السلام عليكم حبيباتى
انا هالة من مصر فى منكم اكيد فاكرنى و اللى ناسينى عنده حق لانى مادخلت من مدة طويلة
انا فكرت اعمل عملية شفط دهون و بالفعل روحت للدكتور اللى صحبتى عملت عنجه و اتفقت معاه و طلب منى تحاليل عملتها و يوم العملية روحت و هو اتاخر حوالى ساعة فى الساعة ديه انا نفسيا ادمرت و كان فى سكرتيرة هناك و حدة من الاخر ماقدرش اقول عليها الا انا زبالة / جت تاخد المقاسات بتاعت جسمى و قعدت تستعبط و تعيب المهم انا كبرت دماغى منها علشان ماتنرفزش عليها و ضغطى يعلا قبل العملية المهم جه الدكتور بس للاسف فى نفس الوقت اللى كنت قررت فيه انى مش هعمل العملية و قلتله مش هعملها و مشيت انا و اختى و صحبتى
المهم انا وقتها كنت نفسيا ذى الزفت
و بعديها بحوالى اسبوعين شوفت وحدة صحبتى و بالصدفة فتحنا الموضوع و قالتلى على دكتور بيعمل حقن الميزوثيرابى و قالتلى ان فى بنوتة عملت الحقن ديه و خست و بقت 70 كيلو
توكلت على الله و روحت للدكتور يوم السبت اللى فات
ادانى نظام رجيم مش صعب و قلى على حقن الميزوثيرابى المهم قلى خلال 3 شهور هبقى حاجة تانية
النهاردة السبت روحتله قلى خسيتى 2 كيلو و نص( ده بالرجيم بس ) انا هعمل ميزثيرابى على البطن و الجناب و بعدين الدراعات
و عملت اول حقنة ميزوثيرابى النهاردة على البطن و حط فيها ابره تانية علشان تشد الجلد علشان الترهل
اللى حسيت بيه / حرقان بس خفيف جدا جدا جدا جدا انا سمعت ان بيكون فى حرقان اكتر من كده
بطنى احمرت شوية و حاسة انها تقيلة و طبعا حاسة بورم
الدكتور قلى ان كل ده هيروح بعد يومين بالكتير وادانى كريم علشان يقلل الورم بس انا حاسة انى مش هحتاجه
انا هكتبلكم كل جلسة ايه اللى بيحصل و النتيجة ايه
انا بفكر اعمل جلستين فى الاسبوع علشان الواحد يخلص بسرعة ههههههههههههههههه
ادعولىىىى يا بنات ده اخر امل ليه
النهاردة عملته فرى داى
بكرة الاسبوع التانى و اللى منكن عايز نظام الرجيم بتاعه يقلى و انا هنزله
باى مؤقت
الروابط المفضلة