجك يحب موووت ولا يقد يستغنى عنك ابد ويخا ف عليك وعند ك حاجة مميزتك عن غيرك انتى تعرفين وشى انا اقوالك من واقع تجربتى واحمدى ربك على ها النعمة كثير رجا لهم يملون منهم ويبغون يتخلصون منهم ويتركون زوجاتهم عند اهلهم بالايام بدون ما يسال عنها

[صدى الجرووووح]

مرحبا خيتوووو
كيف حالك الحييين ؟
المهم انا ماتزوجت بس من واقعنا وسوالف قريباتي لي اخذت دروس واتمنى افيدك ؟!
شووووفي ياقلبي كلميه عن ماضيك انتي وصديقاتك وقولي ان حنا معروفين بالمدرسه والجامعه بشله العاقلات و- و - و000 وانتي وشطارتك فهميه انك متربيه عاقله واخذك عاقله وانك تحبيه وانه هواك اللي تتنفسينه وخطبوك كثار بس قلبك ماحب الا هو خليه يطير من الوناسه 000
وووبعدين ياقلبي لازم احكيك بصراحه انتي غلطتي بشي واحد لمن خبرتيه انك بتتمشين مع عماتك وقالك بجي قلتي لا !! بالعكس كان قلتيله يجي اولا عشان يقطع الشك باليقين ثانيا عشان تزين علاقته بأهلك ويخليك تروحين لهم كثير بعدين ياغاليه واضح من كلامك مايخليك تروحي لأهلك مو كرها فيهم وعناد لك بس لأنو يحبك حيييييييييل ومايقدر يستغني عنك احمدي ربك عالنعمه وربي وحده من قريباتي 24 ساعه راميها في بيت اهلها لمن مره دقت عليه وانا عندها قالت تعال خذني معك للبيت قال لا انا بالدوام قالتلي معليش توديني انتي واخوك لبيتي لأنو عندي غسيل وكوي المهم وصلتها لبيتها على مسافه طريق بيتنا توني داخله الا الثابت يرن وارد الا هي تصييييح وتشاااهق تقول لقيته بالبيت نايم !!
معناها انو مايبيها يبي يفتك منها بأي طريقه والله ضاق صدري عليها 000
آسفه عالاطاله بس حبيت افيدك الله يخليه لك ويسخره لك حبيبتي 000

[المرج الوردي]

حبيبتي ااكد لك حب زوجك لك لانه بيخاف عليكي و بعدين شوي شوي على نفسك انت في الشهر الرابع يعني فتره الوحام
و صدقيني ما دل على عدم ثقته فيكي بل حبه لك وصله للشك
هذا ما عندي و الله يتمم حملك على خير

[عنتره]

الخوف على الزوجه حاليا له مبرراته

[rosary]

ماشالله هذا يدل على انه يحبك ويخاف عليكي ويمكن مايوديكي بيت اهلك
ترى ممكن يستحي منهم او خاف يخليكي عندهم واهلك يقولون تزوجها ويتركها عندنا ترى عادي كل رجال وتفكيره
واقولك نصيحه مني لاتنسينها انا محد قالي بس تعلمتها من نفسي
اني ماقوله عن قصص فيها الرمرا خانت زوجها او ............يعني من هذا القبيل والله صدقيني بتاثر عليكي سلبا والله من واقع تجربه معا انه يثق فيني بس احيانا بصير الرجال كانه بزر خخخخخخخخخخخخخخخخ
مادري ليه لازم تسايسينه
حبيبتي معليه استحمليه كلها سنه سنتين ويبطل هالحركات بس اول شي بعدين خلاص
زيي انا كنت ماتذمر كثير ولا اشكي لاحد والله كنت مستحمله تصرفاته واسمع كلامه وانا كلمته الي تمشي لاني عارفه كلها سنه سنتين بعدين خلاص الحين حتى يخليني اطلع معا اهلي او جارتي للسوق عادي
والله يوفقك ويتمملك حملك حبيبتي
اتمنى اكون افدتك حبيبتي

[angel_81]

حبيبتي ربنا يدهيلك جوزك ويسخرله ليكي

[angel_81]

حبيبتي ربنا يهديلك جوزك ويسخرله ليكي