اخبار الحر ايه شد ولا لسه
عملت لعب جديد للايس كريم غير الطرق التقليديه لتقديمه
طريقه وعارفلها اسم وهى سويسرول الايس كريم
الطريقه التانيه صدقونى حاولت ادور على اسم مشلأقيه حاجه مناسبه غير كلمة ساندوتش الايس كريم
واعتذر لكل صور طرق التحضير بحركه غبيه منى عملتلها ديليت
نبدأ بالسويسرول
العجينه اخدت طريقتها من ست الكل ام شادى وقلت اجربها
وكانت ممتازه وسهله ومشمكلفه ابدا
المكونات
3 بيض / فانيليا
ثلاث ارباع كوب سكر
11/4 كوب دقيق
1/2باكو بيكنج بودر
تلت كوب ماء
وخفقت البيض والسكر جيدا واضفت الماء مع التقليب واخيرا الدقيق
وفرشت ورق زبده مدهون زيت وفردت العجينه عليه ودخاته فرن محمى الى ان استوت
مكونات الحشو
4 باكت ايس كريم مختلف النكهات
استخدمت نصفهم
يعنى نصف كل باكت
يتم عمل الايس كريم كما هو مكتوب على العبوه مع تقليل نسبه السائل المضافه اليه
لكن انا زودت بعض الاضافات على النكهات اللى عندى مثل
الايس كريم بطعم الفانيليا زودته قطعة قشطه
والشوكولاته م ك نوتيلا
والكراميل م ك كراميل منزليه
والفراوله بدون اضافات
ملحوظه اى اضافات تضاف للايس كريم يتم اضافتها بعد خفقه وتماسكه ويراعى تقليل نسبة السائل مره اخرى الذى يعد به الايس كريم نتيجه للاضافات الزياده
واجيب ورقة زبده وافرد الايس كريم على شكل 4 شرايط جنب بعض فى نفس صينيه خبز السويسرول ودخلته الفريزر 2 ساعه
ملحوظه اخرى
انت بتكونى محدده انت حتلفى السويسرول ازاى من اى اتجاه راعى وانتى بتفردى الايس كريم على ورق الزبده فى نفس الصينيه
انك تفرديهم بشكل عرضى علشان لما تحطيه فوق السويسرول وتلفيه تبان الوان الايس كريم المختلفه
بعد ما خرجت الكيكه قطعت اطرافها بسرعه ووضعتها على ورق فويل علشان اتحكم فى لفها وكنت مسيحه شوكولاته نوتيلا وفردتها سريعا على الكيكه وقلبت الايس كريم فوقها ولفتها وانا بلفها مكنتش بتعافى عليها علشن ما يخرجش اليس كريم ولفتها بالفويل ودخلتها الفريزر الليل وفى الصبح زينتها بالكريم شانتيه والمكيرات المحمصه ودخلتها الفريزر تانى وبعد ساعه تقطع وتقدم
الطبق ده للى ناوى يعملها
وده للحران فقط
بالنسبه لساندوتش الايس كريم
ال4 باكت اللى استخدمتهم فى السويسرول اخدت نصفهم التانى
وخلطهم مع بعض خلط خفيف بملعقه يدويه
المكونات
5 باكت بسكوت فيرى
مفروم فى الخلاط وعليه 1/2 كوب زبده وم ص قرفه
اخدت نصفه وفردته فى صينيه ودخلتها الفرن بعد تسخينه ربع ساعه ولما خرجت وبردت وضعتها فى الفريزر ساعه وخرجتها وحطيت الايس كريم البارد جدا وليس بالمثلج وفردته فوق البسكوت
تسألونى ليه جمدت البسكوته الاول
علشان ماتطراش من الايس كريم
وزحلقتها الفريزر تانى ولما اتجمدت جدا
خرجتها من الصينيه ذات القاع المتحرك وخبزت النصف المتبقى من البسكوت فى الفرن ودخلته الفريزولما اتجمد
يا نواعم الحاجه المجمده سهل اللعب فيها جدا او تحريكها من مكان لمكان
دلوقتى اصبح طبقه من البسكوت وعليها اليس كريم مجمده
والطبقه التانيه من البسكوت مجمده
انا كان اسهلى ان اقلب البسكوته باليس كريم على البسكوته الساده لانها ماسكه نفسها اكتر وضغط عليها بايدى ودخلتها الفريزر تانى وبعد ذلك قطعتها
لكن وعد منى اعملها تانى واعلى سمك الايس كريم واوحد لونه علشان يبان
معلش هى المواضيع معقده شويه بس الطعم يستاهل
الروابط المفضلة