خدوا نفس عميـــــــــــــــــــــــــــــــــق و أستعدوا
أصلى أحتمال أرغى كتير
أولا قبل ما أبدأ البرنامج بتاعى أنا والأستاذ سيسو لازم تعرفواعننا شوية حاجات
ياسين الشهير بــــــ سيسو بسابيسو عنده سنة و 3 شهور
ماعندوش اخوات و لا صبيان و لا بنات
أحنا فى غربة يعنى مافيش اهل و لا اقرباء و القليل جداااااااا من الاصدقاء
ايه رايكوا بكتب اشعار
الملاحظة الاخيرة و هى سبب قلقى و اكتئابى و سبب تأخرى فى عمل الجدول هى ان ياسين لسا مش بيتكلم
و ده طبعا مسبب عوائق كتير فى جدولنا بس الحمدلله على كل حال و تفائلوا الخير تجدوه ... ان شاء الله ربنا يطمن قلبى عليه يارب
على فكرة نص جدول سيسو اللى عمله و النص التانى انا اللى عملته
يعنى انا حطيت الافكار و هو متحكم فى مواعيد النوم و الصحيان و الاكل
أولا ده ياسين
بيصحى من النوم و يصحينى
نلعب شوية على السرير و ندلع و بعدين نقوم نفتح التلفزيون على قناة المجد للقرآن الكريم عشان يحب القران و يتعود عليه تمهيدا لحفظه بإذن الله تعالى
قولوا آآآآمييييين
و بعدين ندخل نغسل وشنا و اسنانا و نغير البامبرز و احاول أفطره
بعدها بشغله أى حاجة فى التلفزيون عشان أنا أدخل المطبخ أشوف اللى ورايا
و طبعا هو يا بييجى و رايا و يجننى فى المطبخ
او بيقعد يلعب ألعابه و يخلى البيت ..........
لما أخلص المطبخ أبدأ تنضيف البيت و بصراحة هو كتر خيره بيساعدنى
هيييه هيييه بابا جه بابا جه
بابا جه من الشغل نقعد نتغدىو نعمل جلسة كلام و رغى ماما و بابا و سيسو عشان يتعلم الكلام
وبعدين ننام شوية
لما نصحى بقى البرنامج بيختلف من يوم لاخر
يعنى ممكن نقعد على الكمبيوتر نشغل البرامج اللى بتعلم الكلام و الحروف و الالوان او نكلم تيتا و خالتو على النت
او يوم نروح نلعب فى الحديقة مع ماما و بابا
او يوم نلعب بره البيت مع أولاد الجيران
او نروح نتمشى فى المول او السوبر ماركت
او ناخد لفة بالعربية مع بابا
بالليل بقى بنملى البانيو وناخد دش و نلعب شوية فى الميه باللعب و
و نرضع و ننااااااااام
يوم الجمعة و السبت بيكون فى اختلاف لان بابا بيكون اجازة و بنخرج نتفسح و نروح المول او الملاهى او نروح ننزل البحر
قبل ما أختم أحب أشكر الغالية أم سهيل القلب الطيب
و الغالية بنت الأحرار المعلم المثالى
اللى شجعونا و ساعدونا على الاهتمام بأطفالنا
و أقولهم
و أشكر حبيباتى أم نور yehia2007 و أم هوبا YSmSma
لأن برامجهم لأولادهم هما اللى شجعونى انى اكتب برنامج سيسو و انزله و ربنا يديم المحبة بيننا ياااااااارب
و السلام عليكم و رحمة الله و بركاته
الروابط المفضلة