هقولك ياقمر
اولا انا طول عمري كنت رشيقه واقصى وزن وصلتله قبل الزواج كان 65 كيلو
ثانيا اسمن واحده في بنات العائله وزنها 70 كيلو فاصبحت انا مثار انتقاد الجميع ووصلني السخريه من سمنتي من ورا ظهري
ثالثا العيد اللي فات لفيت على ملابس للعيد وكل ما ادخل محل يقولولي مفيش غير مقاس صغير وحتى لما بلاقي كبير بيطلع ضيق عليا ملاقيتش مقاسي غير في محلات كارينا وفعلا اشتريت بلوزه جديده ولبستها في العيد كان كل اللي يشوفني يقولي مبروك الحمل لانها اصلا شكلها بلوزه حمل
رابعا مبقيتش اعرف اسجد وانا بصلي من وجع ركبي وبقيت اصلي وانا قاعده وانا عمري 27 سنه
خامسا انا محضرتش فرح ابن عمتي بسبب اني ملاقيتش ملابس سهره مقاسي واتحججت ان ادهم كان وقتها لسه مولود
فوقفت مع نفسي وقفه وقلت لنفسي ليه الذل اللي انا راضيه بيه؟
ليه ارضى ان شويه دهون تخليني فرجه للناس ومثار سخريه من القريب والبعيد؟
وسالت نفسي سؤال هم اللي بيخسوا احسن مني في ايه؟
وتوكلت على الله وعزمت اني ابدا وفعلا بدات
ولله الحمد مضعفتش ولا يوم وماشيه على الريجيم مضبوط
وكل ما نفسي تهفني مثلا على حاجه حلوه اقول لنفسي اي اولى قطعه حلويات ولا اني ارجع البس اللي نفسي فيه وثقتي في نفسي ترجع؟
وطبعا طموحي في الرشاقه بينتصر
انتي كل ما تضعفي قدام الاكل تخيلي نفسك قاعده في فرح والبنات لابسه اشيك الفساتين وانتي لابسه شوال بتداري بيه سمنتك
معلش طولت عليكي بس بجد انا مش عايزاكي تضعفي تاني
وهكون اكتر واحده فرحانه بالتزامك ونزول وزنك باذن الله
وشوفي ساعتها عزيمتك هتكون شكلها ايه
الروابط المفضلة