ركن الحلويات المغربية

[OUMAHMED]

راني جربت هدي الحلوى ديال الجلجلان خرجت بنينة ولكنها يابسة مشي طريه ولصقتلي في plat يعني نزعتها بصعوبةومشكورة

[oumimad]

img1

1كعب الغزال

العجين

1/2كيلوالفورص
1 م ك سكار كلاصي
50g الزبدة مدوبة+1 م ك الزيت
نصف كاس الزهر
1 ابيض البيض

العقدة

500غ اللوز
300غ سكر
نصف كاس الزبدةمدوبة
2م ك الزهر
شوية المسكة

الطريقة

الكل كيعرف يصوب العقدة
خلطي العجينة قسميها كويرات خليها تر تاح 10mn
طلقي العجين مثل الملاوي بالزيت ونضع عليها اصبع العقدة وتغلف بالعجين ونشكلها

نصيحتي لانجاح الكعبة
1 تلمطي اصبع العقدة بالعجين جيدا يعني تدخلي العجين تحت العقدة يارب تفهموا قصدي

2 يجب ان تكون الكعبة لها نفس السمك من تحت حتى الفوق نفس القياس

3 تترك الكعبة ترتاح ليلة كاملة

4 قبل ادخالها الفرن يجب تقبها 3 تقب او4من تحت

5 دهنها بالزبدة قبل ادخالها الفرن
بالصحة والراحة

[rachidah]

راني جربت هدي الحلوى ديال الجلجلان خرجت بنينة ولكنها يابسة مشي طريه ولصقتلي في plat يعني نزعتها بصعوبةومشكورة

شكون حلوى ديال الزنجلان جربتي
راه كثار ديال الزنجلان
باش نقول ليك شنو تدريلها

[nawnaw_yunus]

السلام عليكم جبت ليكم كيكة بالتفاح نتمنى تعجبكم.
*2 بيضات.
*1كاس سنيدة.
*1خميرة.
*1كاس زيت+ زبدة مدوبة.
*2كيسان دقيق.
*2 تفاحات.
نخلط الكل ندهنو المول تم نكبو شوية من الخليط نحطو شرئح التفاح من بعد نكبو بقية اخليط نحطو بقية شرائح التفاح.
من بعد ما تجرجوها من الفران نكبو سيرو المتكون من الماء+سنيدة+حامضة.
بالصحة.

[OUMAHMED]

راني جربت هذيك الحلوى الي نخرجوها بالبوق ونلصق حبة مع اخرى بالنسلي وراهي خرجت يابسة بزاف مع اني درت جميع المقادير مضبوطة ومشكورة اختي

[oumimad]

2 غريبة كوكاو

اني مدمنة على هده الحلوى وكنديرها تقريبا كل عيد
2/1 كيلو كوكاو مطحون بقشوره
4/1كيلو سكر كلاصي
4 ابيض البيض
1ملعقة كبيرة عسل او كنفتير
4/1كاس صغير الزيت
2/1 خمارة الحلوة
2 ملاعق صغار الزهر
للتفنيد سكر كلاصي

3 الطريقة
نطربو البيض مع شوية الملح حتى يولي متل التلج +سكر كلاصي+كوكاو +باقي المقادير
نخلطو الكل ب شوية
نترك الخليط يرتاح ليلة كاملة في المجمد
في الغد نكور غريبة وتفند في سكر كلاصي وتزين ب لوزة وتطهى في فرن سا خن عل نار هادئة
ممكن الاحتفاظ ب الخليط مدة شهر وكل مرة تاخدين القدر الدي ترغبين طهيه

حلوة اللوز بالزنجلان

عقدة اللوز ديال الكعبة +fruit confit + اصفر بيضة
ونشكلها حسب الرغبة اما هلاليات او دوائر تغمس في ابيض البيض تم في الزنجلان
تدخل الفرن مدة 5دقائق
تزين بالشكلاطة

مقادير العقدة الكعبة

500غ اللوز
300غ سكر
نصف كاس الزبدةمدوبة
2م ك الزهر
شوية المسكة

غريبة اللوز

اللوزمطحون بقشوره250g
150gسكار كلاصي
3اصفر البيض كبار او 4متوسطين او 5 اصفر البيض ادا كان البيض صغير
4/1خمارة الحلوة
نخلط كل المقادير ونكورها كور مبزطة حسب الدوق ونفندوها في سكر كلاصي
وتدخلوها الفران بالصحة
ممكن نبدل اللوز بكوكاو مع زيادة 2/1كاس صغير زبدة

[awatif2003]

شكرا لك ام عماد على الحليوات الرائعة و ننتظر مزيدك انشاء الله

[awatif2003]

فين غبرتي انانا راني كنتسنى فالجواب نتاع عجينة الورقة و شكرا و سمحيلي علىالتبرزيط

[fati taha]

شكرا حبيباتي على الحلويات فكرتونىي فجبان كلوباب كيف قالت الاخت كان كيجي قدام المدرسة داب ولى كيجي فالانترنيت قدام ولداتي سبحان الله تبدلت الوقت .شكرا مرة اخرى و يعطيكم الصحة كاملين.

[oumimad]

صوبت هد الكيكة وعلى منصورها حتى تكل نصفها مقدروش اولادي يصبروا