..ساعدوني في إنزال الموضوعات واي شيء على جوالي..

[فرولاية جده]

السلام عليكم ورحمة الله وبركاته
كيف الحال والأحوال


ابي مساعده هذا شكل جوالي



ودي انزل موضوعات لان الموضوعات الي بالجوال مو حلوه
وفي الجوال مكتوب التنزيل بس مااعرف كيف
وجربت ارسلت ثيم بالبلوتوث على جوالي جاني كــ صوره

وصراحه انا ابغى استفيد من مميزات الجوال دا
اشتريته اول مانزل بس مااعرف ايش الي اقدر انزله عليه
لاني بعد مااشتريته اكتشفت ان ماتنزل عليه برامج
والصوتيات نزلتها بس طبعا لازم بصيفة MP3

يعني الي عندها زي دا الجوال لو سمحتوا تفيدني بكل صغيره وكبيره فيه


مع شرح مبسط عشان افهم
ولو فيه برنامج مثلا لازم انزله على الكمبيوتر ويسهل نقل الأشياء على الجوال


أكوون شاااكره لكم

انتظركم على احر من الجمره

أختكم..فوفو..

[كويتي]

السلام عليكم ورحمة الله
إختي الفاضلة
فرولاية جده
جوالج هذا موديله 6270
وممكن تنزيل أي موضوع تبينه له ويتثبت مثل أي برنامج
ممكن اللي أرسلتيه له مو موضوع
إذ لو كان موضوع كان أول ما تفتحين الرساله راح يطلب منك التثبيت
عموماً
شنو تحتاجينه الحين غير الموضوعات؟
شنو الأسئله اللي في بالج تبين تعرفينها عن جهازج؟
أما بالنسبة للموضوعات فشبكة الإنترنت تكاد تغص من كثرتها وفيها الغث والسمين
وتفضلي هذه مجموعة من الموضوعات الإسلاميه
http://www.islamicmobile.net/ThemesA.htm
نزلي الموضوع اللي تبينه وثم سويله تثبيت على جهازك وذا سألك وين تبين تحفظينه إختاري الممري كارد حتى لا تثقلي على كاهل ذاكرة الهاتف

ولأي سؤال لا يردك إلا كيبوردك
والسلام عليكم ورحمة الله وبركاته

[كويتي]

لاني بعد مااشتريته اكتشفت ان ماتنزل عليه برامج

عفوا منو قالج هالكلام؟
خطأ هالكلام
بل ممكن تنزليله أي برنامج من البرامج المتوافقه مع الهواتف الذكيه
أخشى أن يكون هناك خطأ ما في التنزيل أو الإرسال للجوال وهو اللي قاعد يسببلج عدم القدره على تنزيل البرامج والثيمات

[مزون البحر]

هلا والله فوفو الغالية ,
أول ما شفت الصورة للوهلة الأولى حسبته زي جوالي لكن دققت فيه طلع مو مثله , يمكن ابن عمه .
ههههههه.
أختي أنا بعد تواجهني مشكلة مع بلوتوث الجوال بعض الملفات ما تنفتح عندي يقول لي صيغة الملف غير مدعومة,
مع انها تنزل عند غيري , ولو أرسلتها لغيري توصل !!
مدري شالسبب ؟
والله مثلك ودي أستفيد من ميزات جوالي , لكن شوي تعبانة معاه .
بس مستنية أخوي يجي من السفر , ويساعدني فيه .


عالعموم فوفو , والله دخلت قلت يمكن أقدر أساعدك ,
لكن طلعنا في الهوا سوا ..
بس أقلها خليتك تعرفي إنه في وحدة غيرك تعاني زيك ..

(والله وحشتيني , وان شا الله اشوفك السيميستر الجاي في الجامعة , ترى سيميسترين واتخرج ان شا الله )

[فرولاية جده]

الأخ الفاضل
كويتي
ممكن تقلي كيف انزل موضوع لاني دخلت على الرابط الي اعطتنيه هو وحفظت الثيم الي ابيه على سطح المكتب نزل في الكمبيوترعلى شكل صوره ويوم أرسلته بالبلوتوث على جوالي جاني كــصوره وعادي استقبلت كــرساله وماقالي لا تثبيت برنامج ولا يحزنون

الي قالي انه ما تنزل فيه برامج لانه مافيه برنامج الريل بلير ودامه مو موجود قالوا لي ما تنزل عليه برامج
ياليت توضح لي كيف انزل اي برنامج على الجوال

وتشرح لي طريقة انزال الثيم على الجوال


مزووونه هلا والله
لا ياقلبي انتي جوالك شكله انعم من جوالي وانسيابي اكثر من يوم ماشفته قلت عنه كذا

(والله وحشتيني , وان شا الله اشوفك السيميستر الجاي في الجامعة , ترى سيميسترين واتخرج ان شا الله )

وإنتي اكثر ياحلوه

ان شاء الله نتقابل
وربنا يوفقك وتتخرجي وتفرحي بنجاحك وتخرجك

[حكايا المطر ~]

فرولايتي يسعدلي ألبك يالغلا ..

لقيت شرح بأحد المنتديات ..مادري أذا يفيدكِ أولا ..

تفضلي عيوني ..


لما رأيت من استفسار الكثير عن طريقة تركيب الثيمات والبرامج من الكمبيوتر الى الجوال حاولت بمجهود بسيط شرح وتوضيح الطريقة حسب معرفتي المتواضعة..

بالامكان نقل الملفات من الكمبيوتر الى الجوال والعكس عن طريق ثلاث طرق..
1- الوصلة العادية التي تصل الكمبيوتر بالجوال مباشرة..
2- وصلة البلوتوث..او الانفرارد..(Ir)
3- عن طريق card reader باستخدام الذاكرة..

غالبا نقوم بالضغط على الملف المراد ارساله بزر الماوس الايمن ثم ارسال الى..
وعلى حسب اين نريد ارساله..الى الجوال مباشرة او عبر البلوتوث او عبر الانفرارد او الى الذاكرة..

الان سأقوم بشرح طريقة تثبيت البرامج والثيمات عن طريق مدير الملفات..
والطريقة التي استخدمها لارسال الملفات هي الذاكرة..

أولا..
يجب أن يكون عندك جهاز قارئ الذاكرة card reader وتقوم بادخال ذاكرة الجوال فيه..(نفس طريقة الفلوبي ديسك تقريبا)..
وهذا احد اشكال الجهاز..


وهذا شكل الذاكرة..



بالنسبة لأجهزة اللاب توب او بعضها لاداعي لشراء الجهاز فقد يكون باللاب توب نفسه فتحه للذاكرة..

بعد تحميل الملف من الانترنت نقوم بفك ضغط الملف ثم ارسال الملف بامتداد sis الى الذاكرة..كما في الصورة..



ثانيا..
بعد ارسال الملف الى الذاكرة نقوم باخراجها من المحرك وادخالها من جديد بالجوال..
ثم نتجه الى ادوات..



ثم م الملفات..(مدير الملفات)..


ثم الى الذاكرة ونبحث عن الملف المراد تثبيته..


ثالثا..
بعد تحديد الملف نقوم بفتحه..


رابعا..
سيظهر لنا تحذير الحماية اضغط نعم لاكمال التثبيت..


نعم ايضا..


تثبيت..اضغط موافق..


خامسا..
حدد الذاكرة المراد حفظ البرنامج او الثيم فيها..ويفضل اختيار الذاكرة الاضافية..وليست ذاكرة الهاتف حتى لاتسبب بطء الجهاز..


وبعد ضغط موافق..سيبدأ التثبيت..


سادسا..
بعد انتهاء التثبيت..في حال اذا كان ثيم..اذهب الى الموضوعات..


وابحث عن ملفك الذي قمت بتثبيته..ثم اضغط تطبيق..


وبس..




بالنسبة للوصلات البلوتوث والانفرارد..
ستصلك رسالة على الجوال بعد ارسال الملف..افتحها..سيظهر لك تحذير الحماية..
وابدا من الخطوة الرابعة من الشرح..

واذا كنت تثبت برنامج بعد الانتهاء من التثبيت ستجد البرنامج في القائمة الرئيسية..

اتمنى اكون وفقت في الشرح..

[همسات جرح]

فرولاية
شكرا لك موضوعك جيد


يعطيج العافيه حبيبة القمر

انا مبهدله بروجي مادري شلون ادز المقاطع له

حتى الصور صورت خواني وابي انزلهم وماعرفت



مزون البحر بعد انا مبايلي مايدعم المقاطع الكبيرة يقلي مافيه مكان


كويتي

لاتزعل شكرا لك

[كويتي]

الأخ الفاضل
كويتي
ممكن تقلي كيف انزل موضوع لاني دخلت على الرابط الي اعطتنيه هو وحفظت الثيم الي ابيه على سطح المكتب نزل في الكمبيوترعلى شكل صوره

آهااا
أظن أني عرفت الخطوه الخطأ التي تعرقل الموضوع
إنتي شلون تحفظين الثيم؟
تحطين الماوس على صورة الثيم وكلك يمين ثم (حفظ الصورة بإسم ) ؟
لا لا لا لا
هالطريقه غلط

الطريقه الصحيحه هي :
تضغطين بالماوس كلك يسار راح يفتحلج مربع كالذي يظهر عندما تحملين أي برنامج للكمبيوتر وفيه الخيارات الثلاثة ( حفظ - فتح - الغاء ) إختاري حفظ

سيبدأ شريط التحميل بالإزدياد

عندما يكتمل التحميل ستجدين الثيم قد تحمل في كمبيوترك على شكل أيقونه لا يدعم صيغتها الكمبيوتر ( غالبا )

قومي بإرسال الثيم لجوالك
إفتحيه
سيطلب منك التثبيت
وافقي
سيقول لكِ أن المصدر غير موثوق
وافقي على التثبيت
سيسألك : أين تريدين التثبيت؟
اختاري ذاكرة البطاقه
بعد انتهاء التثبيت اذهبي للموضوعات في جوالك ستجدين الثيم معاهم
جربي وأخبرينا مالذي يحصل

[كويتي]

لم أرى رد الفاضلة حبيبة القمر إلا بعدما أدرجت ردي السابق
والشرح ممتاز وواضح
ولكن طريقة إرسال الثيم أو البرنامج على شكل رساله عن طريق البلوتوث أو الإنفرايد أسهل بكثير فلا حاجة حينئذ للدخول لمدير الملفات أو البحث عن الملف المرسل
لكن بمجرد فتح الرسالة المرسله للجوال بالبلوتوث ستبدأ عملية التثبيت مباشره

[تحايـا القلــب]

وعليكم السلام ورحوة الله وبركاتة

انا جوالي يشبه جوالك فرولاية ...ولد عمه ورقمه 6280

وعندي فيه مشكلتين الأولى مثل مزون ...صيغة الملف غير مدعومة مع انها تشتغل عند كل الناس

والثانية انه لما ارسل له ملفات من نوع 3pg

تشتغل تمام وصوتها واضح

لكن الملفات الصوتية من نوع mp3 ,,, amr ,,,او اللي اسجلها بالجوال

تشتغل بس صوتها يكون جدا واطي يا دوب ينسمع ...ولما ارسلها لجوالات ثانية ...يصير الصوت عالي مرة

مدري ايش المشكلة هبل فيني