السلام عليكم ورحمة الله وبركاته مرحبتين بيكم في اللمة الليبية 232 ونبي نطرح موضوع للنقاش ونبي ناخد ارائكم هل العزوز تجي زي الام يعني عزوزتك وهل السلفة تقدر تبدى صديقة او اخت نبي تجاوبوني من الواقع امتاعكم
للبحث في شبكة لكِ النسائية:
|
السلام عليكم ورحمة الله وبركاته مرحبتين بيكم في اللمة الليبية 232 ونبي نطرح موضوع للنقاش ونبي ناخد ارائكم هل العزوز تجي زي الام يعني عزوزتك وهل السلفة تقدر تبدى صديقة او اخت نبي تجاوبوني من الواقع امتاعكم
سلام عليكم ورحمة الله وبركاته
تفضلوا البيت بيتكم
يعطيهالك يالحالمه فتحنا دويرة بنفس الوقت ههههههههههههه
من وين طلعتى قولى هههههههههه
يالله نبدو هنا لانك قبلى فى الوقت بتلات دقايق وانتى اول مرة تفتحى دار
كيف حالك ي الحالمه وشن اخبارك ومبرووووك الدويرة
بالنسبه لموضوعك لطرحتيه سبق وان طرحاته وحدة من الاخوات بس مش مشكله نعيدوه تانى
بالنسبه ليا
ممكن انا ام الزوج تاتى بمكانة الام فى بعض الصفات بس كليا كليا الام لايأتى مكانها اى شخص ولا استطيع ان اقول لام زوجى يا امى بهذا اللفظ او ماما
وبالنسبه للسلفة انا عن نفسى عندى اتنين سلفات الاولى تزوجت وسافرت على طول والتانيه تزوجها سلفى وانا بكندا وماشفتها الى الان بس نتكلموا عادى وانا نتمنى انى نكونوا اصدقاء
على فكرة انا وزوجى مانفضلوش كلمة عزوز كما انى لااحب احد يقولها لامى وانا انادى ام زوجى الله يرحمها قبل (امّيمه)
آخر مرة عدل بواسطة ملكةالرومانسيه : 15-06-2010 في 02:08 AM
بارك الله فيك يا ملوكه وما جاوبتيش على موضوعي وبالله عليك كيف انزل صور العصير والشوكو لاته
شكرا يا ملوكه وكلمة اميمة نعرفها للاحفاد يقولوها لحناهم ام الام وانا نقول لعزوزتي عمتي شن رايك معليش عندي سؤال انت من وين
بالنسبه للصور تاخدى الصورة وتضغطى عليها بالماوس باليساروتاخدى باليمين كابي وبعدين تجى لرد الموضوع واديرى بيست
انا الكابي مش عرفه مايشتغلش عندى
اما ادا بتنزلى تاخدى الصورة اللى تبيها وتحمليها بجهازك وبعدين تمشى لاى مركز تحميل انا نحمل عن طريق العملاق لتحميل الصور وتحطى الرقم وتاخدى براوز وتحملى الصورة اللى اخترتيها واديرى اوبن وبعدين تستنلى لين تحمل لما تكمل تاخدى نسخ الكود للمنتديات وتنسخيه باليمين اديرى كابي بعدين تجى للرد واديري بيست
ان شاء الله وصلت الفكرة
حاولى انا معاك..
والله ما فهمت حاجة مطولها وما رق احبالها هههههههههههههههههههههههههههه
تعرفي عيلة ريح وعموما نحس فيك انسانة محترمة وصاحبة شخصية دبلوماسية
الروابط المفضلة