ركن الحلويات المغربية

["أحلم بالجنة"]

تبارك الله عليك أياسمينة دايما منورة المنتدى لهلا يخطيك علينا

عيــــد مبـــــارك سعيـــد للجميـــع

[yassmine78]

عافاكم ألبنات اللي عندها شي حلوى بالكاوكاو تعطيهالي حيت راه عندي فدار و بغيت ندير شي حاجة زوينة عتقونيييي

عندي حبيبة حلوى كتجي روعة
250 غ زبدة
1كاس زيت
1كاس سنيدة
1م ك قرفة
500 غ كاوكاو محمر ومنقي ومطحون
1 خمارة ونصف
الطحين حتى تجمع
ديريها على شكل غريبة و شقيها بظهر الموس اربع شقات ودخليها للفران وبمجرد متخرجيها ديريها في السكر كلاصي و بالصحة

[yassmine78]

بارك الله وفيك احبيبة احلم بالجنة لهلا يخطيك وعيدك مبروك بكل ما تمنيتي ان شاء الله

[hananrami]

تبارك الله عليك اختي ياسمين الله يعطيك الصحة ان شاء الله نجربها و نسميها حلوة ياسمين

[awatif2003]

عيد مبارك سعيد على كل المشتركات و شكرالك يسمين على الحليوات
و كيفاش نديرو نشقوهم بظهر الموس حيت عجباتن و بغيت نجربها واش كتجي زوينة و هشيشة ؟؟؟؟؟
ارجوا الجواب يا اخت ياسمين

[yassmine78]

باراك الله فيك ازين ان شاء الله غديا تعجبك

[yassmine78]

عيد مبارك سعيد على كل المشتركات و شكرالك يسمين على الحليوات
و كيفاش نديرو نشقوهم بظهر الموس حيت عجباتن و بغيت نجربها واش كتجي زوينة و هشيشة ؟؟؟؟؟
ارجوا الجواب يا اخت ياسمين

ايه كتجي هشيشة بزاف بالنسبة للشق بالموس غير باش تعطيها شكل مزوق كتاخدي المس وبظهرو اي اللي مكيقطعش كتديري علامة + ووسط هد العلامة كتديري / من جهة اليمين تم /من جهة اليسار كتعطي بحال زواقة المرشم او الطابع اللي كنديرو بيه حلوة البارابول الى كنت كتعرفيها
الا مبغتيش تقدي تخليها بلا زواق غير بحال الغريبة .
وعيدك مبروك و بكل المتمنيات ان شاء الله

[yassmine78]

البنات اللي عندها مشكل مع الكرواصة او مكتزداقش ليها عندي وصفة سهلة وبنينة

عافاكم البنات اللي عندها مقادير البيسكوت ديال الريجيم ومجربو يعتاقني بيه

[nana1970]

انسة نوال عرفتو التمر د المقروط وشكرا على الرد وسمحلي على التبرزيط
حنان غير ضحكت معاك عارفاك مدريهاش وخصوصا انت حيت فنانة ماغديش تبغي الحاجة المسخة
هالولة اصحبتي شنو هاد الشي نتي مولات دراع بالحق عندك الصح بنادم كيمل وخصوصا الزهر طالع غي للخايبات
ياسمين وعواطف الله يعطيكم الصحة على الوصفات برافو عليكم ولكن ياسمين شنو كتقصدي بالبسكوي د الريجيم

[بيتي مملكتي]

ياسمين شكرا بزاف و تبارك الله عليك الوصفة اللي عطيتي زوينة بزاف دابا نجربها
و بالنسبة للحلوى دالتمر مافيهاش الخميرة و كتجي زوينة