• يتجوز واحده عاقله و مثقفه .. يقولها العلم عمره ماكان مهم للبنت.. اهم حاجه انها تكون ست بيت .
• يتجوز واحده ست بيت .. يقولها خليكي انتي بس في الطبيخ بتاعك ياختى..معندكيش اي حس ثقافي ولا بتعرفي تتكلمي غير في الطبخ !!
• اشتغلتي .. يقولك مش مشكلتي انك بتشتغلي محدش طلب منك .. أنا اللي اعرفه اني جاي من بره تعبان وعايز كل حاجه تكون جاهزه
• قعدتيله في البيت .. هيجي من بره يقولك .. انا طول النهار طالع عيني .. وانتي قاعده هنا في التكييف .. هتحسي بيا ازاااااااي يعنى حضرتك . خليكي كدا مأنتخة وانا طالع عيني
• اهتميتي بيه وأخدتي بالك منه .. يقول دي خانقاني ومش عارف اخد راحتي منها .
• سبتيه علي راحته .. يقول مبقتش بتهتم بيا وهاملاني وهو انا متجوز عشان محدش
يعبرني.
• اتدلعتي عليه واهتميتي بنفسك .. يعتبرك فاضيه ومش حاسه بالدنيا وبالعيشه ولا حاسه أنه طالع عينه طول النهار .
• تقلتي وكبرتي دماغك .. يقولك ده أنا متجوز واحد صحبي .
• يفضل كل أما يشوفك يقولك انتي مش ملاحظه انك تخنتي أوي
• وهو أصلا قميصه مبيتقفلش من الكرش اللي عنده ولا
الحزام بتاع البنطلون الي كل شوية يتقطع .. من الهم الي هو فيه
• لبستي لبس عادي في البيت .. يبص للستات اللي لابسين سواريهات في بيوتهم "في التليفزيون طبعا " ويقولك شايفه الستات عامله ايه لأجوازها .
• قلتي خلاص هرضيه ولبستيله سواريه .. يقولك ايه اللي انتي عاملاه ده ..
هي بعزقة فلوس وخلاص . اجري غيري الهبل الي انتي عاملاه ده .
• يجي يحكي عن زميلته اللي متألقه أخر حاجه وبتلبس علي سنجة عشره .
• تلبسي كده وتيجي خارجه .. يقولك ايه ده انتى هتخرجى كده لا معنديش ستات تخرج كده بره البيت .روحي غيري اجري .
• يقولك .. هو انتي نفس الشكل كل يوم من ساعة ما اتجوزنا .. مبتحاوليش تغيري من نفسك أبداا .
• تروحي تصبغي شعرك وتغيري قصته .. ولا بياخد باله أصلا . ده غير ان شكلة اصلا علامة مسجلة في كل شئ لا بيغير من نفسه ولا من شكلة .. تحسي انه من عبق التاريخ .. لا تتغير ولا تتطوير .
أقول ايه بس ....
الروابط المفضلة