بيت مغتربات بريطانيا أهلا فيكم شرفتونا _2 _

[MARWAH]

اي مو الجريك بس اذا ما لقيتي جيبي اي زبادي وميعيه بشوية مي او حليب واستعمليه
قولتك برجع عروس بعد التالت انا حاسة هلق بشعور الدجاجة يلي بس عم تبيض ههههههههههههه

[new light]

هههههههههههه مروة ولو واحلى عروس كمان
بس لو اجينا عحكاية الدجاجة انت كم ناويه تخلفي ان شاءالله

[MARWAH]

هلق عم احمد ربي على يلي عندي بس زوجي ما عندو مانع خلف لاشبع ههههههههههههههههه
الله يختار الخير

[new light]

ههههههههههه
اه لازملك ترتاحي شوي
بس انا اللي بعرفه
الباكستان مابيحبوا يخلفوا كتير زي العرب
\طبعا بحكي عاللي هون مش الي ببلادهم
بحسهم مقنين الموضوع
ولا جوزك يمكن بيحب الاطفال

[MARWAH]

لا ما رح احمل هلق تعبت كتير
بالعكس بيحبو الخلفة كتير حتى ما بيخلو نسوانهم يعملو مانع احيانا بس انا الكونترول بايدي وزوجي ما عندو مشكلة بالولاد
اما بحب يكون عندي خمسة او ستة بالكتير حلوة العيلة الكبيرة ربي يقدرنا على تربيتهم

[new light]

انا كمان زي هيك بحب العيلة الكبيرة
بحس الام بتتعب فيهم
بس بعدين بتنبسط بس يكبروا
بس غريبة انه بتوليلي انه بيحبوا يخلفوا كتير
تعرفي كل اللي بعرفهم عندهم واحد او اتنين وبناتهم مسافة
هداك اليوم بدت شغل مع جوزي دكتورة باكستانية
الا جوزي جاي ومش مسدق لانه عندها 4 اطفال
بيحكيلي عاساس اشي كتير غريب

بس طبعا انت عايشة بمجتمعهم وبتعرفي اكتر مني

[MARWAH]

لا لا مين قال انا يلي بعرفهم اقل شي عندهم اربعة ولسا بدهم معروفين بحب الخلفة مشان يكترو المسلمين وكمان مشان البينفيت

[new light]

انا رايحة اظف التلاجة وبعدين برجع يلا سلام

بس عجبتني حكاية يكتروا عدد المسلمين

[MARWAH]

اي ذكرتيني وانا لازم نضف التلاجة اليوم لانو خربانة وعم تجمع تلج ومي وبدي ياها تكون نضيفة قبل ما اولد

[new light]

تعرفي نظفت التلاجة
وبعدين خطرلي اعمل فطاير وبيتزا
فعملت عجينة العشر دقائق بس عملت نص الكمية
مابدي كتير بس مع كاسة شاي بكرة لانه جوزي بيطلع عالشغل افتر نون
وبيكون رد جاع وبدوا اشي خفيف قبل مايروح
فسويت اقراص بيتزاا وفطاير بجبنة المتلتات للاولاد واكم فطيرة زي اللي فرجيتكم اياهم قبل
بس شو انبسطتت لانه كلهم حطيتهم مرة واحدة بصاج الفرن
تعرفي حطيت نص معلقة ملح عالعجين
حسيته تعدل وماعاد حسيتها دلعة ولو اني حاسة انه بدو كمان شوي