كيفكم يا صبايا ان شاء الله الكل بخير يا رب
بما انه عنا اطباق مقدسيه اتصلت على صديقتي سمر وطلبت منها وصفات خاصه باهل القدس بما انها قدسيه اصليه
بحب اشكرها كتير لانها ساعدتني في هذا الموضوع
اول طبق كان المحلايه المقدسيه
ومن هذا الركن كانت الانطلاقه
http://www.lakii.com/vb/a-143/
المحلالالالالالالالالالالايه
المقادير
3 كاسات سميد طبعاً انا بستعمل كاس العيار
6 كاسات قطر
300 غم جبنه حلوه
لوز
صنوبر
نصف كاس زيت مازولا ولا تنسو بكاس العيار دائماً
الطريقه
ضعي الزيت في وعاء على النار واضيفي السميد
ابقي حركي الخليط باستمرار حتى يتغير لونه الى اللون البني تقريباً رح يوخذ منك وقت بس لاتملي طولي بالك بطلع ازكى
اضيفي القطر ونزلي درجة الحراره لانه رح يطرطش مثل ما شفتو عندي الغاز صار ما شاء الله
جركي حتى تنفش حبة السميد
اضيفي الجبنه المحلاه المفتته
حركي حتى يغلي المزيج جيداً وتسيح الجبنه في الخليط
صبي المحلايه في اطباق صغيره
زينيها باللوز والصنوبر
قدميها ساخنه أو بارده كتير طيبه
واذا ضل لثاني يوم مش مشكله كتيررررررررر طيبه
هالوصفه رائعه يا سمر تسلميلي حبيبتي الف شكر
ان شاء الله تعجب الصبايا مثل ما عجبتنا وبارك الله بك
لتحضير القطر أو الشربات
يجب ان تكون مقادير السكر والماء متساويه
يعني لو وضعنا 4 اكواب من السكر نضع 4 اكواب من الماء ومع عصرة ليمون نترك المزيج بعد الغلي على النار يغلي 10 دقائق على نار خفيفه
والمكيال للمحلايه يجب ان يكون بعد اعداد القطر والانتهاء منه
الروابط المفضلة