بسم الله الرحمن الرحيم
الله يبارك فيكم ساعدونى
عندى توأم ولد و بنت عمرهم سنه و 8 شهور رضعتهم لغايه سنه و 3 شهور
كانت البنت متعلقه بى جدا جدا اكثر من الولد لانها كانت تحب لرضاعه الطبيعيه اكثر من الولد
بالتدريج وقفت الرضاعه لغايه ما نسيت
لاحظت من فتره حوالى شهرين ان الولد اصبح متعلق جدا بى اكثر من البنت بكثير و لا يروح لحد غيرى و لا ينام الا فى حضنى اما البنت تتعامل معايا كأنى مرات اب -------------------- ليها على طول مع ابوها و تبكى بحرقه لو حاولت اخدها اغيرلها او أكلها
الامس حصل موقف جعلنى اقف و افكر اكيد فى حاجه غلط:
الامس كنا فى امارة اخرى بعيده حوالى ساعتين ونصف عن البيت قضينا يوم جميل لعب و مرح و البنت قضت يومها فى حمام للسباحه مع ابوها
فى طريق العوده جلست بيهم فى الكرسى الخلفى و الاب بيسوق السياره و جانبه صديق لزوجى و فى الخلف معى
البنت بدأت فى البكاء علشان تروح لأبوها يحملها و هو سايق طبعا رفضت حاولت اهديها مفيش فايده بدأت صراخ هيستيرى كلنا اتعصبنا حاولت كل المحولات مفيش فايده الى يشوف المنظر يقول ان انا بعذبها و بضربها و لا مرات أب
النتيجه ان ابوها وقف و اخدها على رجله و هو سايق بعد رفض شديد منى و عملت كل الى هى عايزاه رغم عننا كلنا
مش عارفه اعمل ايه ربنا يعلم ان انا بتعامل معاهم بعدل الله حتى العقاب واحد بس المشكله ان الاب مش متواجد فى البيت يرجع بالليل قبل نومهم بساعات قليله لكن بتكون بالنسبه ليهم لعب و ضحك و هزار و مرح الحمد لله انا سعيده جدا بده لكن لان كاهل التربيه كله عليا انا بعاقب و بقول كخ و لأ
و بعاقب احيانا لكن ابوهم بس هزار و ضحك و لعب فبقيت انا الست الشريره
ملحظتى ان البنت بس هى الى كده متعلقه بأبوها لكن الولد عادى جدا
ارجوا ممن لها الخبرة تنصحنى أعمل ايه?
الروابط المفضلة