اخواتى انا عايزة احكيلكم الى حصل معايا امبارح لانى بجد عايزة افضفض مع حد اصدقاء زوجى متزوجين بعدنا بفترة وربنا كرمهم بحمل زوجاتهم بعد الزواج مباشرةولكنى عند سماعى كل مرة لخبر حملهم كنت افرح ليهم وادعى ربنا انه يكرمنا زيهم المهم واحد ورا واحد مراته تحمل وتولد واحنا نروح نبارك ونهنى وانا انزل اشترى اللبس الجميل للاطفال الى نفسى اشتريه مرة ويكون ليا وامبارح ذهبنا لاحد الاصدقاء لمباركته باولاده لان ربنا رزقهم بتؤام جميل ربنا يخليهلهم وذهبنا انا وزوجى واصدقاءه وزوجاتهم مع العلم اننا صحاب ودايما بنشوف بعض لكن اول ما روحنا لقيتهم بيتكلمو مع بعض عن الولادة والاطفال والادويه وفضلو يتكلمو مع بعض وانا جالسه بجانبهم وساكته ماحدش منهم واجهلى اى كلام فى اللحظه دى ابتديت احبس دموعى واقول امتى احس بالاحساس ده واتكلم عن ولادتى وابنائى اسالكم ان تدعولى
الروابط المفضلة