لولا
كيفك ياقمر
أحنا الحمد لله بخير وسمسمة كمان بتبوسكوا كتير
للبحث في شبكة لكِ النسائية:
|
لولا
كيفك ياقمر
أحنا الحمد لله بخير وسمسمة كمان بتبوسكوا كتير
لولو كيفك حبيبتي وكيفها ندونة ان شاء الله تكون اتحسنت؟طمنينا شو حكالكم الدكتور؟؟
يلا لساتني بستنى صور ندونة هههههههه
توصلي بالسلامة الله معك انتبهي على حالك والصغار حبيبتي
مو غلط والله سمسمة حلو المشي منه رياضة ومنه بتتسلي وبتغيري جو
كيفك وكيف الصغار؟
اهلا ام رمرومة وانتي بألف خير حبيبتي وعقبال رمرومة يارب
سلامة عينك والله هالرمرومة صايرة مشاغبة ماشاء الله ههههههههه بس تكبر شوي شو رح تعملك بوسيلي ياها
اهلا هالة كيفك وكيفها ياسمين احنا تمام ومشتاقين
لولا كيفك حبيبتي وكيف سفسوف؟
ان شاء الله بيرجع زوجك بالسلامة ياارب هونيها بتهون حبيبتي ان شاء الله بيمر الوقت بسرعة وما بتلاقيه الا على وصول
معك حق الواحد داينا بيجي عبالو الحلو بعد الغدا خصوصا ههههههههه
الله يبارك فيكي يارب وان شاء الله اني اضل صامدة وما ايئس لازم انزل كمان 14 كيلو عالاقل عشان اوصل لوزني قبل الحمل الله بيهونها ياااااارب
اما عني مافي شي جديد الا انه رهوفة الحمدلله خطت خطوتيييييييييين امبارح
كانت بدها اللعبة وكانت بعيدة عنها ومافي شي حواليها تسند عليه مشيت خطوتين وبعدين رجعت تحبي هههههه بس اتفائلت كتير حسيت انه فيه امل تمشي خلال هالشهر ان شاء الله
هي وكمان بتحاول انها تمشي لما ما حدا يكون منتبه عليها يعني لو شفتها وقلتلها برافو او تعالي على طول بتقعد كانها عاملة شي غلط هههههههه
وامبارح ما نيمتني طول الليل وهي تزن وتبكي وانا كنت نعسانة وتعبانة ومو قادرة اعرف مالها والله ربنا بس عالم بحالي اليوم الله يهونها يارب
صباااااااااااااح الخير على أحلى أمهات وعلى الكتاكيت المشااااااااااغبين
سروره كيفك حبيبتي ومبروك الخطوتين لرهوف وان شاء الله تمشي هالشهر يارب وتجري وتكسرلك البيت
ام ندون كيفك ياعسل وكيف ندون الاموره
طمنينا عنها ان شاء الله تحسنت
هاله كيفك ياعمري وكيف ياسمين الأموره
لولا كيفك وكيف سيفو
وان شاء الله زوجك يرجع بالسلامه بتصدقي انا زوجي كل مره بيسافر بضل ابكي مع انوا اسبوع بيسافر واسبوع بيكون عندي بس لسى ببكي ههههههههههه
أما عن اخباري فمبارح زوجي فاجأني واجا من الشغل مخصوص ليحتفل بعيد ميلادي مع انوا كان في 29 مايو بس ماقدر ينزل لانوا كان عندو ضغط بالشغل فمبارح بعد محاولات عديده قدر انوا ياخذ اجازه فاتصل في وقلي جهز حالي ورمروم اعطيها امك قلتلوا نو مابقدر لانوا هي مابدها المااما بتضل تبكي فقلي براحتك
طلعنا واخذني عامطعم عالبحر وصاير رومانسي كثيير هههههههههه
وطلبنا عشاء وتعشينا بس رمروم الله يهديها ماتترك فرصه خربت الرومانسيه كلها نكدت وبعدها كسرت صحن ودفعنا فاتورة العشا والصحن
وبعد محاولات نامت شوي واعطاني هديتي بوكيه ورد وطقم عطر
وطلعنا تمشينا عالبحر واخذنا رمروم لمدينة الألعاب وبس سمعت صوت الالعاب والصريخ وفضحتنا ماعطتنا مجال وطلعنا بسرعه
ورجعت عالساعه 3 الصبح هلكانه بدي نام والست رمروم فضت نومها بالسياره ومارضيت تنام الا الساعه 7 الصبح
وجلستني عالساعه 11
ساره مبروك الخطوتييييييين,يلا شويه مابتلاقيها غير بتمشي لحالها بس انتي راقبيها من بعيد..الله يحميها يارب.
ام راما كل عام وانتي بخير..يلا حلو انك غيرتي جو وانبسطي مع انو الصغار مابهنو الواحد على طلعه...انتي وين ساكنه؟
اهلا
كيفك لولا
وكيفو سيفوا الامور
والله صدقتي الاطفال مابيخلونا نتهنى بشي
وأنا ساكنه بالمنطقه الشرقيه البحر قريب من عندنا ساعتين
بالطريق
بس الجو حر ورطووووووووبه لاتطااااااااااااااااااااق
اليوم لماطلعت الظهر مشان روح بيت أهلي السياره نااااااااااااااار لو بحط بيضه راح تبطبخ لوحدها بتصير اللي بدك ياه مسلوق وكل شي
ههههههههههههههههههههههههههههههههههههههه
والله جلست واحترقت لماسندت ظهري وشغل التكييف بس بدون فايده بيطلع نار
صباح الخيرات
اسفه للغياب بس جنى وقعت و كسرت ايدها
و عمه زوجي كانت مريضه كتير و تعبانه
كل عام و رهوف و ندون بالف خير يا رب
وو كل عام و انتي بخير يا ام راما
ام سيف انا متلك كل ما يسافر زوجي بقعد ابكي
بس نصيحتي اشغلي حالك
اعزمي صديقاتك او اطلعي معهم مشوار
غيري جو
سروره انا دورت على الاسئله اللي سالتيني اياها ما لقيتها
ممكن تكتبيلي اياها كمان مره؟
السلام عليكم...جمعه مباركه
د.سوسن الف سلامه على جنى حبيبتي الله يعينها...يارب تكون احسن هلأ
الف سلامه على عمه جوزك بروح الشر عنها...يارب اشفيها واشفي مرضى المسلمين.
صح معك حق الواحد لازم يشغل نفسو باي اشي,,انا حاولت ارتب شويه اغراض بالبيت وعملت كيكه وانحرقت,شكلو مزاجي ما كان رايق وانا بعملها....ربنا يهونها علينا يارب.
بوسيلي جنى وبرهومه.
ام راما والله الجو كتتير رطوبه خصوصا الشرقيه عشانها ع البحرر...انا كنت عايشه هناك واهلي هناك.
كيف الكتكوته راما يارب تكون بخيير.
باقي البنات وينكووو التجع صار فاضي كتيييييييييييييييييييييييييييييير.
سلام
د. وزسن ألف سلامة على جنى و سلامتها لعمة زوجك....ما تشوف شر...تعالي هون اعنا أكتر..
لولا..انشاءالله يرجع زوجك بالسلامة...بالعكس حاولي تنبسطي و تجددي الشوق لزوجك...مرات كويس البعد كل فترة و فترة بجدد مشاعر حلوة..أنا هيك بشوف
أم راما...كويس انك طلعتي بس عن جد الصغار ما بخلونا نتهنى بإشي الله يخليهم...
سلمى ماشاءالله عليها بتقبل الناس بسرعة حتى لما أطلع مشوار بتركها عند جارتي م في مشكلة و بالنهار عند الشغالة. مع انو ما بكون مرتاحة بس عند الحاجة بتركها
سرورة..ماشاءالله على صور رهوفة بتجنن...و انتي ماشاءالله عليكي شاطرة و معدلة
باقي المامات الجزائرية,هالة,كيوتست مام,ماريا, اشتقنالكم
د\سوسن
سلامتها الاموره جنى ان شاء الله تحسنت
والله يشفي عمتك يارب
لولا
كيفك وكيف سيفو
والله كثيييير حر كنت راح موووووووت
انجل
كيفك وكيف سلومه
ولحمد لله انها بتتقبل الناس انا بنتي بتعمل فضيحه لوبس اتحرك من قدامها اذا بدي اطلع ضروري نومها بالأول مشان ماتشوفني
واليوم وقعت من عالسير مع اني كنت قدامها بس نطت من فوقي ووقعت وانا فزيت من نومي شفتها تحت السرير ورفعتها وضربها السرير براسها وضلت تبكي طول الوقت
ام ندون هاله كيوتست موم وماريا سروره طلي علينا ياقمر
اتصلت فيكي مبارح ومارديتي
الله يبارك فيكي ام رمرومة وكل عام وانتي بألف خير وعقبال 100 سنة يارب
معك حق الواحد بطل يقدر يروح على كل مكان متل زمان هههههههه الله يحميهم يارب بكرة ان شاء الله بيكبروا وبيصيروا يحبوا الطلعات اكتر منا
سوسو الف سلامة عليها جنى ان شاء الله ما تشوف شر كيفها هلا؟
انا لما كنت بالصف الاول انكسرت ايدي اليمين مرتين وصرت اكتب بالشمال ولهلا وانا بكتب بالايدتين ههههههههههه كل عام وبيبو بألف خير وعقبال 100 سنة يارب
عملتيلو حفلة؟
الف سلامة على عمة زوجك الله يشفيها ويشفي الكل يارب
بالنسبة لسؤالي كان عن ضرس العقل !!!
انا لما طلع عندي ضرس العقل كان يلتهب ويوجعني رحت عند دكتور حكالي انا رح اريحك واشقلك اللثة وخلي السن يطلع براحته هيك رح يبطل يوجعك!!! انا حاسة انه هو خربلي اسناني لانه السن ما طل كتير يعني بعده لهلا داخل لجوا وكمان شغلة اسناني كانت صف واحد وكتيييييييير حلوين بس مع الوقت صرت احسهم بيفرقوا وبيبعدوا عن بعض وهلا بطلوا على صف واحد يعني صرت احس انه فيه واحدقدام التاني هما لسة مو مبينين بس لما انا احسهم بيبين معي وكمان صار فيه مسافة بين كل سن والتاني شكلهم بطل حلو متل الاول هو هيك السبب و خربلي ياهم ولا في شي تاني صار ؟؟وانا هلا لازم اعمل تقويم؟
تسلميلنا يارب يا دكتورتنا بعرف اني غلبتك بالاسئلة
لولا كيفك؟معلش طولي بالك ان شاء الله ما بتلاقي الا زوجك رجع بوسيلي سفسوف
ام سلومة كيفك وكيف سلومة؟
تسلمي حبيبتي عيونك الحلوين
بوسيلي سلومة
اهلا ام رمرومة معك حق الدنيا كتيييييييييييييييييير حر ولسة الصيف بأوله هديك اليوم كانت الخرارة 48 وقت الظهر الله يعين الناس الي بيكون شغلها بالشارع طول النهار الله يهونها
اسفة ام رمروم امبارح كنت نايمة لانه كان مكسوووووووووووووووووووور علي نوم بشكل مو طبيعي هددت زوجي وقلتله يا بتاخدها يا رح تتسجل اليوم اول جريمة بالتاريخ انه واحدة تقتل حاالها عشان تنام ههههههههههههه طبعا هو ارتعب وما شفت حدا قبل الليل ونمت من ال 5 ل 9.30 ههههههههههههه
وطبعا لما صحيت كانت رهوفة قاضية عالرصيد ان شاء الله بشحن وبكلمك اليوم
رهوفة كمان كانت نايمة جنبي لانه كان عليها حرارة بليل نيمتها جنبي شكلها صحيت وحبت تنط ما سمعت الا صراخها وقت الفجر طبعا صحينا متل المصروعين ولقيتها عالارض شكلها نطت ونزلت سقوط حر ههههههه الحمدلله الي اجت على هيك
باقي المامات وينكمممممم؟؟
الروابط المفضلة