....(حلقة جديدة )....
السلام عليكم ورحمة الله وبركاته
اخوتي.. واخواتي العزيزات ..
هذه السلسلة هي عبارة عن مشكلات وصلتني عبر البريد الخاص ..
تطرحها صاحبتها بين ايديكم ..
تطلب رأيكم ومشورتكم ..
فكونوا عوناً لها ...ولا تبخلوا برأي او مشورة ...
.....وتذكروا ....
ان الله في عون العبد ..ماكان العبد في عون اخيه ..
,;,;,;,;,;,;, اليكم المشكلة ,;,;,;,;,;,;,
....كلام زوجي يجرحني ...!
زوجي دائما يتكلم عن الزوجه الثانيه وانه موضوع هين وليش المرأه ما تأيده...
بدأ يتكلم في هذا الموضوع بعد 7 سنين من زواجنا ومازال يتكلم..
انا في السبع سنين هذي كنت اثق فيه ثقه عمياء...حتى لو ابوي قالي زوجك شفناه مع وحده...ما كنت راح اشك في علاقته فيها..
لكن الحين اتخيله كل يوم انه راح يصدمني بالخبر!
مع انه إذا جات لحظات الود والحنان يقول انا مستحيل اسويها ...بس احب اعاند انرفزك
لكن لما يتكلم في الموضوع ...احاول اكون هاديه...وساعات اقول كلام اندم اني قلته..
مثلاً اخر المواقف قبل كم يوم ...
جلس يتكلم على نساء من جنسيات ثانيه ...ويمدح فيهم وفي طريقة كلامهم ...قلتله حتى انا والله يعجبني طريقة كلامهم حتى على رجالهم مو حريمهم بس...
قام هو تنرفز...قال خلاص يعني تبغيني اخليك وتروحين تتزوجين منهم ....!
بعدها قام من الجلسه وشكله بغى يقلبها نكد...بس انا على طول حاولت امشي الموضوع وكأن شئ لم يكن
وتندمت اني قلت هالكلمتين...مع انه من الصباح قاعد يتكلم ويجرح فيني وانا ساكته
كلامه كله احسه جروح ...واحسه يأثر على علاقتي وثقتي فيه...ويخليني افكر في المستقبل
مع ان الناس تشهد بإنه مافيه زيي في معاملتي لزوجي....وكل البنات يقولون بياخذون بناتي لاولادهم عشان يكونون زيي لزوجي
وبين الاهل معروفه محبتنا لبعض وان كل واحد منا ما يقدر يعيش عن الثاني لحظات...وهو إلى الان يقول هالكلام...بس ايش وجهة نظره( يقول ابغى الكل يعرف ان الواحد مو معناها انه ما يتزوج على مرته إلا لأنها مقصره في شئ...وإلا لأنه عنده قدرة زياده...لكن عشان بنات الناس حرام قاعدين بدون زواج)..
طيب ولا راح يثبت للناس هالكلام الا زوجي !...ويحسب ان الناس بيقنعون لو سواها..
واللي يسمعه يقول فاضي ..المشكله انه دكتور ومايرجع الا الساعه 7 مساءا..ومن النوع اللي ما يحب المسؤلية.. وانا ماني مقصره عليه بالعكس هو اللي مقصر عشان انشغاله ...
هذا فيض من غيض لو حكيلكم النقاشات اللي تصير معاه في هالموضوع كان ارتفعت ضغوطكم...لكن ما ابغى ارفعها...
يمكن انا مشكلتي ما تعتبر مشكله ..بس احتاج الى مشوره والى أرائكم......وانا من زمان اتمنىاحد يشاركني في هذا الموضوع...
الروابط المفضلة