محتاجة نصيحة فى اختيار شريك الحياة!!

[jossi16]

السلام عليكم انا بجد حاسة انى هلاقى النصيحة اللى ممكن تساعدنى فى اختيار شريك حياتى,محتاجة ناس عندها خبرة و حكمة تنصحنى و تنصح كل بنت مقبلة على اختيار شريك عمرها و حياتها؟
محتاجة اعرف هل ممكن الواحد يرفض انسان فى مميزات كتيرة عشان هو معندوش حسن استماع ؟بصراحه هى دى مشكلتى و كمان عايزة اعرف هل الزواج فيه تضحيه؟هل البنت تتزوج اللى يحبها اكتر(خدي اللى يحبك و متخديش اللى تحبيه)دة طبعا مثل قديم؟هل الاختيار له معايير اختار على اساسها ؟طب ايه هى اهم المعايير ؟ياريت كل واحدة تتكلم فى الموضوع دة و نخلى مابينا مناقشة تساعدنا على ان احنا نفهم كيفية اختيار شريك الحياة؟

[Nonaty]

السلام عليكم ورحمة الله وبركاته
المعايير موجوده فى ديننا الذى
والله ما دمنا بعيدين عنه لن نفلح
والسعاده كلها فى قربنا منه
للانثى :
فعن أبي هريرة رضي الله عنهقال: قال رسول الله صلى الله عليه وسلم: "تنكح المرأة لأربع لمالها ولحسبها وجمالها ولدينها فاظفر بذات الدين ترتب يداك".
رواه الجماعة إلا الترمذي
الذكر:
اذا جاءكم من ترضون دينه و خلقه فزوجوه

اظن هذه هى المعايير التى يتم على اسسها الاختيار
والسعاده كلها بالقلب ودائما فى طاعة الله
اذ كل منهم اراد طاعة الله
فيرفرف الهدوء والسكينه والموده على المنزل

[lovely_maro]

أصلاً إنت إزاى بتتكلم على إنك بنت ؟؟؟؟؟؟؟؟
و إنت أصلاً ولد ..
على العموم أنا رأيي إن المهم الدين و الأخلاق أهم حاجة يكون هو أو هى ملتزمين علشان يريحوا بعض
لكن الحب و الشكل و الحاجات دي مش مهمة في الزواج خالص
دة رأيي لو هما على دين سليم هييجي الحب بعد كدة و المعاملة الطيبة

[jossi16]

مرسي يا nonanty كتيييير على رأيك لأن فعلا الدين و الاخلاق هما اهم حاجة و هما الاساس اللى ممكن تتبنى عليه أى علاقة و كمان انا اكتشفت ان الرضا شىء مهم جدا جداااا!!!!

و بالنسبة ل lovely_maroانا عايزة اقولك مبدئيا انى بنت و مش ولد و عضوة جديدة فى المنتدى بس انا رأيى ان الحب مهم او مش الحب بمعنى الحب بس مهم يكون فى تجاوب عاطفى يعنى بداية حب لان المشاعر مهمه برده و مينفعش نتجاهلها!!! و الشكل برده مهم لان كل واحدة لازم من الاخر جوزها يملى عنها عشان تبقى مستكفية بيه...........

[jossi16]

هو انا يا جماعه عضوة جديدة و مش عارفة اغير ازاى من male to female

[* اليازية *]

وعليكم السلام ورحمه الله وبركاته

أسعد الله مساكِ بك خير غاليتي jossi16 ...
يشرفنا إنضمامك لباقة منتدى لكِ الفواحة ...
وإن شاء الله تقضي معنا أوقات سعيدة ومفيدة ...

غاليتي jossi16 ...
حسن أختيار الزوج و الزوجة مطلب أساسي لإستقرار وسعادة
الحياة الزوجية و الشرع الحكيم أرسى لكل من الفتاة و الشاب
قواعد ثابتة وراسخة يتم على إثرها أختيار الزوج و الزوجة ...
قال صلي الله علية وسلم ...
( إذا جاءكم من ترضون دينة وخلقة فزوجوة )

من خلال هذا الحديث يتضح أن أساس إختيار الفتاة لشريك حياتها
يكون مبني على أساس إلتزام الشاب بالدين وتمتعة بحسن الخلق ...

غاليتي jossi16 ...
إذا وجدتي هاتان الصفتان متوفرتان في شريك حياتك
يأتي بعدها النظر إلى درجة التفاهم و التوافق
و الإنسجام الفكرى و النفسي ...
وهذه الأمور يتم التعرف عليها في فترة الخطبة طبعاً
مع وجود محرم حيث من المحرم أن يختلي الخطيب بخطيبته
أو يخرجان أو يجلسان مع بعض من غير محرم ...
فإذا أرتأيتي أن هناك نوع من التفاهم و الإنسجام و التقارب
فعندها يكون هذا الشاب مناسب لك كشريك لحياتك ...

ولا ضرر من وجود بعض الإختلافات البسيطة بينك وبين شريك
حياتك فطبيعة المرأة تختلف إختلاف كلي عن طبيعة الرجل
كما أن هناك إختلافات نفسية و سيكلوجية بين الرجل و المرأة
وهنا يأتي أهميتة التعرف على شخصيتة الرجل و دراسة تركيبتة النفسية ...

الزواج لا يبني فقط على الحب فإلي جانب الحب الحياة الزوجية
محتاجة الي الحكمة و رجاحة العقل ليحقق توازن الحياة الزوجية
وإستقرارها ...

كما ان الزواج لكِ ينمو ويستمر يحتاج إلى التضحة و الإيثار و الوفاء
والصدق و الإخلاص والمودة والرحمة ...

أسأل الله تعالى للجميع حياة زوجية سعيدة ومستقرة ...

ملاحظة ... غاليتي jossi16 أتمني منك أن تغيري نوع الجنس
من ذكر إلى أنثى لتتفاعل معك الأخوات بصورة أفضل ...

[* اليازية *]

هو انا يا جماعه عضوة جديدة و مش عارفة اغير ازاى من male to female

غاليتي jossi16 ...
إذهبي إلي أعلي الصفحة و إختاري تحكم العضو وستظهر لك صفحة تحوي الإعدادات والخيارات
إختاري تعديل الملف الشخصي ثم إذهبي إلى الجنس ذكر أو أنثي و أكتبي أنثي ثم إضغطي على حفظ التغيرات ...

أتمني أكون أفدتك يالغالية و إذا تعذر عليكِ الأمر أنا مستعدة أشرح لك تاني ...

[jossi16]

متشكرة اوى على تعاونكم معايا و مشاركتكم ليه و انا خلاص غيرت نوع الجنس ,,,متشكرة اوى اوى

[noran5]

و عليكم السلام ورحمة الله وبركاته


أختي العزيزة ... jossi
أهلا بك و مرحبا بيننا
مفيدة و مستفيدة باذن الله

محتاجة اعرف هل ممكن الواحد يرفض انسان فى مميزات كتيرة عشان هو معندوش حسن استماع ؟

حبيبتي عيب عدم حسن الاستماع عند المرء ..هو عيب مؤقت و ليس دائم
و مع تغير ظروف الحياة ..تتبدل هذه الصفة ..تقل أو تختفي تماما
فالزواج ارتباط و ثيق و لا يمكن لطرف أن يعيش دون ان يستمع للطرف الآخر
لا تتخذي من ذلك سببا في رفض اي شخص
يتحلى بالمميزات الأساسية الأخرى

أما عن اختيار الزوج الصالح فقد حدده الرسول الكريم صلى الله عليه و سلم
بمن يتحلى بالدين و الأخلاق
ثم تأتي بعد ذلك الراحة النفسية تجاه هذا الشخص و الشعور بالقبول و الرضى
,,, و ذلك يحدث اما يوم الرؤية الشرعية
أو بعد ذلك في ايام الخطبة

أما المميزات المادية ... فلا ترتكني عليها كثيرا
فالرزق بيد الله وحده ... يرزق من يشاء و بعز من يشاء و يذل من يشاء

وقد قال الرسول الحبيب صلى الله عليه و سلم
(( خذوهم فقراء يغنكم الله ))

يكفي ان يكون لدى الشاب المتقدم ما يؤهله لفتح بيت و الصرف على زوجة
مع ما يلزم من أجل اتمام الزفاف حتى لو تم ذلك في أضيق الحدود الممكنة

اما الشكل و الحسب و النسب فهذه أمور ثانوية
اذا ثوفرت كان خير و بركة
اما اذا لم تتوفر فالدين و الأخلاق كافيان لاتمام هذه الجزئية في أي شاب


أسأل الله لك و لكل فتيات المسلمين التوفيق و الزوج الصالح

[jossi16]

متشكره اوي على اهتمامك بالرد على الجزئيه دى عشان فعلا كانت محيرانى و انا فعلا اقتنعت باللى قولتيه بجد كلامك جميل يا نوران و خلاني افكر بشكل مختلف و اكتشف حاجات مهمه اوي مش المفروض اني اتجاهلها و جميل اوي حديث الرسول صلى الله عليه و سلم وبجد دة احسن كلام سمعته و اقتنعت بيه من قلبى وفعلا انا لقيت اللى انا كنت محتاجه هنا معاكوا لقيت وفيه حاجه بتقول استخيروا و استشيروا و انا استخرت و استشرتكم وبجد و لتانى مرة مرسي اوىىىىىىىىىىىى