حبيباتي ..
ابني تصرفاته فعلا جننتني بنسبه لأخيه اللي عمره 8سنوات خلوني اذكر اااخر موقف صار ولا راح اقلب بالمواجع اللي طافت وهي امس ان طفلي الكبير لما راح اخوه الصغير يغسل عقب الغدا وعند المغسله كان الصغيريغسل ايده وفجاه وبدون اي سبب قام الكبير لانه كان ينطر دوره على المغسله قام (واعزكم الله من هذي الكلمه) وتفل على راس اخوه الصراحه انجنيت وحبيت اعرف ليش سوى هذا الشي بدون سبب وقال خلاص خلاص يمه وقلتله ليش تسوي هذا الشي وترظى اني اخلي اخوك يسويلك الشي هذا قال اذا سوالي دست في بطنه مع اني كنت قاريه له قصه بعنوان لاتفعل لناس شي لاتحب انهم يعملونه فيك.
والموقف الثاني لما قمنا الصبح بنروح المدرسه قعد يكح الصغير وقام الكبير يتطنز علىكحته.. وهني كشف لي ولدي الصغير عن تصرف اخوه الكبير له بالمدرسه ان لما يروح الصغير عند اخوه في( البريك او الفرصه او الفسحه) ويقعد عنده بالصف توقعوا شنو يسوي الكبير باخوه الصغير وجدام ربعه كان يطرده من الصف ويظحك الصف كله على ابني الصغير مع العلم ان ربع ولدي الكبير يدخلون اخوانهم وهو يشوف بس يسوى هذا الشي باخوه ولما سألته ليش سويت هذا الشي بأخوك قالي بس بدون سبب وفعلا زعلت حييييييييييل لان عجزت وانا اكلمه بهدووووء ولما بغوا يروحون للمدرسه رفظت اني اسلم على الكبير وقلتله ماراح اسلم عليك لانك تستاهل .
مع العلم ان دايم ابني يقولي اذا بغينا نطلع خلينا نتصل بفلان او علان علشان يروحون معانا ولاحظت انه يلعب معاهم اكثر من اخوه ومن هذا الشي منعت اي شخص يروح معنا علشان يظطر اذا يبي يلعب يلعب مع اخوه.
الله يوفكم شوفولي حل.
تحياي
الروابط المفضلة